عنوان الموضوع : ..........خدامة فلبينية ( ادعو لي ).......... عمل يدوي
مقدم من طرف منتديات الضمير العربي



بنات انا من فترة نزلت موضوع عن الخدامات
الاثيوبيات

لاني كنت ناوية اييب لي هنتين

لكن عقب ما قريت عن فضايحهم ومشاكلهم قررت اني ابعد عنهم

من جي قررت اني اييب فلبينيتين لو ان سعرهن اكثر بس مو مشكلة المهم راحة البال

واستخرت

ومن نصايح بنات المنتدى سرت لمكتب واخترت لي وحدة عمرها 24 سنة مسيحية و اول مرة تشتغل و مكتوب بالسيفي مالها انها هاي سكول و انجليزيتها ممتازة لاني باحتاجها حق الصغارية بعد عسب اللغة لان عيالي بمدرسة امريكية و ابغيهم يتقوون باللغة

المهم انا قبل لا اختارها اخترت ثلاث سيفيات و طلبت ارقامهم من راعي المكتب و سويت وياهم مقابلة وقلت لهم عن شروطي اني اول شي لاااااااااااااا للتيليفون و كل ما تبغي تتصل على اهلها انا ما عندي مانع بعطيها تلفون تتكلم وترده علي وبس

ثاني شرط تغطي شعرها يعني تتحجب حتى لو مسيحية

لبس مرصص ممنوووووووووووع فالبيت يونيفورم

واذا بنظهر بنطلون وقميص طوييييييل و حجاب

اجازة نووووووووووووواي

ووحدة من البنات نصحتني اني اسال اذا كان فيه عندها احد هني بالبلاد

المهم اول وحدة رفضت الحجاب فقلت لها مع السلامة هههههه (ما ابغي اخصر رصيد وايد خخخخخخ)

ثاني وحدة وافقت على كل الشروط بس وحليلها انجليزيتها تعبانة يوم ارمسها

وهذه اللي اخترت وافقت على كل الشروط بدون اي تردد وما شاء الله عليها بلبل انجليزي ومن رمستها شكلها تستحي وبعد سالتها اذا تحب الصغارية اتقول لي تو ماتش (مندمجة بالانجليزي)

واليوم الصبح طرشت ريلي سوالها الفيزة ووداها المكتب و قالو لنا عقب اسبوعين انشالله بتوصل لانها من القرية و اجراءاتهم تاخذ وقت شوية

والثانية قررت ما اييبها الحين بتريا لين ما اشوف هذه زينة و لا لا و بعد لين ما تسافر الاندونيسية اللي عندي وعقب اييبها وبعد عسب ما تخلص عقودهن مع بعض عقب واتلعوز

وشو تنصحوني اييب الثانية بعد فلبينية و لا تشورن علي بجنسية غير

شو رايكن بنات وكيف تشورن علي اتعامل وياها اول ما توصل

يزاكن الله الف خير الغاليات

ولا تنسون تدعون لي ان الله يرزقني خيرها ويبعد عني شرها


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يوفقج ان شاء الله وتطلع زينه. أنا من راي ان بشكارات من نفس الجنسيه أكبر مشكله لانهن يتامرن عليج

__________________________________________________ __________

>>>> الرد الثاني :
والله سويتي عيييين العقل ,, الصراااحه عجبتني أفكااارج وأحس خطواااااتج ماااا شالله عليييج مدروووسة وثااابته... الله يوفقج ويعطيج خيرها ويكفيج شرهاااا
بس الصراااحه أنا ما أنصح تيبين من نفس الجنسيه لأنهن يتعااااونن عليج ويصييييرن فرعووون

فحاااولي تشوفيلج جنسية ثاااانية,, يعني جنسية كرييييفه,,


بالتوفييق الغاااااليه.. ربي يحفظج

__________________________________________________ __________

>>>> الرد الثالث :
ايبي غير غير احسن بتكون منافسه من بينهم ان منو هي الاحسن.. اما اذا شرات بعض بيلسن سوالف و قريض و بس

__________________________________________________ __________

>>>> الرد الرابع :
هلا ام الاولاد

خلاص رسيتي ع الفلبينية

الله يوفقج يا رب معاها

انا بعد راح اقدم على فلبينية بس مسلمة ان شاء الله

حبيبتي اي مكتب سرتي

__________________________________________________ __________

>>>> الرد الخامس :
هاتي جنسيه ثانيه -يا اما اندونيسيه او اثيوبيه اذا ماتبينها لليهال