عنوان الموضوع : سمعن سالفة شغالتي اشغال سهلة
مقدم من طرف منتديات الضمير العربي
مبارك عليكن الشهر
الصراحة حابه أخبركن بسالفة شغالتي اليديدة
اللي يننتني وخبلت بي
اقرن السالفة
الله يسلمكن يبت شغالة لأول مرة تشتغل ودش الامارات
وطبعا يايبتنها من مكتب الخدم براس الخيمة
وعاد أنا كنت أدور ع الجنسية السيرلانكية ما حصلت
فبما اني ماعندي شغل هاااااك الزووود قلت بيب وحده ما أخسر عليها واااااايد
المهم دورت لي على نيبالية مالقيت
وما حبيت الاثوبية
وبالاخير استقريت اني أجرب البنغالية
وظهرت الها الفيزا وعقب شهر ياتني
وعقب ما وصلت البلاد استلموها المكتب
واتصلوا فيني اني اروح استلمها
استلمتها باليوم الثاني
وعاد وصلت البيت متأخر ع الساعة وحده بالليل
المهم خليتها تتعشا وخليتها تنام
الصبح قمت متأخرة
لقيتها منظفة البيت كامل ومن دون أقولها أية كلمة
حسيت بها أنها نظيفة وأوكيه للشغل
وطبعا طلعتها ع الحديقة عشان تنظف الزرع
وعاد اشوفها الا انها مو متحمله الحر بس تمت ساكته لأنها شافتني أنا وياها برع بها الحر
المهم
بعد ما كملت يوم
أشوفها تأشر لي تبا ترمس أهلها وطمنهم أنها وصلت الامارات
وعاد أنا عطيتها الموبايل وانا اتصل بالارقام عشان اعرف ترمس منوه
المهم طلعت الشغالة ناصب عليها واحد هناك في بلادها وقايل الها أنها بتيي الامارات وبتشتغل في المستشفى وأنها هي مصدومة يوم يت تشتغل فالبيت عندي
المهم شليتها ووديتها بيت أخوي عشان اتم هناك وما تقعد بروحها فالبيت
عقب ما كملت ليلة هناك تمت تعاند أونه شو أنا تبا ترد بلادها وماتبا تشتغل
عاد أنا ما أفهم ع رمستها
جان أخليها ترمس الخياط واباه يترجم يقول لي شو تبا
عاد تمت تهذرب وياه حول الربع ساعة
وماشبعت من الهذربان الين مطيت السماعة عنها
وعاد اللي فهمت من كلامها أنها هي يايه تبا اداوم فالمستشفى وعقب
الدوام تبا تطلع على حل شعرها
يعني تبا تظهر ع كيفها عشان تتعرف وتكون علاقات (محرمه) بمقابل مادي
رغم أنها مسلمة
وبتيمع البيزات خلال 8 شهور وبتروح ع بلاها
طبعا ها الكلام خبرني اياه الخياط عقب ما رجعتها المكتب والغيت أقامتها
وعقب تم يفهمني السالفة أنها كانت يايه ومخططه لها الشي
حسبي الله ونعم الوكيل
رغم أنها متزوجة وعندها بنت ما كملت السنة
وربي اني منقهرة ع البيزات اللي دفعتها عشان اييبها
وعاد هاي سالفتي ويا الخدامة اللي ماباتت عندي غير يومين
وأقول الحمدالله أني يوم كنت أرقد كنت أقفل ع عمري الباب
لأنه سبحان الله كنت متروعه ليش ما أعرف
لأول مرة ما أحس بالأمان والشغالة معاي فالبيت بروحنا
وهاي قصتي مع الشغالة
حبيت أخبركن بالسالفة عشان تعرفن مخططات الشغالات شو هي قبل لا ايين الامارات
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
استغفر الله
استغفر الله استغفر الله
استغفر الله استغفر الله استغفر الله
استغفر الله استغفر الله استغفر الله استغفر الله
استغفر الله
استغفر الله
استغفر الله
استغفر الله
__________________________________________________ __________
>>>> الرد الثاني :
الله يستر علينا من هالشغالات
يعني مب مكفي الفلبينيات وهالاجانب مال الدعاره
لا حول ولا قوة الا بالله العلي العظيم
ربي يعوضج خير اختي
__________________________________________________ __________
>>>> الرد الثالث :
افففففف افتكيتي منها مب هينات من بلادهن يخططن ........!!!!!
__________________________________________________ __________
>>>> الرد الرابع :
الله يستر علينا من هالشغالات
__________________________________________________ __________
>>>> الرد الخامس :
لاإله إلا الله محمد رسول الله
رد مع اقتباس
