عنوان الموضوع : &&&&&&& تحذير : تفرقع علبة عصير كوكتيل توت منتهية الصلاحية &&&&&&& عمل يدوي
مقدم من طرف منتديات الضمير العربي



شخباركن يالطيبات

عساكم بخير

ندخل في السالفة

السالفة وما فيها اني حبيت انبه ربات المنازل لشي صار لي قبل شوي

وانا انظف الثلاجة
.
.
.
لقيت علبة عصير كوكتيل توت منتهية الصلاحية من شهر بالضبط ( مسوية الثلاجة متحف خخخخخخخخخخ )

فقلت خلني اجب العصير في حوض المغسلة والعلبة في كيس الزبالة عشان ما يصير الكيس ثقيل اثناء نقله للحاوية الكبيرة ....

واول ما لفيت الغطاء بعكس عقارب الساعة ( عيل مع عقارب الساعة ..... اونه سسبنس ) و فتحتها
جااااااااااااااااااااان
.
.
.
.
بووووووووووووووووووووووووووم
انفجرت


طلع صوت قوي ودخان وتيار هوا قوي حسيت كشتي طارت تقول الشرايط مال المكيف و جفوني وخشمي انتفخوا من قوة دفع الهوا بس ردوا طبيعي لان الهوا خلص ( فيزياء بديهية خخخخ )
بس الحمدلله ما صار شي .. ما اطشر العصير علي ..... يمكن لان باقي ربعه (العلبة حجم 1 لتر )

حسيتها مثل الغرش الي نشوفها بالافلام ( والعياذ بالله ) ..اول ما يبطلونها اطير الغطاه .

حتى العصير لما جبيته في المغسلة قامت تطلع منه غازات ورغوة جنه مشروبات غازية !

المهم الله ستر وبس حبيت انبه ربات البيوت والامهات
والله يسلمكن من كل شر


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يعطيج العافية أختي
وتسلمين على التحذير
بس ما قلت لنا كوكتيل توت اي ماركة..

__________________________________________________ __________

>>>> الرد الثاني :

المشاركة الأصلية كتبت بواسطة زنوبة
يعطيج العافية أختي
وتسلمين على التحذير
بس ما قلت لنا كوكتيل توت اي ماركة..



تسلمين
الله يسلمج
منعا للتشهير بخبرج على الخاص

__________________________________________________ __________

>>>> الرد الثالث :
الله يعطييج العافيه
بس بغيت اعرف اي ماركه

__________________________________________________ __________

>>>> الرد الرابع :

المشاركة الأصلية كتبت بواسطة شوق الايام
الله يعطييج العافيه
بس بغيت اعرف اي ماركه



هلا الغلا
بطرش لج بالخاص

__________________________________________________ __________

>>>> الرد الخامس :
شو؟؟؟؟؟؟؟

عيل نحن مدمنين عليه