عنوان الموضوع : ><افكاري في التنظيف>> اعمال يدوية
مقدم من طرف منتديات الضمير العربي

مرحبا بسيدات الامارات

حيبت افيدكم ببعض افكاري في التنظيف واتمنى تفيدكم
وتعطونه بعد من خبراتكم
وكل من تمر تدعيلي بحمل ثابت سليم عن قريبببببببببب

1-لازالة بقعه من فرش السرير جيبي ليفة مال مواعين " بس تكون جديده طبعا وخصصيها للفرش بس"
وحطي فيها صابةن سائل فيري وافركي فيه الفرش بس من الجهه اللي جافه
ولو كلن البقعه جديده بيكون اسهل يعني اول بأول نظفي البقعه وحتى لو قديمه يروح وبعدين امسحي بفوطة ناشفة

2- لغسيل الفرش اللي تكون وايد كبيرة وما تدخل الغسالة او تكون فخمة وتخافين تتبهدل في الغسالة: يفضل عدم غسله في المغسلات لانهم احتمال يحطونه مع فرش 2 وبيتوسخ زياده
اذا في اي بقعه اغسليها بأيدج اول شي بعدين لفي الفرش باي حبل وحطي في البانيو نظيف او في الغساله العادية ورشي عليه ما زيييييييييين وبعدين حطي صابون "سائل عشان يكون سهل غسيله مقارنة بالجاف"وعقب رشي بماي زيييييييين ونقعيه بماي مع كومفورت وعقب خلي الماي ينزل منه وبعدين طلعيه الحوش وخليه على كرسي بلاستيك اللي يكون فيه فتحات عشان ينزل الماي وعقب انشريه على الحبل وخليه كم يوم

3- لتنظيف الحمامات :خصصي لكل حمام ادواته لمنع نقل البكتيريا والاوساخ وحددي لكل حوض بروش او ليفة خاصة وفوطة خاصة للتنشيف" انا مخصصه لحمام بوكس وحاطتة تحت المغسلة عشان على طول"

4- لتعطير الحمام: بعد ما تكونين غسلتيه وخلصتي ورشيتي ماي رشي على الارضيه والاحواض وهي بعدها عليها ماي . كومفورت او اي عطر وخليه 5 دقايق وعقب امسحي الماي بتم الريحه حلوة

5- لازالة البقع من الكنادير : اغسليهم مع شوي جف او افركي البقعه مع كلوركس. بس موب دائما لانه يصفر الملابس والحامل موب زين اتشم ريحته انتبهوا

6- قحافي رياييل: لازم قبل الغسيل انقعهم في صابون وجف عشان تحافظ على بياظهم

المكيفات والثلاجه : اجيب سطل واحط ماي وصابون وجف وامسحهم باليفه وعقب بفوطة ناشفه بس الدروج اللي في الثلاجه اطلعهم واغسلهم في حوض

جدور الاكل"تخصص الخدامة لاني وايد احرق واتعاني مني في تنظيفهم بس اقترح عليها ويساعدها هذه الشي
:اذا وصخ كثير احط فيه ماي واخليه يفور ويطلع اسرع
او تنقعهم في ماي طول الليل
او تنقع مع ماي وخل

لتنظيف السجاد من الشعر:استخدمي ممسحة الارضيات وبتشوفين العجب العحاب حطي صابون مع ماي ونظفي وبعدين نظفي بالماي بس
وبنفس الوقت لون السجاد بيتفتح وبيبين نظيف وحطي بعدين كومفرت مع ماي ونظفي للمرة الاخيرة وبتكون ريحة حلوة

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مشكورة عالأفكار الحلوة

__________________________________________________ __________

>>>> الرد الثاني :
افكار حلوه وسهله

__________________________________________________ __________

>>>> الرد الثالث :
افا ويييييييييين التشجيع
عندي افكار واااااايد
بس شكلي ما بتعب عمري وبنزل

__________________________________________________ __________

>>>> الرد الرابع :

المشاركة الأصلية كتبت بواسطة النجمةاللامعة
مشكورة عالأفكار الحلوة



العفو واهم شي تستفيدين منها

__________________________________________________ __________

>>>> الرد الخامس :

المشاركة الأصلية كتبت بواسطة family-mall
افكار حلوه وسهله



ان شاء الله تستفيدين وتسهل عليج حياتج