عنوان الموضوع : تجاربكم ويــــا الشغالات... شغل يدوي
مقدم من طرف منتديات الضمير العربي



مرحبا بنـــــــات.....

بغيت اناقش وياكــــــــــن تجاربكـــــــــن ويــــــا الشغـــــــــالاتـــــــ

يعني ...شو حرقت لج في البيـــــــــت.....وشوخربت ...


خلوني انا ابدأ ... شغالتي الاثيوبية اول وحــــــــــــدة ..يعني كل شي تفر في الزبالة (الله يكرمكن)

ما خلت شي خواشيق (ملاعق) صحوون ..سكاكين ...ليييش .....من سرعتهـــــــا (عمية)الله ياخذها ..الملاعق الفاخرة الي كنـــــــا شاريينها.... خلصوا ...كل يوم وحدة ثنتين يختفن ...ووايد اشيا ...والكواية اخخخخخخ لعنت خيرها ..خربتها في اسبوع ...والملابس الملونة خربتها بالكلوركس...وغيرها ...بلاويهن ما تخلصـــــــــــ ...



والحين دوركن .............كل وحدة تقول شــــــــو نـــــــوع تخريب ..شغالتها في البيت ....

وشــــــــو الحـــــــــل في رايـــــــــــــــكن .......

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اممممم
بالنسبه للخدم اللي مروا علي بحياتي تخريبهم لما هو اتي:
المكانس الكهربائيه والكوايات العاديه والبخار والغسالات
طبعا تخريب الملابس حدث ولا حرج يا اما بالحرق بالكوي والمشكله انه يديد ومب ملبوس!
او تخلط الالوان والابيض او تصب عليه مبيض
هذا غير فقدان اشياء من المطبخ مثل ادوات المائده او كسر ادوات مثل المضارب او الخلاطات من دفاشتها في الاستعمال
الله يعدم الشغالات مافي وحده اذكرها بشي زين كل وحده لها ذكرى سيئه في ذاكرتي!!

__________________________________________________ __________

>>>> الرد الثاني :
الله يعينا يا رب
و يبعد عنا شرهن

__________________________________________________ __________

>>>> الرد الثالث :
انا يخربون الشيل لدرجه قمت اغسل الشيل بروحي
مليون مره معلمه خدامتي اغسلي الشيله بالايد ويا شامبو العبايات لان الشغل الي فيه يخترب في الغساله
وتلقينها اتعق الشيله واتخرب الشغل الي فيه وتيج بكل برود اتقول نسيت او بالغلط

__________________________________________________ __________

>>>> الرد الرابع :
خربت ملابس اليهال ... تحرقهم وتقول اختربن روحهن ...عقب ما شردت ..دخلت غرفتها ..غرفتها وحمامها لاعنة خير الحمام ...قذر ووسخ والبيبات خربانة ...

__________________________________________________ __________

>>>> الرد الخامس :
سبحان الله ... الخدامات شر لا بد منه ... شغالتنا اول شي حرقت العبايا بعده الشيال بعدها جلابيات العيال هههههههه بعدها الزوليه والمواعين تحلف ما شفتهن وين بيروحن عيل ولا كل يوم شغله يديده الله يعينا والله لو ما الحاجه ما دخلناهن بيوتنا بس الله المستعاان