عنوان الموضوع : خواتي افكر اييب خدامه سيلانيه شو رايكم؟؟؟ عمل يدوي
مقدم من طرف منتديات الضمير العربي
السلام عليكم ورحمة الله وبركاته
مرحبا خواتي بقولكم تجاربي
وعطوني رايكم
انا معرسه صار لي 3 سنوات والحين امشي ف السنه الرابعه
اول سنه يبت اندونيسيه مسلمه متزوجه بس ما عندها عيال وكانت مشتغله قبل ف السعوديه
كانت طباخه وتموت على شي اسمه طبخ
بس مشكلتها انها عافاني الله متبشهه بالرياييل
يعني كانت تمارس ال (( )) مع خدامة عمتي ام ريلي ،،وكانت تهددها انها تذبحها اذا خبرت عليها
فسفرتها وما كملت عندي غير 5 شهور
هذا لما كنت ساكنه ف ملحق ف بيت عمتي ام ريلي
وعقبها يبت بنغاليه مسلمه يديده مش مشتغله قبل،،بس استغفر الله ،،كانت ما تفهم شي ابدا ،،واتعب واااااااااااااايد ف تعليمها،، يبتها لان جنسية شغالة عمتي بنقاليه،، وقلت بيتفاهمون ويا بعض،،لاني ساكنه ف بيت عمتي بعدني
تمت 8 شهور وعقبها سفرتها،، لانها كل يوم والثاني حارقتلي عباه،، والا كاسره الثريات ،،والا غاسلة الثياب البيض مع الملون ومخربتنهن عنيه
وعقب يبت شغاله فلبينيه مسلمه ومشتغله قبل ف السعوديه،، معرسه وما عندها عيال،، وعمرها 33 سنه ،،وحاليا انا ساكنه ف بيت روحي
علمتها الطبخ بس بليده درجه اولى،، وما تحب تشتغل،، يعني باااااااااااااارده،،ومش مال كراف،،وبيتي دورين،،ويحتاج شغل عدل،،وفيها مياعه لآخر درجه
وترمس الهنود والبنغاليه الرياييل بكل وقاحه
اهزبها واهددها ف المكتب،، وهيه عادي عندها ولا يهمها،،تفتش باغراضي الشخصيه الهاند باغ وتقول وتجذب واااااااااااااايد انها ما حطت ايدها على شي،،
تقول نظفت وهيه مب منظفه،وهيه حاليا وياي من 7 شهور،،بس من تكمل مدتها افكر اييب سيلانيه،شكلي بمر على كل الجنسيات
علما اني واااااااايد طيبه بس بحدود،،وما اخلي عليهن اي قاصر من ثياب وادوات النظافه الشخصيه وكل شي،،وبين فتره وفتره اظهرها تاخذ اشياء على راحتها ،، بس اكون ملاصقتنها بحيث ما تسوي اي شي من وراي،،لكن كل هالاشياء ما تبين ف عينهن،،،
انصحوني خواتي
قالوا لي ابتعد عن الاثيوبيات لان وايد قضايا الحين كلها انتحار الاثيوبيات
باجي لي السيلانيه اللي لى الحين ما جربتها
رايكم خواتي
ما ابغي اييب اندونيسيات لانهن راعيات طبوب،،وما ابغي اييب فلبينيات لانهن راعيات مياعه وقويات عين،،وما ابغي اييب بنغاليات لانهن ابد ما يفتهمون لاي شي،،وما ابغي اييب اثيوبيات وتنحتر لي وتبلشني،،السيلانيه ما جربتها،،بس ف بيت اميه سيلانيه وما شاء الله عليها راعية بيت بس عيبها السانها طويل،،وانا ما يعيبني تكون الشغاله طويلة السان
شوركن خواتي يزاكن الله خير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
استخيري وتوكلي على الله ... وأتمنى لك التوفيق هذه المرة
__________________________________________________ __________
>>>> الرد الثالث :
__________________________________________________ __________
>>>> الرد الرابع :
ايبي سيلانيه من القرى بس مشتغله قبل
نحن عندنا سيلانيه من القرى تشتغل وهي ساكته وإذا تبا شي تقول حق اميه ونفس الشي إلي عند خالتي
اهم شي تكون من القرى لان مال المدن بطرانات ويشردن واهم شي لازم تكون متزوجه وعندها اعيال
__________________________________________________ __________
>>>> الرد الخامس :
والله العطيم السلانيات ابرك عن الغير وانا خااااااااااااااااااطرى ايب سلانيه بس ماحصلت اذ تعرفيين حد عندها خبرينى ولج الف شكررر
رد مع اقتباس
