عنوان الموضوع : كيف أستــــــــــــــــــــــــــــــغل فــــــــــــــراغ شغــــالتي ؟!! اعمال منزلية
مقدم من طرف منتديات الضمير العربي
السلام عليكم بنات
مشكلتي غريبة نوعا ما
انا يبت شغالة لاني كنت ادوام وكنت حامل ما اروم ع شغل البيت ويبتها فترة الحمل عسب اعودها ع روتينا واتطمن عليها اذا تصلح تمسك لي ولدي يوم بعدين اسير اداوم
والحمدالله ربيت وبعد ما خلصت اجازة الوضع مالتي كان شغلها يوم انا محد تمسك الولد وعقب ما ارد تسوي اشغال البيت البسيطة
لكني فجأة قدمت استقالتي عشان ولدي
وحاليا طول الوقت انا مع ولدي
واحنا عايشين بشقة صغيرة -غرفتين وحمامين وصالة ومطبخ- بعيد عن اهلي واهل ريلي نظرا لظروف عمل ريلي
فالله يسلمكم هذي الشغالة كانت قبل لا ايبها عندي تشتغل عند اهلي وطبعا بيت اهلي كبير والشغل وايد فكانت هبة ريح وتشتغل وايد ومتفانية والكل يمدحها
وبصراحة عجبتني فطلبتها من اهلي وهم يابوا لهم شغالة يديدة
انا طلبتها لاني ما اثق بخادمة يديدة تمسك لي ولدي بغيت وحده نعرفها شوي ع الاقل
الحيــــــــن المشكـــــــــــــــــــــــلة انه هالشغالة تغيرت
صارت كسولة جدا وتحب النوم وتنسى وايد
دايما سرحانة ولا نايمة
ترا مافي شغل
تخيلوا شقة صغيرة تخلصها بنص ساعه
ع فكرة بيت اهلي تنظف البيت بساعه مع انه بيت كبير وايد وعندي انا تيلس 3 او 4 ساعات اونها بس تنظف البيت ومب كل الغرف بعد بس غرفة وحمام وصالة ومطبخ مع انه الشقة جدا صغيرة
والاكـــــــــــــل ريلي ما يبا غير من ايديني
يعني لو سوت الخادمة ما يبا يأكل فأفضل اني اسوي بروحي
يعني كل اللي تسويه بس تنظف البيت وتغسل الصحون
وتغسل الملابس وتكويهم
بــــــــــــــــــــس وبالاسبوع مــــــــــــــــرة
فهذا الشي سوا عندها بــــــــــــلادة وكـــــــسل
ما صارت مثل اول
كل ما اقولها اشياء بسيطة تسويها تنسى
واااايد واااااايد تنسى
وطول الوقت راقدة او تيلس سرحانه
وصارت ما تسمع الكلام
لا تقولوا لي اسفرها
بصراحة ما فيني ع شغل البيت من تنظيف وغسيل وكوي
فعشان جي ابي استغل فراغها بشي يفيدنا بدل ما يالسة فاضية عشان ترجع نفس اول نشيطة وما يستولى عليها الكسل
فياريت لو تقترحوا علي كيف استغل فراغها واخليها تهيس بالشغل وتتأدب شوي
لا تقولوا اطرشها بيت اهلي ولا اهل ريلي ترانا بعيدين عنهم 3 ساعات
ولا تقولوا اطرشها تشتغل بيت ربيعاتي لاني ما احبذ تنتقل من بيت لبيت
اباها تسوي شي وتشتغل وهي يالسة عندي ؟؟!
ياريت يا حبيباتي تفيدوني ؟!!
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
السلام عليكم ورحمة الله وركاته
الغالية بخبرج انا شو اسوي ويا بشكارتي يمكن تستفيدين ..... عودتها يوميا انها تغسل الحمامات والمطبخ بالماي والصابون كل يوم كل يوم ........ أنا بيتي يحتاج جذه ........ وشريتلها الاشغال اليدويه اللي عشكل مخدات وهي تخيطهن في وقت فراغها عشان ما احسسها بالكراف واخليها تعاف البيت والشغل ... وبعد شريتلها قرآن مترجم للغة بلادها .... اممممممممممم شوووووو بعد ..... هــــــــــيه عوديها كل يوم الصبح بما انج انتي اللي تطبخين انها تقصص لج البصل والطماط وتغسل اللحم أو الدياي وكــــــــــــــــــــــل شي تحتاجينه ..... خليها مرة في الاسبوع تمسح لج الجدران بالماي والديتول ..خليها تمسح الارضيات يوميا وتنظف الدرايش والستاير .. المطبخ بعد خليها تطلع المواعين كلها وتنظف الادراج والرفوف وخلاف تردها مكانها.. بـــــــــــــــس عقب ها كله ارد اقولج انه بيتم عندها وقت فراغ لانه بيتج صغير وعايلتج بعد صغيرة ... انا عانيت من هالشي اول ما عرست .... اتمنى اكون افدتج حبيبتيتحيـــــــــــــــــاتي
__________________________________________________ __________
>>>> الرد الثاني :
اول شيء الحمدلله على سلامتج وسلامة البيبي ومبروك ما ياج الغاليه ليش ما اتخليها تنظف البيت مرتين الصبح والمسا وتنظف الدرايش والمراوح والستاير والمطبخ حتى لو نظيف خليها بس تمسح عليهم بفوطه عسب ما تيلس ملانه او تخلينها ترتب الملابس وتنظف الادراج وتنظف تحت الغنفات اتمنى اكون فدتج والسموحه
__________________________________________________ __________
>>>> الرد الثالث :
انا عنديه هنتين ويتساعدن والتنظيف والغسيل والكوي يوميآ .. خليها تشتغل يوميااسهل واحسن وما بيصير عندهاوقت فراغ
وبعدين اذا كسلها مب طبيعي وديها افحصيها .. بشكارة ام ريلي جي اخر شي طلعت حامل من الصباغ اللي انفرد وياها يوماهل البيت ارقوود او مب موجودين شي جيه
مب شرط هاي تطلع حامل شرات هييج بس يمكن مريضه واذاطلعت سليمه خل تشتغل كل يووم اذا البيت صغير مابيتعبها ولا بيكلفها
__________________________________________________ __________
>>>> الرد الرابع :
مشكله يوم البشكاره تتعود على روتين معين....وتين بعدين وتامرينها بشئ اضافي تعاندج
انا عندي هنتين اتعودن على نظام معين....ويوم اشترينا سياره يديده واستون عندنا 3 سيايير....طنجرن وقالن وايد علينا
مانروم نغسل السيايير كلهن!!!!!
قمت انا وغسلت سيارتين من غير ما أأمر عليهن بس مبين علي اني متضايقه من تصرفهن...عقب قامن ومسحن السيايير وهن ساكتات.
__________________________________________________ __________
>>>> الرد الخامس :
شوفي الغالية البشكارة اذا تمت أكثر من سنتين عليها السلام وبذات اذا بابت أهلها كلهم في نفس الدولة أو الإمارة لآن ضمنت أنها بسير وبتي عن طريق اهلها مكان أو بيت آخر
رد مع اقتباس
