عنوان الموضوع : شغالتي شغل يدوي
مقدم من طرف منتديات الضمير العربي



اشحالك بنات ؟ اعلووومكم؟ ربكم الا بخير

بنات عندي بشكاره هنديه توها يديده حاليا صار لها 8 شهور بالضبط وهي من اول ما يت ما اعرف شو بلاها قبل ما ادش بالموضوع انا مو يايبتنها عن طريق المكتب انا يا يبتنها لانها اخت دريول قوم عمتي ويا ليتني ما يبتها..
من اول شهر اشتغلت عندنا قايله لريلي تبي اجازه لا والله ما اننا كنا انا وريلي بس فالشقه ما عندنا عيال وانا كنت بشهري الاخير المهم ريلي رد عليها خبري المدام طبعا ما قالت لي وطنشت الموضوع ..
المهم عقب قالت لي تبي موبايل اونه عسب اكلم اهلي فالهند وياليتني ما سمحتلها والله تعذبت معاها قلت لها اشتري من راتبج المهم طلعت موبايلها وهي داستنه اصلا ؟؟ المهم كل ساااااااااعه يرن فووونها والله قهرتني وقلت لها كذا مره حطي فوونج عالسايلنت وما في فايده اونه انا ما اسمعه لا والله يايه تغازلين ولا تشتغلين علماا عندها صديق بالسعوديه ومخسره راتبها عالبطايق ويايتني بكل وقاحه يوم اسلمها الراتب اونه ان كنت اشتغل فالدوحه ويعطووني 800 درهم علما هي راتبها حاليا 700 المهم انا عصبت وقعدت اصارخ وهي ملسووونه ترد على كل كلمه اقوولها المهم اقولها اسكتي ترد علي ما بسكت ليش اسكت لين ما فقدت السيطره وشتمتها والحين قلت لاهل ريلي انا ما ابيييها وعمتي تقول اصبري عليها لين ما يخلص رمضان وبنتج تكبر شوي لان بنوتي عمري 7 شهووور وللحين ما اعتدل ارقادها والله تعبت ما اعرف شو اسوي المهم عمتي قالت لي انا بكلمها لا تحاتين واصبري عليها لان توج مسلمتنها راتب الشهر الياي اااخ ياليتني ما اعطيتها شو يفيد الندم حسبي الله ونعم الوكيل المهم الحين فونها اخترب وتقول لريلي اشتريلي يديد واخصمولي من راتبي المهم ريلي قال لها التلفونات غاليه ييبي فونج بصلح لج اياه ؟؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
لا تعطينها ويه خل تصطلب احسن وتقوم بشغلها ولا كنسليها

__________________________________________________ __________

>>>> الرد الثاني :
سفريها وافتكي منها عادي تحط حرتها فيج ولا في بينتج النونو الله يحفظها لج من الشر

هالاشكال مامنهم امان ودام عندها صديق في السعوديه توقعي انها تلم لج نص البلاد وتقولج هاييل ربعي

حسبي الله ونعم الوكيل فيهن بس

سفريها ولا تصلحون لها فونها وخلاص

__________________________________________________ __________

>>>> الرد الثالث :
خلي الدريول يرمسها اذا تبونها ومحتايينها

مع اني افضل انكم تسفرونها حتى من غير ما تعرف عن تشرد وتسوي بلاوي



__________________________________________________ __________

>>>> الرد الرابع :
من البداية جذية عيل يوم بتكمل سنة شو بسوي سفريها اختي ولا صدعت الراس
اهم شي راحت البال لو عندي وحده مثل هذي ما خليته ولا يوم واحد اسفرها وافتك

__________________________________________________ __________

>>>> الرد الخامس :
هذا نتيجة الدلع والموبايل !!