عنوان الموضوع : مفعوووول العطر العجيب اعمال يدوية
مقدم من طرف منتديات الضمير العربي
هلا حريم شحالكن ؟
انا من النوع الي بسرعه امل وخاصه من العطور
فمتعوده كل شهرين او ثلاث اسوي جرد للعطور
واخر مره كانت قبل اسبوع وطبعا ريلي ماهان
عليه اني اعق العطور في الزباله فشل منهن عطرين
وحطهن في الحمام ( عزكن الله ) عشان نعطربهم
وقت الحاجه <<< مب جنج طولتيها
المهم اليوم ريلي تم يلعب في العطور ويرشرش
منهم في الحمام وفي الحوض وعقب ياي كلينكس
ومسح العطر ... تتوقعون شو صار ؟!!!!!!!
الحوووض كان عليه بقع بنيه اعتقد اسمه كلس
بس عقب العطر والله انه كان يلمع وناداني وهو
مستااانس انه مسو شي ..
الصراحه شليت العطر وتميت ارشرش منه ع الارضيه
واليدار والصراحه مفعوله عجيب , صح بتختنقون
من الريحه بس المفعول رهييييب ..
ادري طولت عليكن بس لازم اعبر عشان تفهمون
جربوو وشوووفووو
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مشكورة على الموضوع ...فكـــرة حلوه .
__________________________________________________ __________
>>>> الرد الثاني :
فكره حلوه بعد ريحة الحمام بتغدي حلوه
__________________________________________________ __________
>>>> الرد الثالث :
فكره حلوه..
شكلنا بنشتري عطور خاصه حق الحمام
ههههههههه
__________________________________________________ __________
>>>> الرد الرابع :
يا سلالالالالالالالالالالالام
خوش منظف والله
ومنكم تستفيد
__________________________________________________ __________
>>>> الرد الخامس :
حرام استخدم عطر للتنظيف حتى لو ما ابيه اعطيه اي حد
شي منظفات قوية تلمع الحمام
وانا سمعت البيبسي ينظف بعد يعني الله يستر على البطون
رد مع اقتباس
