عنوان الموضوع : مكتبــــــي المعتفــــس شغل يدوي
مقدم من طرف منتديات الضمير العربي
بســـم الله الرحمـــن الرحيــم
الســـلام عليكـــم ورحمـة الله وبركـاته
شحــــالكــــم حبياتـي ,,صار لــــي ثـلاث سنين اتصفـح بهالمنتـدى وعجبنـــي هالقســـم وايــد استفـدت منـه ومن خبراتكــــم
الله يسلمكـــم انا عنـدي مشكـــله ,, أنـا موظفـة وعنـدي مكتـــب بروحـي بس طبعـــا مايخـلا مـن الكاستمـــر(العمـلاء)
وكــل ماارتـب الطاولــة تعتـــفس من الاوراق ,,, وبالنسبـه للفايلـنق (ترتيب الاوراق فالملفـات)
وايـــد اتعايـــز اني ارتبهـــم خصوصـــا لما يكـون عنـدي زحمـه ماالحـــق
ولمــااحصـل فرصـه ارتبهـــم ياخـذون منـــي وقـت وايـد لين ماارتـــب عادي ساعتيـــن ثلاث
مع العلـــم انـه وايـــد تكـــون عنـــدي اوراق مختلفـــه ,,, يعنـــي تصنيفــــات الملفـــات عنـدي تقريبـا 10
وكـــل ملــف مرتبتـــه بال a,b,c,d...... وهـذا بروحـه ياخـذ وقـت
لدرجـــة انـي حطيـــت لـي ملـف عود بـــس للأوراق الـــي محتــاجه ترتيـــب وبعـــد احـــس انـــه عفيــــس
فبغيــــت منكـــم شويــة نصـايح كيــف ارتــب وشو اخــذ للمكـتب بحيـث انـي اخليـه مرتـــب ع طول
وتســـاعـدنـي ف الفايلـــنق
والله انـه احيـانـا من كثـــر النوتات الـي اكتبهـــا تنملـــي جهـــة الطاولـــه بكبـــرهـــا اقوم اخشهـــم تحت الكيبورد
ليـــن ماافضـى من الكاستمرز
جزاكــــم الله خيـــر أدري مابتقصـــرون
Please Help Me
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
تقريبا حالتي نفس حالتج
دوووم مكتبي مزحوم اوراق و جي ملفاااااااااات و اتضااااااااايق من زحمتهم بس صدقيني بتعيزين
لان هذا مكان عمل و طبيعي جذي الاوراق فيه
__________________________________________________ __________
>>>> الرد الثاني :
هلا اختي
انا والله اكثر عنج ماعندي ثقافة الفايلنج ابد
بس نصيحة مني نهاية الدوام فضي عمرج ساعة ويلسي سوي فايلنج
لان ان تراكمن مستحيل تقدرين تنظمينهن
__________________________________________________ __________
>>>> الرد الثالث :
عزيزتي انا وحده موظفه شراتج
نصيحه سوي فايلنك كل يوم في يومه ..
انا طريقتي اوراق اليوم كله افيلها اليوم الثاني الصبح اول ما اوصل
وعقبها ابدى فاليوم الجديد ... وبكذا ما تتكود عليي الأوراق
هي مسئلة تعود
وبعدها راح يصير الموضوع جدا سهل وبثواني تخلصينه
وحطي لج الترااااي
للأوراق الي بعدها يبالها متابعه لحد ماتخلص
وبجذا كل شي راح يكون مرتب
والأستيكرات شيكي عليها
وكل ما تخلصين من شي عقيها على طول
وسلامتج عزيزتي
__________________________________________________ __________
>>>> الرد الرابع :
تسلمون ع الردود
وعقولتج اختي التفاح الاخضر
افضـي عمـري ع نهـاية الدوام انا اسوي هالحركــه بس احيـانـا اكون خـلاص يعنــي عندي شغلات اساسيه ارتبهــا اقفـــل المكـان
واحيانا اكون هلكانه خلاص من الشغل الزايد والدوام الطويل
__________________________________________________ __________
>>>> الرد الخامس :
المشاركة الأصلية كتبت بواسطة almono
عزيزتي انا وحده موظفه شراتج
نصيحه سوي فايلنك كل يوم في يومه ..
انا طريقتي اوراق اليوم كله افيلها اليوم الثاني الصبح اول ما اوصل
وعقبها ابدى فاليوم الجديد ... وبكذا ما تتكود عليي الأوراق
هي مسئلة تعود
وبعدها راح يصير الموضوع جدا سهل وبثواني تخلصينه
وحطي لج الترااااي
للأوراق الي بعدها يبالها متابعه لحد ماتخلص
وبجذا كل شي راح يكون مرتب
والأستيكرات شيكي عليها
وكل ما تخلصين من شي عقيها على طول
وسلامتج عزيزتي
فكـــرتـج حلوه الصـراحـه,,, ترتيــب الصبـــح ماخـطرت فبالي ^_^ يبـالي اجربهـــا بمـا انه اغلب الصبح
مايكـون عندي كاستمرز وايـــد
تسلمين
رد مع اقتباس
