عنوان الموضوع : الرسم على الدلال بليز علموني ديكور جديد
مقدم من طرف منتديات الضمير العربي

السلام عليكم
اشحالكن يا صبيات
كل عام و انتو بالف خير الله يعيده علينا و عليكم بالخير و البركة
حبوبات
ابا طريقة الرسم على الدلال لو ماعليكن امر
لو سمحتو بالصور بعد ابا
بليز الي تعرف لا تبخل عليي
و ان شاء الله في ميزان حسناتها

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ولا وحده لين الحين ردت علي
الله يسامحكم

__________________________________________________ __________

>>>> الرد الثاني :
وانا بعد اضم صوتي لصوتج حابه اتعلم لني من هوات الرسم اللي تعرف لاتقصر يلا بنات المنتدي نبغي فزعتكم

__________________________________________________ __________

>>>> الرد الثالث :
السلام عليكم ورحمة الله وبركاته
حبيباتي الرسم على الدلال سهل بس اذا عندج موهبة الرسم
أنا بشرح لكن الخطوات بس بدون صور لأني دائماً أنسى طريقة تنزيل الصور
المهم الخطوة الاولى : الأدوات :1)ألوان زيتيه او اكريليك من اي ماركة أنا أخذ فولك ارت من جرير او الغصن الاخضر بأبوظبي او اي ألوان تحبينها وترتاحيلها مب مشكله النوعية والفرش فيه انواع وبعد التحديد الي ايي ذهبي وفضي كلهن موجودات.
2) الدلال أنا افضل ماركة روتبونك النقطة الحمراء
3) الورنيش تحصلينها في الغصن الاخضر خبروه أنكم تبون ورنيش الدلال ويكون شفاف
الخطوة الثانية :
أرسمي الرسمة على الدلال واتركيها لين تنشف حسب نوعية الألوان
الخطوة الاخيرة :
ورنشي الدلة فوق مكان الرسمة وحواليها بمسافة 1 سم ترى الورنيش له ريحة قويه فالأفضل تلبسون كمام للانف والفم ويكون المكان الي تشتغلون فيه جيد التهويه وبعيد عن اماكن الاطفال لان الريحة قوية وما انصح الي عندها حساسية او ربو انها تشتغل في رسم الدلال او لو كانت حامل لان هاي مواد كيماوية مضرة للصحة الألوان طبعا مالها ريحه قوية بس أتكلم عن الورنيش هو المشكلة والسموحة منكن وان شاء الله عرفت اشرحلكن الطريقة والي عندها استفسار تراسلني وان شاء الله اقدر اساعدكن.*

__________________________________________________ __________

>>>> الرد الرابع :
للرفع

__________________________________________________ __________

>>>> الرد الخامس :
موفقة