عنوان الموضوع : الصراصير وشو الحل!!!
مقدم من طرف منتديات الضمير العربي
السلام عليكم خواتي
شخباركم
خواتي عندي مشكله فالصراصير... كيف اقدر اقضي عليهم
مع انه يايبين شركة مبيدات حشريه وحطوا شرات معجون حق الصراصير في كل مكان بس ماشي فايده
فياليت الي عندها حل لهاي المشكله ما تبخل علينا
اتريا ردكن ومع السلامه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يالنسبة للصراصير لازم تعالجين المشكلة من الخارج يعني من( البواليع ) تكرمين ........ تفتحون الغطاء مالهم ويصبون فيهن الدوا ء أو المبيد وبعضهم يصبون البترول بس الريحه توصل داخل الحمامات تكرمين ..... وإن شاء الله أنهن يختفن ........
__________________________________________________ __________
>>>> الرد الثاني :
صدق كانت عندي المشكلة ....شو سويت اول شي جردت الكباته كلهن ومسحتهن بالديتول وحطيت بودره مالت النمل والصراصير الي لونه ابيض وبعد ما خلصت حطيت معصار نفس الجلي لونه بني من الجمعية ما خذتنه على البيبان الكباته والحمام ...
وخليتهم يجيكو على البواليع ويرشونهن والحمد الله افتكيت منهن ....
يعني يباله صبر و شغلة ...
__________________________________________________ __________
>>>> الرد الثالث :
عندي لك حل جذري بس (ابي تدعين لي طول عمرك وكل من تدلينه عليه) طبعا مجرب وانسي شي اسمه صرصور
روحي للصيدليه البطريه واطلبي (دواء الجرب حق البعارين )(الجمال)
وجيبي المحفر او سطل وحطي من الدواء بياله وبعدين زوديه مااااااااء
سوي للي يكفي بيتكم
اول ماتبدين بالبالوعات ثم بالحمامات الي فوق ثم الحمامات الي تحت وتصبين بكل مغسله
كل هاذا تسوونه قبل النوم علشان ماتستخدمون الحمامات والمغاسل بعد ماتصبين الدواء
وبس وقولي (لا للصراصير) بعد 6 شهور سووها ثانيه حتى لو ماشفتو شي
وبعد 6 شهور سووها ثانيه
وبعدين خلاص ماعاد تحتاجون اي شي
راح تستغربون من مفعولها (الي تقرا موضوعي لاتنساني من الدعااااااااء ربي يشفيني ويعتق رقبتي من النار ويرزقني الجنه ووالديني والمسلمين اجمعين) اختكم محبه لكم
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
