عنوان الموضوع : بشكارتي يديدة..وييينكن ابى مساعدتكن اعمال يدوية
مقدم من طرف منتديات الضمير العربي
السلام عليكم ورحمة الله
خواتي بعد ايام بتوصل بشكارتي اليديدة...وهي ماكد اشتغلت من قبل..يعني بقراطيسها....
انا يبتها من طرف بشكارة امي لأنها ماشا الله على بشكارة امي ماعليها كلام وسألتها اذا حد من اهلها يبى يشتغل..ووقع الاختيار على هذي...لأني ابى وحدة يديدة امرررة عشان تتعلم على يدي ثاني شي هالبشكارة بتقطع عمرها عشان تشتغل ومستعدة لأي شي...
الحين...يوم توصل ان شا الله بالسلامة كيف اقسم لها الشغل؟ وشو اعطيها من نصايح واوامر؟؟؟
مع العلم اني حامل في الاشهر الاخيرة ومافيني عالصدعه
وبعد في شي..انا عايشة في بيت اهل ريلي...وماعندي غير قسم...وانا اباها تساعد وتنظف لهم في البيت لكن بنفس الوقت اكون انا وريلي وولدنا اهم شي عندها....
بشو تنصحني يا بنات..عطني من خبرتكن
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انصحج تكتبيلها جدول شوه الاشياء الضروريه اللي لازم تسويها مثل تنظيف الغرف والحمامات يوميا
__________________________________________________ __________
>>>> الرد الثاني :
وينكن
مشكورة اختي حافية
__________________________________________________ __________
>>>> الرد الثالث :
عادي دام انها يديده مابتتشرط علييج ولا بتعصب..قوليلها انج حامل وتعبانه ومحتاايه انها تتعلم بسرعه
واكتبلي لها كل شي بجدول مثل ماقالت الاخت..والله يوفقج
__________________________________________________ __________
>>>> الرد الرابع :
اختي اذا انت تعبانه ما ترومين اتعلمينها وديها كم يوم عند حد من اهلج تثقين في شغالتهم ونظافتها كم يوم تتعلم الشغل المعروف الخاص بالتنظيفات
او انج علميها خطوه خطوه وهذا بيكون تعب عليج لانج بتظطرين اتقومين من الصبح اتعلمينها والله ايعينج
__________________________________________________ __________
>>>> الرد الخامس :
لا الغالية لا تغلطين و اتودينها عند اي حد , علميها كل شي بروحج و الله أحسن اول ما اتي قوليلها الساعة كم ترقد و الساعة كم تنش من رقادها و عقب ابدي وياها من الصبح يعني من اول ما انتش الين ترقد يوميا شو اتسوي .
نشي وياها من الصبح طوال ايام اسبوع و علميها الين ترقد انا اعرف انها طريقة متعبة لكن انشالله بتعرفين النتيجة عقب و عقب اسبوع ودريها و راقبيها عدل خليها اتحس انها مراقبة 24 ساعة بخصوص الشغل و طبعا لا تنسين تاخذين لها ثياب و ملابس داخلية ......الخ
بس نصيحة يا اختي من وحدة يايبة ثلاث بشاكير , راويها العين الحمرا اول الأيام و شدي عليها لأنج الي بتعلمينها اول الأيام هو الي هي بتتعود عليه , و بانسبة للسالفة العودة انج تبينها اتعرف انج انتي و ريلج و البيبي اهم شي , حسسيها من اول ما اتي بها الشي مثلا انج اتقولين انه انتو الي تتدفون راتبها و انج انتي اربابتها .
و اذا بغيتي تسألين اي شي طرشيلي رسالة خاصة
رد مع اقتباس
