محجووووووووووووز
............
باك
موضوعي الجميل
المشاركة الأصلية كتبت بواسطة أحلام علي
بسم الله الرحمن الرحيم
السلام عليكم ورحمة الله وبركاته
كلنا نحب الshopping صح
والاغلبية يحب يلبس .. ماركات ..
بس
كم مرة دفعتي على شي المبلغ الفلاني ولما رديتي البيت قلبج عورج
وكم مرة شريتي شي ورحتي محل ثاني حصلتيه بسعر أرخص
وكم مرة خذتي اشيا وخليتيها فكبتج وما استخدمتيها
ان شا الله بعطيكم كم خطوة ممكن خلالها نوفر قد مانقدر
الموضوع مجهود شخصي
وحلال عليكم تنقلونه
أهم شي لاتحرمون كاتبة الموضوع .. أحلام علي .. من دعواتكم
والحين بخليكم خطوات علمتني اياها الحياة >> ياشيخة بعدج ما كملتي 20
في اشيا سمعت عنها
في اشيا قريت عنها
وفي اشيا جربتها
جاهزين للتوفير
ما اسمع
أعلى
25 سانيي الك
^^
اول شي شعارنا
بسم الله باليمين باليمين
1- كِتابْ The entertainer
هالكتاب أنا قريت عنه بمنتدى سيدات الامارات طرحته العضوة "حنكوووشة" كتاب روووووووعة
زبدة الكتاب خذ واحد والثاني فري .. كتاب عبارة عن كوبونات .. وايلد وادي .. جبنقو .. كنتاكي .. سكي دبي.. الخ
وهذا الرابط
يزاها الله خييييييييييير
فعلا كتاب رووووووووووووووووووووعة
https://forum.uaewomen.net/showthread.php?t=520086
2- الماركات
منو ما يحب الماركات !!!
كلنا نحب نلبس شي عليه القيمة
اوكي بس
تعرفون ان السعر ممكن يختلف من مكان لمكان
وهاي كمن نصيحة
- الوكيل
في ناس يقدرون يتواصلون مع الوكيل ويشترون الاشيا بسعر واااااااايد ارخص وفي منهم الي يعرضهم بالنت بسعر ارخص فأكيد هاي اتفاقية ممتاااازة لكن لازم يكون الشخص ثقة
- دورو المحل صاحب السعر الأفضل ( ينطبق على الالكترونيات من تلفونات وغير الالكترونيات )
خلوني أعطيكم هالمثال
مرة من المرات رحت محل .. بدون اسم .. في صحارى
كنت توني متخرجة من الثنوية العامة وكنت محصلة ما شا الله بيزات واااااايد فكنت وايد اتسوق
شريت شنطتين لي وشنطة لربيعتي فقالتلي لو شريتي شي رابع بنعطيج دسكاونت 40%
واتذكرت اني شفت سكارفات ماركة وقلت فرصة وانا واختي خذنا كمية سكارفات
واحد من هالسكارفات كان Fendi كلااااااسك شريته يمكن ب 800 مب متاكدة بالضبط
بعد أكثر من سنة رحت بوتيك Fendi حصلت السكارف نفسسسسسسسسسسسسسسسسسسه ب1300 وخردة
وقلتله انا شارتنه من اكثر من سنة مانزل سعره !! قالي مس هذا كلاسك مابينزل سعرو
وانا بوزت فخاطري لاني كنت مضيعة السكارف ومب لابستنه الا كمن مرة ههههههههه بس حصلته لاتحاتون
- السعر قابل للتغير .. اختاري أفضل وقت ..
أذكر اني شفت شوز بربري عذبنننننننننننني دوووم افتح الوب سايت اشوف شكله لكن ماكان عندي جيمته ب 1300 تقريبا
مرة من المرات وانا سايرة بوتيك بربري شفته ب725 من دووووووون السيل من غير تفكير سييييييييدة شريته تم مال شهر وزود بهالسعر ومن كمن يوم الجوتي استوى ب 1150 مع انهم فترة تنزيلات !!!
- سكند هاند
في أماكن يبيعون فيها الاشيا الماركة بس سكند هاند .. اوكي في ناس بيقولون فشيلة
انا صح ماجربت اشتري شي مستعمل من الماركات بس انا وربيعتي وايد نتبادل سوالف ^^
ومرة واااايد عيبتني نظارة بنت عمتي وكانت اخر حبة عرضت عليها اشتريها بس ماطاعت خخخخ
3- العبي
طفرت ماحصلت صور عبي مسترة ><
انا اعترفلكم ان فبيتنا ندفع فوووووووووق الالف على كل عباة
أنا عندي ربع ياخذون اضعاف الي اخذه بالشهر .. ما شا الله .. يعني بالاااااف بس يقولولي احلام انتي وايد بطرانة بالعبي
فخذوني مرة لمحلات
وانا امشي واقول OMG
عبي حلللللللللللللوة وب 500 واقل
تعرفون مركز عهود اتوقع اسمه جي وحلو في اشيا اوكي
خواتي يوم عرفوا اني فصلت هناك ضحكوا علي وقالو اكيد شي أي شي
بس يوم يبت العبي عيبتهم ^^
وكاسري كااااااسري >> انا اخلي ربيعاتي يكاسرون هههههه
أغلب الي يشتغلون بمحل العبي هنود وايرانية عطيهم كمن كلمة بلغتهم وبيرخصولج
وممكن روحج تبتكرينلج موديل عباة لنفسج عقب تتاجرين في الموديل
وانتي مب خسرانة شي
4- المطاعم
انا وحدة اموت بالمطاعم ^^ خصوصا الحلاب طير الحمام مادري شو الحمام ولاشي صوبه >> أسوي دعاية هههههههههه
- سناك
قبل لاتطلعون كلو سناك عشان ماتيوعون =) تعرفون شكثر الواحد يحب يمزمز وعادد الله يخلي القرية العالمية والمولات عكل خطوة كوفي .. مطعم .. كشك حلويات ... الخ
- كوبونات كِتابْ The entertainer >> الاخت شرحت ماقصرت
- الماااااااي والمشروبات
احس المطاعم اطلع ذهب من ورا الماي .. الي يبيعه ب5 والي ب 10 والي ممكن يزيد وانا ارمس عن الغرش الصغيرة الي اصلا ماتوصل درهم واحد
واصلا عشان صحتكم لاتشربون الماي اثناء الوجبة لازم تتريون 45 دقيقة او ساعة قبل الاكل وبعد
خلو معاكم دبة بالشنطة أو اشترو من محل قريب يبيعه بدرهم او درهمين حلال عليهم
- جيكو الفاتورة
مرات كثيرة يكون في اغلاط في الفاتورة وتدفعون زيادة وانتو ماتدرون
5- حددي المبلغ
وايد مرات نروح المول ونعرف ماعنا غير 300 لاخر الشهر ونسير ونصرف 200 عاشيا تافهه نندم ليش صرفنا عليها
من جي خلي مبلغ معين معاج
انا مثلا مرة رحت ويا ربيعتي خذت 100 درهم بس وحطيتهم في بوك ربيعتي
قبل كنت اقص على عمري اونه اشل 100 واشخط فبطاقة البنك خلو البطايق في البيت
واذا عيبكم شي صدق صدق احجزوه وادفعو اليوم الثاني لو يستاااااااااااهل
6- التنزيلات
كلنا نحب النيو كولكشن
بس في اشيا مش شرط تكون نيو كولكشن
مثلا الاندر وير
عادي تحصلين طقم عملي ب 50 درهم وكوالتي عاااااااااااااااااااالي
فرقت لو شريتيه نيو كلكشن ولا عقب كمن شهر
حتى الجنزات
الجنز جنز لو اليوم او بعد سنين مايطيح موديله
وعندي لكم نصيحة
- لاااااااااا يغركم رخص السلعة
لاتشترون شي انتو ماتحتاجونه
7- لا لغرفة القياس
اذا انتي تعرفين ان ميزانيتج ماتسمح وشفتي شي عيبج لااااااااااااااااااااااااااااااا تجربينه
هاي نصيحة من برنامج اوبرا
لانج بهالسلوك تدفعين نفسج عشان تشترينه
8- ربعج
عندي ربع يوم اطلع معاهم شي وااااااااايد عادي اصرف فوق ال500 وربع اطلع معاهم ما اصرف حتى 50
يوم احس كل حد يشتري هرمون الحماس عندي يرتفع
- حددو مبلغ الطلعة والكل يدفع مافي حد معزوم ( الا لو ماعندها لاتحسسونها ^^ البيزات مب كل الدنيا )
يعني تعرفون انكم سايرين بس تتمشون وتتعشون خل كل وحدة تدفع مثلا 50 وحطوهم عند حد ويوم تسيرون الطعم هي بتدفع عقب تحاسبو بالسيارة او براحتكم لو بتدفعون يدام الخلق لوول
وخل عنكم والله ما تدفعين والله علي !!!!
- شيرنق " المشاركة "
يوم انا وربيعاتي نروح السينما كلنا نتشارك مب كل وحدة تطلبلها ناتجوز وبوبكورن لا مثلا نحن 4 نطلب 1 بوب كورن 1 ناتجوت ا كريب والكل ياكل
- plan
وايد مرات نطلع مع ربعنا وندفع مثلا 200 بس على خرابيط " سبهلله " .. خل يكون عندكم بلان
مثلا اليوم بنروح الاكواريوم .. بن بول .. بنتعشى في سفينة ادفعو عشي يسوا
9- اعرفوا سعر السوق
- لاتخلون البياع يسيطر عليكم
انا مب من النوع الي وايد يشتري ميكب فخبرتي بالاسعار شحيحة .. بس الحين شوي تطورت خخخ
المهم كان عنا كشك محل بودي شوب
ويبيعون سوالف وانا امووووووووووت بسوالف كريمات بودي شوب
الحرمة طلعتلي بودر
وحسيتها فاتحة مع اني احب السمار ^^ بس قالت ها للحنطاوية انا الي فهمته ان هالدرجة لكل الحنطاويات يعني ماشي درجات غيرهم شليتها وعقب اكتشفت انها فاااااااااااتحة وما استخدمتها
وأذكر اني شريت بلشر من بعد مديح الحرمة و و و خخخخ تعرفون
واتوقعت ان سعر بودي شوب ارخص
وخذت البلشر ب 120 درهم
واكتشفت اني ممكن اخذ نفس الشي تقريبا ماركة ثانية وبسعر ارخص
مشكلتي وااااااايد اتلوم في البياعيين وهاي اكبر غلطة
10- الثياب المستعملة
وايدات منا عندهم ثياب مب عارفين يفرونها ولا عارفين يستغلونها
وعندي لكم كمن نصيحة
- قصروا ثيابكم
احس خصوصا السكني والجنزات .. قصريهم من الركبة وفووووووووووق عراحتج والبسيهم " حق ريلج "
ولو عندج فستان اخترب من تحت ممكن تقرينه للركبة او تخلينه قميص رااااااااااقي ^^
- غلفو دفاتركم
شفت وحدة تغلف الدفاتر بقطع سووووووووو روعة وبجي عادي اشتري دفتر رخيص وغلفيه
- اعمال يدوية
ممكن تقصقصين من قمصانج واتسوين بها اشيا يديدة انتي وابداعج
ام ربيعتي مثلا سوت كفر من قطع مختلفة ^^
وممكن حتى بنطلونكم الجديم تركبون عليه ازرار وسوالف
- في التنظيف
في ناس يستخدمون القطع عشان ينظفون بها الارضيات وفي وحدة احيد قريت انها من ثياب ولدها استخدمتهم كقطع للواكس شفتو الكرييتف
بنات
بليز لاتلخبطون بالمعنى
لاتخلطون التوفير بالبخل
قال تعالى " و لا تجعل يدك مغلولة إلى عنقك ولا تبسطها كل البسط فتقعد ملوما محسورا"
واتمنالكم طلعات تونس
اهل دبي والشارجة يلا بنطلع رباعة لول
هاي كانت نصايحي لكم
ان شا الله استفدتو منها ولاتنسوني من نصايحكم
بس مادري ليش هالمواضيع اتذكرني بمثل
باب النجار مخلع خخخخخخخ
رد مع اقتباس
