مرحبا الغوالي شحالكن بصراحه ماعرفت وين احطي موضوعي فقلت خلني اكتبه هني
الله يسلمكن بشكارتي مادري شو سالفتها بالظبط والله اني محتاره وياها بقولكم ليش ساعات احس
انها محطيه عيونها على ريلي !! من حركاتها قمت اشك مع انها عوده عمرها 40 سنه ومشتغله 10 سنين فالسعوديه
بس صج صج احسها طفسه سوري على الكلمه يعني صار كم موقف بديت اشك فيها
هي اندونيسيه مابقولكم هي مب اوكي لا هي زينه تشتغل وتطبخ وتنظف عزكم الله وتسوي كل شي
بس ساعات يوم ازقرها تسوي روحها ماتسمع مع اني مليوون فالاميه ادري انها تسمع ماعلينا ,
الحين انا شاكه فيها ومابغي اظلمها لاني مب ناقصه بس حركاتها تخلي الوحده تشك غصبن عنها
يعني انا اقول لو وحده ثانيه مابتسكت لها امس سوت حركه تغصصت منها ,, اقولكم انا كنت يالسه فالصاله وفاتحه الاب توب ويالسه اتصفح فالمنتدى وريلي كان فالحوش يصلح المغسله لانها مكسوره او شي جي المهم الاخت اشوفها كل شوي تطلع وتدخل تطلع وتدخل عقب لما هو يدخل الصاله تلحقه
واخر شي سمعته يقول لها: تعالي سكري وراي باب الحوش لاني بظهر. ويالس يراويها القطعه الخربانه ويرمس وياها يقول :.بسير ادور مثل هاي القطعه .( ريلي على نياته يعني عادي عنده وهو بيتوتي مايظهر وايد انا احس انها تستغل هاي النقطه ) المهم والله لو شفتوها شو سوت وقفت مجابيله هو تحت وهي فوق على عتبة باب المطبخ والاخت رافعه ايدها وحده على طرف الباب والايد الثانيه تاشر فيها ويلست تسولف وياه والمصيبه يوم ترمس وياه بصوت واااااااااااااااااااااااااااااااااااااطي صديت صوبها وعطيتها نظره اقولكم تمت تطالعني ولا كانها مسويه شي .. باجي كلامها وياي انا واليهال تصارخ وصوتها فضيع حتى والله كم مره تضاربت وياها لان صوتها عالي تقولي اونه نحن في بلادنا جي نرمس صوت عالي ,اقولكم الاحظ عليها ماترمس يوم اكون فالصاله بس اذا دشيت الحجره ترمس ريلي بصوت واطي ساعات مافهم شتقول هاك اليوم مثلا سوت عشا انا قلت بس مابا بسير ارقد ودشيت الحجره ولا اسمعها تقول لريلي ليش كل يوم اطبخ وهي تسير ترقد ازقرها خل تاكل
والله سمعتها يوم تقول جي عقب قلت لا حرام يمكن الشيطان يوسوس لي .
كم مره اسمعها ترمسه بصوت واطي وكم مره اشوفها يوم هو يالس تشرق وتغرب فالصاله
وكم مره تنازع الصغاريه وماقول لها شي بس شوي انازعها وهي الحبيبه بروحا اربابه مايحتاي تقولين لها شي بتاكلج, والله عيييييييييييييب اذا قلتي لها شي ماراددت عليج مع اني ماعطيها ويه بس هي عينها قويه مادري كيف جي ساعات احسها طيبه ساعات احس فيها خبث ولعانه مثلا هاك اليوم بنتي تقولي ماما ضربتني البشكاره وتمت تصيح من الغصه تضاربت ويا ريلي قلت له هاي شو ماتستحي كل يوم اشوفها تسوي لك حركات واسكت قولي الصج شو عندكم جان يقولي والله انا مايخصني هي بروحها تلحقني من مكان لين مكان وتوقف تسولف وياي ومادري شو واونه شفت عليها حركات بس مارمست ويلس ساعه يحلف. القهررررررررررررررررررر اني ساكته لان ريلي مادفع لها معاشها هالشهر واخاف اقول لها شي وتقول ابا معاشي
فيني قهر وغصه وحمى ومرض والسبه هي هاك اليوم سرت اتعشا برع ساعتين بس يوم رجعت بنتي عمرها ثلاث سنين اقسم بالله العظيم تصييييييح من خاطر ايدها تعورها وتمت جي اسبوع تصيح من ايدها وتقول هاي البشكاره سحبتني من ايدي وامس بنتي عمرها خمس سنين تقولي ماما مكان البول عزكم الله يعورني يوم سرت اطالع شو فيها ولا عزكم الله افرازات متيمعه في جسمها انقهرت وزعلت من نفسي كيف بنتي جي جان اقول لها ليش البشكاره ماتغسلج قلت لا البشكاره جدامج تقولي يلا حمام بس فالحمام تقول انتي عوده غسلي بروحج واسير ازقر البشكاره واسئلها جان ترتبك وتحلف مليون يمين اونه : انا يقول انا سوي غسيل هيا مافي خلي انا .. تقول عيب اونه المصيبه ماترومين لها لازم تبري نفسها
اذا اخليهم عندها يستوي في بناتي الثنتين شي ولا تلقينهم مضاربات ويا بعض وكل وحده فيها جرح وهي ولا تتحرك ولا تقول لهم شي تخليهم في حرب لين تشبع عقب تسير تخوز الاوله عن الثانيه شفتها كم مره جي وهاك اليوم تقولي ابا اشتري موبايل جان اقول لها بابا مابيرضى يوم بتسافرين برايج .. اشوفها سكتت كملت سنه الحين وياي احيد مره ضربتها لاني سمعتها تقول لبنتي اونه لاتقولين لماما شي هاي مخها صغير وماتفهم الرمسه !!!!!!!!!! انا سمعت جي عصبت صفعتها كف لا ارادي اقولكم يلست تطالع بطني وتقول الله فوق الله فوق حسبي الله عليها تدعي علي وانا حامل وفوق هاذا صابره عليها عندها صوري وصور عيالي ونص ملابس بناتي عندها اونه بوديهم وياي اندونيسيا عسب عيال ولدي يلبسونهم .. انا بروحي ميته خوف منها بعد تودي ثيابنا الله يستر شو بتسوي فينا هي تقول بسافر سبوع وبرجع اونه عسب عرس بنتي اخاف فالاسبوع هاذا تسوي لنا سحر ولا مصيبه قولو لي شقى اشل صور اليهال عنها والثياب بعد ؟؟؟ ابا حل بس بدون ماتزعل الاخت اخاف تزعل وتحطي الموضوع صج في بالها
واااااااااااااااايد سوالف وووايد مصايب شو بقول وشو بخلي الحين خبروني شسوي اسفرها على الشهر الياي ولا اصبر عليها تكمل بعد سنه وخلها تولي ؟؟ قمت اخاف اظهر من البيت واخلي ريلي واليهال وياها المشكله انا ادرس المسا اخاف تسوي لنا مصيبه ولا شي
هيه تذكرت هاك اليوم تقولي انا لو بسير العب ولا ازني اونه ماضن حد يباني لاني عيوز
.gif)
وكم مره تقول جدام اليهال اشياء وصخه مثلا هاك اليوم تسوي حركات وتقول شقى الحرمه تربي والبنات واقفات وانا اقول لها خلاص سكتي
لدرجة بنتي يايه تقولي ماما الياهل ينزل الياهل ينزل وتاشر على جسمي تحت سوري عاده انتو افهمو تميت مصدومه واذكر مره شفت موضوع هني عن اندونيسه تحطي اوراق المصحف تسويهم مثل فوط صحيه حسبي الله عليها المهم يالسه اسولف ويا عمتي وجان تسمعنا يوم سرنا البيت جان تقولي اونه يمكن هاي البشكاره ماعندها الويز عسب جي تحطي اوراق المصحف ......... يوم قالت جي بغيت اموت قلت لها انتي شووووووووو شوووو من بشر حسبي الله عليج تعرفين شو يعني تحطي كلام الله وتسوي فيه جي ويلست انازعها عقب تمت تقول هيه والله حرام انا مافي سوي جي اونه ومادري شو بس صج يوم قلت لريلي عصب علي وقالي جي تخبرينها عن هاي الامور ماتخافين تسوي لنا شي حسبي الله عليها والله مشكله .. !!!!!!!!!!!!!!!!!!!!! والله العظيم ماجذبت عليكم بشي من اللي كتبته بس اريد حل والسموحه خواتي
رد مع اقتباس
