عنوان الموضوع : ما عندج خدامه؟ تعالي عندي لج افكار وتجارب اعمال يدوية
مقدم من طرف منتديات الضمير العربي

السلام عليكم ورحمه الله وبركاته
خواتي العزيزات في هذا الموضوع بعرض لكم تجارب وخبرات زوجات من عدة منتديات تفيد في تنظيم حياتك اليومية في بيت الزوجية بدون خادمة:


[COLOR="rgb(65, 105, 225)"]اولا وقبل لا نبدأ:


[/COLOR]جاءت فاطمة ابنة الرسول إلى أبيها فقالت
يا أبي قل لعلي يحضر لنا خادم ..
فقال النبي صلى الله عليه وسلم
ألا أدلكم بشئ خير من الخادم؟؟
إذا أويتم إلى الفراش فقولوا
سبحان الله 33 والحمدلله 33 ولا إله إلا الله 33 والله اكبر34

خيرلكم من خادم .. او كما قال النبي صلى الله عليه وسلم

ثانيا: تنظيف البيت


[IMG][/IMG]

+ دائما رتبي السراير (قبل ماتنزلي الشغل لو فيه وقت) بتفرق في شكل الحجرة اوي وخصوصا لما ترجعي من الشغل هتحسي ان الحجرة مرتبة حتى لو فيه ملابس غير معلقة.

+ غرفة طفلك ايضا لامانع من وجود لعبه على الأرض طالما هو موجود ويلعب بها دانما سريره وملابسه راعي ان تكون معلقة.

+دائما رتبي الصالون والسفرة اي لا تتركي اشياء واقعة على الأرض (لعب - ملابس ... هكذا)
الحمام ايضا ابقيه مرتب الغسيل فرقيه ما بين ابيض في سلة والألوان مثلا ضعيها في الغسالة الى ان تغسلي لا تتركي غسيل ناشف على المناشر جمعيه وضعيه في الدولايب اول باول تركم الغسيل الغير مطبق يعطي منظر بالكركبة لا يطاق.

+ مطبخك لا تراكمي الأطباق ممكن ان تضعي في الحلل المراد غسيلها ماء مثلا وضعيها بعيد عن الحوض لكي لا توحي لك بتراكم واغسليها بعد رجوعك من الشغل مثلا اي هندمي المطبخ لكي لا يوحي بالإهمال.كل ما سبق اعمال يومية لا تستغرق دقائق ان انجزت بهمة ونشاط اول رجوعك من الشغل او صباحا باكر ان كنت تستطيعي القيام باكر 1/2 ساعة.

+خذي كل يوم غرفه ترتيب تنظيف عميق وشامل بالنسبة للمجالس والغرف الغير مستخدمه بعد التنظيف العميق من مسح الجدران وتنظيف وغسل السراميك والسجاد والكنبات تكون مسكره ونظيفه.

+ استخدمي مجموعة شراشف ولحف وستائر قديمة لتغلف الاريكات والكنب والجلسات والمكتبات عشان الغبرهبالنسبة للشجر والتحف وغيرها ....استخدمي الاكياس التغليف اللي من المغسله تجي مع الملابس او السفر (سفرة الأكل )هذا كله حمايه لها من الغبار والاتربه والوسخ استخدمتها ايضا في تغليف الخلاط والحماصة والغلايات واجهزة المطبخ.

+*اغلقي الغرف واشيكي عليها كل بعد صلاة العصر عشان سبحان الله يجي احد غفله او شي.


+بالنسبه للاولاد معلمتهم اول ما يقومو من النوم ترتيب فرشهم وغرفتهم وتفريش الاسنان وغسل الوجهه والشعر وباكون مجهزة كل واحد واغراضه كامله من الليل على اطراف اسرتهم من لبس وجزم وشنطة وعلى طاوله مشط وكريم وعطر وفاين وكريم جسم وووو اسهل لي ولهم عشان ما يجو يقول ماما وين ال.......

+خصصي مكنسه ومجرفه او ممسحه ومخمه على جنب اخذهم كلهم مع سطل لمن اغسل الحمامات والارضيات عشان ما اروح واجي .

+اخذت الممسحه العجيبه اللي طرفها اسفنج تسهل علي التمسيح طبعاً لقيتها في رامز وساكو واسواق الخيمه اللي يخيمون بالمواسم في بعض المدن.

+ وزعي زبايل صغار اكرمكم الله وتكون مكيسه واحده تحت كل مغسله وفي غرفة العيال عشان هم مسؤولين عن اوساخ غرفتهم .

+* طبعا دولاب الالعاب له مفتاح مغلق في الوقت اللي يكونون مذاكرين ومرتبين اغراضهم افتحه بشرط يرجعو العابهم بعد ما يخلصو ا ولا يعرفون مصيرها اذا لقيت حبه وحده بالبيت.

+ مخصصه درج بالمطبخ في مجموهعه كثيره من الفوط (المناشف ) وعلب بخاخ واحد ديتول والثاني معطر عشان يسهل علي التمسيح السريع للطاولات او الادراج او غرفة الاطفال وطاولاتهم وطاولات واغراض المطبخ طبعا مقسمه الفوط ( فوط تمسيح المطبخ _ الفرن _ الثلاجه _ غرفة العيال _ غرفتي _ المرايا _ الارضيات )

+ *عملت طريقة بعض الاخوات اللي تخصص درج في المطبخ للاواني اللي تستحدم يوميا عشان ما تفتحي الادراج الباقيه كذلك خصصت زاويه في مطبخي بدواليبها تكون هي اللي عليها الاستخدام الاكثر درج مواعين وملاعق وثاني كاسات والبهارات واغراض الطبخ المخصصه.

+ بعد كل وجبه يصير افرغ المواعين بالسطل بالمجلى وامسح الطاولات واغسل الفرن وارجع لمكان الاكل اكنسه وامسحه بالمساحه وارجع للمطبخ بيكون فقط باقي غسيل الاواني اغسلهم وابخ البخاخ على الطاولات والثلاجه وابواب الدولاب وامسحهم بشكل كامل.

+ اشيل الزبايل واجمهم بزباله وحده وتكون صغيره او مجزأتها عشان يسهل على عيالي رميها برا
أما الحمام فأقوم بمسحه تقريبا بعد كل استعمال وهذا لن يأخذ من وقتي شيء أبدا....

+تعويد الأبناء على المساعدة في المنزل وعدم الأتكالية يعني نبتدي نعود الطفل من عمر أربع سنوات يرتب ألعابه يرتب سريره حتى لو ماصر على مزاجك أهم شي يتعود وإذا دخل المدرسة يجي على طول يحط الشنطة في مكانها والجزمة وأنتم بكرامة في مكانها الخاص يبدل ملابسه ويحط الوسخ في السلة.

للحديث بقية

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الغسيل والكوي:


[IMG][/IMG]

- ملابس الدوام لك ولأطفالك ان كان عندك اطفال جهزيهم في الليل حتى الشراريب والجزم لاتستهينين بهالنقطة تراها تريح كثيييييير وجربي وشوفي .وياليت تكونين مجهزتهم بغرفة النوم ( والفطور جهزية من الليل اما معلبات + صحون وملاعق اما بلاستيك ا و عادي ولفية بالسفرة وخلية جاااهز مع الخبز).

- يكون عندك 5 عبايات عشان كل يوم عباية وماتظطرين تغسلين يوميا وتستمتعين بيومك كامل بدون كرف .
- جهزي لبس الأسبوع كل يوم في كيس وعطرية ودخلية في كيس من والى حتى الشراريب او الدلاغات مثل مايسميها البعض .. عشان كل يوم تاخذين كيس واحد فقط وياليت تجهزين عباية مع كل كيس.

- جيبي غسالة ومجفف اوتوماتيك وأكبر سعة في يوم اخر دوام من كل اسبوع دخلي ملابسك مرة واحده وبعدها عالمجفف وبعدها دايركت عالدولاب وانتي مرتاااااااحة ليش بآخر دوام ؟ عشان يومين الأوف عندك او الويك اند تكون ملكك تطلعين فيها تستجمين وماتروح بكرف البيت.

- عودي اطفالك على النظام .. تبديل الملابس بغرفة ومكان خاص والجزم بمكان خاص وكافئيهم وشجعيهم وبوسيهم ومع الوقت بتكون عادة لهم ويساعدونك وانتي مرتاحة -ألعابهم ارفعيها بمكان مايوصلون له واتركي الألعاب الي يستعملونها يوميا او يحبونها كثير .. وتكون في درج او رف وبعد مايخلصون يرفعونها في ايكيا بوكسات وايد حلوه.

- ملابسي وملابس اطفالي طبعا مخصصه يومين للغسيل ويوم للكوي استخدمت طريقة لف الملابس في الدرج الثياب بالتعليق اما البدل فطويت كل بدله بملابسها الداخليه مع بعض يعني مثل ما تلفي السندوبش او السنبون <<< تشبيه رائع هههه يعني بنطالون وفانيلا وداخليته مع بعض ولفيتها زي السندوبشة الشورما بحيث اذا احتجتي بدله او بجامة تخرجيها بسرعه وتكون كامله وسهولة اختيارها بتكون مطويه وباينه بس اسحبي ولبسي.

- كذلك درج الملابس الداخليه والبيجامات كذا واختار لبس الاسبوع كامل بالنسبه للدوام يكون نظيف ومكوي واعلقه بجنب في الدولاب عشان اعرف لبس الدوام الرسمي عن لبس العادي والكشخات بيسهل الاختيار.


- إذا عند والدتك خادمة حاولي تاخذيها كا فترة تساعدك على تعزيل البيت وعطيها المقسوم تراهن يفرحن وأنتي جسي نبضها بعضهن ما تبي في خادمات تجي الساعة بعشرين أقل أنا كنت أجمع لها الكوي حق أسبوع وتجي أربع ساعات بستين ريال تكوي وتروح.

- اختاري يومين للغسيل في الاسبوع لا تخلين كل ايامج غسيل وكوي.

للحديث بقية

__________________________________________________ __________

>>>> الرد الثاني :
روعه ما شاء الله

الله يعطيج العافيه على الموضوع حبوبة

__________________________________________________ __________

>>>> الرد الثالث :
الله يعطيج العافيه على الموضوع المفيد

__________________________________________________ __________

>>>> الرد الرابع :
ما شالله عليك

__________________________________________________ __________

>>>> الرد الخامس :
الطبخ والمطبخ







*-الفطور والوجبات للفطور طبعاً اجهز بعض الاشياء من الليل اعبي الغلايه احضر الصحون والكاسات واغطيهم بسفره عشان تكون نظيفه واحكم اغلاقها احيانا اسوي فطيره البيض الاملين او المسلوق من الليل في الصبح بس تسخين سريع الجبن والمربى والعسل احهم بصحون واغلفه بالتغلف واصفهم بالثلاجه بس اخرجهم واسخن الغلايه وباقي الاكل.

- عندي سطل مستطيل اعبية مويه وافرغ مواعين الفطور وانقعها فيها وبكذا تكون الطاولات للمطبخ نظيفه بس السطل الاواني اغسله بسرعه واضعهم فوق منشفه برضو احط فوقهم فوطه.

- باقي الخبز والصمون والصامولي ما ارميه الخبز اقطعه مربعات واقليه وافرزله اخليه لسلطة الفتوش
و الصامولي والتوست والصمون ايبسه واجففه واطحنه واخليه بقسماط واعطبيه ببرطمان وافرزنه.

- اسوي اغلب شي الدجاج من الليل اقطعه واتبله بروب (زبادي ) وثوم وفلفل وملح وكمون وبهار واغلفه واحطة بالثلاجه اجي بس يكون نظيف ويستوي بسرعه اما اتبله بالدقيق واقليه او تكون مجهزة كشنه واكبس عليها او على طول تقطيع بالفرن على بال ما اسوي الرز والسلطه يكون جاهز كذلك السمك واللحم.

- قدر الضغط يساعدك كثير في اختصار الوقت والسرعه فلا تستغني عنه.
- تقطيع الخضروات والبصل وتجهيزها بالفريزر عشان تحتاجي لها او شراء خضروات مجمده من الجمعية.
- مخصصه درج بالمطبخ في مجموهعه كثيره من الفوط (المناشف ) وعلب بخاخ واحد ديتول والثاني معطر عشان يسهل علي التمسيح السريع للطاولات او الادراج او غرفة الاطفال وطاولاتهم وطاولات واغراض المطبخ طبعا مقسمه الفوط ( فوط تمسيح المطبخ _ الفرن _ الثلاجه _ غرفة العيال _ غرفتي _ المرايا _ الارضيات )


- عملت طريقة بعض الاخوات اللي تخصص درج في المطبخ للاواني اللي تستحدم يوميا عشان ما تفتحي الادراج الباقيه كذلك خصصت زاويه في مطبخي بدواليبها تكون هي اللي عليها الاستخدام الاكثر درج مواعين وملاعق وثاني كاسات والبهارات واغراض الطبخ المخصصه
- * بعد كل وجبه يصير افرغ المواعين بالسطل بالمجلى وامسح الطاولات واغسل الفرن وارجع لمكان الاكل اكنسه وامسحه بالمساحه وارجع للمطبخ بيكون فقط باقي غسيل الاواني اغسلهم وابخ البخاخ على الطاولات والثلاجه وابواب الدولاب وامسحهم بشكل كامل





-مطبخك لا تراكمي الأطباق ممكن ان تضعي في الحلل المراد غسيلها ماء مثلا وضعيها بعيد عن الحوض لكي لا توحي لك بتراكم واغسليها بعد رجوعك من الشغل مثلا اي هندمي المطبخ لكي لا يوحي بالإهمال.
- صوص السلطة اخلط فى قارورة قزاز خل +فصين ثوم مدقوقة ---اختياري
سماق+كمون+زيت زيتون+نعناع_____ادخلهم فى الثلاجة واستخدمها هذي الخلطة ممكن تترك اسبوع فى الثلاجة وفي خلطات جاهزه في الجمعيات مثل الخلطه الفرنسية والايطالية وفي في كارفور ولولو سلطه مقطعه جاهزه الخس الامريكي والفرنسي.
- لمااعمل شيرة اعملها بكمية كبيرة لانها تطول فى الثلاجة ماتخرب يعني عملتي بسبوسة بقلاوة او لقيمات تكوني اختصرتي شى من العمل فى الوقت الي مايفرق عملتي مقدار او ثلاثة (ممكن هذاالعمل يكون فى اوقات الفراغ موشرط فى نفس اليوم الي نعمل فية الحلووعلى فكرة المقدار الي ضبط معي هو كاسين سكر +كاس ماء =شيرة حلوة وسريعة.
- اما المكسرات فبامكانك ان تحمري كمية اكبر من اللوز او السنوبر فى قليل من
الزبدة +الزيت وتصفيها من الزين ثم توضع فى الفريزر الى وقت الحاجة.

- كذلك القطايف ممكن زيادة الكمية وادخال البعض فى الفريزر الى مرة ثانية تقومين بحشوها وقليها بسرعة بدون عجن كل مرة وافضل حشوة عندي هي جبن كيري +شوى سكر وجوز الهند قليل من المكسرات.

- نتكلم عن حمسة الرز من البصل تاخذ البصل ونقطعة مه شوى فلفل بارد وحبة طماطم وممكن قليل من الكزبرة الطازجة ونحمسة بشوى زيت وزبدة او سمنة ونخلية على نار هادية لحد مايبتدي بعضة يتحمر نخلية يبرد ونكيسة حسب الكمية الي نحتاجها بدون بهارات ممكن صلصة الطماطم ندخلها الفريزر وقت الحاجة نطلعها ونحط عليها البهارات ونسكبها فوق الرز.

- كذلك الفطاير والمعجنات دائما اعمليها فى وقت الفراغ واعملي كمية اضافية للفريزر
لا تخلطي الانواع مع بعض كل نوع لوحدة مثل الزعتر لوحدة واللحمة لوحدها وكذلك الانواع الثانية
الخبز العربي وخاصة الباقى منكم تخذينة وقطعينة قطع صغيرة وتحمرينة فى زيت او فى الفرن وتدخلينة فى الفريزر الى وقت الحاجة للسلطات.


- اللحم المفروم أطبخه مع البصل وأحطه بأكياس وأحفظه بالفريزر
لأستخدمه للمكرونة باشاميل أو السمبوسة أو أي طبخة يلزمها مفروم
معصج .

- البصل أقطع منه كمية كبيرة على شكل جوانح وأحمرها بالزيت , ثم
أحفظها في علبة بالفريزر وأستخدمها للكشري أو لتزيين سطح الرز مع المكسرات .

- الثوم أقشره وأغسله ثم أطحنه بالخلاط مع قليل من الماء والملح , ثم
أحفظه ببرطمان في الثلاجة وأستخدمه للطبخ والتسبيك.

- صوص البيتزا أجهزه بتحمير البصل والثوم وعصير الطماطم حتى
يتسبكوا جيدا ثم أضعها في أكياس صغيرة كل كيس يكفي طبخة
وبالفريزر وفي جاهز في الجمعية للبيتزا والمعكرونه.

- ايضا لعمل بعض انواع حلى القهوه اقوم بطحن البسكوت كميه واغلفه بقصدير ثم نايلون واضعه في الفريزر .
وكذلك اشقر كميه من حليب البودره واضعه في الفريزر لحين وقت الحاجه .
كذلك صنع الحلويات ووضعها في الفريزر لايضر ابدا
..
- في بنات في المنتدى يبعون اكلات مفرزيزره كبه ...الخ

- نجي للفرن أيضاً ياخذ وقت فأحرصي من البداية أنك ماتوسخينه وشوفي كيف ممكن يجلس معاك إسبوع كامل ماتحتاجين إلا إنك تمسحينه بالفوطة مسح عادي
يعني لا تحطين أكل كثير في قدر صغير وعلى العين الكبيرة
و تتركين إبريق القهوة والحليب والشاهي يفور ولو حصل على طول إمسحيه
القلي إستخدمي القلاية الكهربائية مريحة وتوفر الوقت والجهد ولا طرطشة ولا حروق
والزيت بعد توفره لك لكن يستحسن أنك ماتقلين فيها لحوم مباشرة زي البروستد والسمك
هذولي دايم على عين كهربائية خارجية غير الفرن ((تلقينها عند أبو عشرة))
عشان تحافظين على فرنك والزيت تكبينه بعد الإستعمال
نجي للثلاجة أمسحيها كل شهر مسح كامل شامل وكل يوم تلاقين شي خربان
طلعيه على طول وأي شي ينكب جواتها على طول أمسحيه لا تتركينه لبعدين


تم...

اتمنى انكم استفتوا من الافكار