عنوان الموضوع : خدامتي حسبي الله عليها اشغال يدوية
مقدم من طرف منتديات الضمير العربي

شحالكم بنات

بخبركم سالفة شغالتي اثيوبيه ومسلمه اول مره تشتغل وعمرها 20

المهم من اسبوع قالت انها تعبانه وتحس بدوخه وصداع وشليناها انا وريلي ووديناها العياده وسوولها تحاليل وكل شي وعطوها دوا بالوريد المهم كل شي سليم

يوم رجعنا البيت بعدها رابطه راسها يوم اسالها شو الصداع تقول تعبانه ماخف وانا اطنشها لانه من شكلها اصلا مايبين فيها صداع مووول تشتغل وتلعب ويا العيال وتاكل وكل شي عادي ولا تقولي سفريني اونه الصداع اللي فيني في خلطه خاصه امها تسويه يوم تحطه على راسها يخف وهني ماعندنا

انا عاد ماحب هالاستهبال قتلها تبين شي بنيبلج من الدكان بلا خرابيط وبلا بطيخ


وكلمت المكتب عسب يرمسونها جان يقولولي هاي تستهبل انتي قالتلج انه الصداع ياها قبل في بلادها بس انا تقولي اول مره

المهم طنشتها ولا جنه فيها صداع يعني بذمتكم وحده مصدعه بتتحمل اسبوع كامل!!

انا اييني مال كم ساعه يوم مايخف على طول اروح الطواري وحالتي حاله


والشي الثاني من فتره قلاده ذهب لبنتي اختفت مع اني متاكده كنت حاطتنها على التسريحه المهم دورت مني مناك لاني من النوع اللي يحافظ اذا ضاع شي مارتاح اتم متحسره

مر اسبوع على السالفه وامس ساعه ريلي كانت على التسريحه بعد اختفت عاد انا قلت مستحيل اسكت

شو سويت طرشت الشغاله والعيال على المغرب عند يارتي ويلست انا وريلي ننبش حجرتها

تخيلووو شو لقيت خاشه شنطه صغيره تحت الملابس ها

وفيها قصه من وزار ريلي !!

ومشط شعري انا فريته من فتره في الزباله !! ناويه تسوي سحر شكلها !!

وكيس صغير فيه مثل بودر لونه احمر !!

وقلاده الذهب للي مختفيه !!

وكم ستكر حنا مالي !!

وشنطه مكياج صغيره انا احط فيها ميك اب يوم اظهر !!

وانا ماحسيت بكل ها تخيلن

الحين رمسنا المكتب وقالو هاتوها عندنا عشان يتصرفون معاها ويالسه اتريا ريلي على احر من الجمر يرد من الدوام عشان نسير وهي ماعندها خبر اني عرفت كل شي

بس ناويه يوم بنظهر بشل هالااغراض وهي في السياره وبحطها في كيس وبنسير المكتب وبنواجها هناك

والله ناوتلها نيه كملت عندي بس 4 شهور

صدق مافيهم خير والله اي مكان نسير ناخذها ويانا واشتريلها لبس وكل شي حتى اذا قعدنا في كوفي اطلبلها نفس ما اطلب لي انا وريلي

حسبي الله عليها براويها الادب

والله بخيرها يا تغدا حرمه وتشتغل ولا تنسجن ماعندي كلام ثاني لانه اشكالها مب اول مره اتعامل معاهم

وسفر مابتسافر الا تخيس في السجن

عاد انتو لو مكاني شو بتسووون

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا عن نفسي سيده بكنسلها لانه اذا من اولها طبوب وسحور يعني هاي ما خافت من ربها بتخاف مني
هاي ما اخليها في بيتي دقيقه

__________________________________________________ __________

>>>> الرد الثاني :
الصراحة اول شي بسويه ^.^ بوديها المكتب وبشل الاغراض وبحطهم في جيس ..

وعقبها بوديها الشرطة برفع عليها قضية
ومستحيل اتنازل عنها ومستحيل اسفرها ^.^ خلاص حكمت عليها الموت في بلادي ..~
ومابرتاح الين ينفذ حكم الاعدام

لن بتسحر الكل غربلتها ..
الله ينتقم منها

بصراحة عن كل الي اسمعه من الخدم
ساااااابع المستحيلات اييب خدامة
الله يقويني ويعطيني الصحة والعافية ..
وأخدم بيتي ووزوجي وعيالي
في المستقبل القريب ..~
ودعواتكم لي ربي يسر عرسي ..~ ها السنة
خخخ هع ويحقق امنياتي ..

__________________________________________________ __________

>>>> الرد الثالث :
والله انا ويا الخوات اول شي وديها المكتب وبعدين الشرطة خليها تخيس بالسجن عسب مرة ثانية ما تاخذ شي مب مالها

حسبي الله ونعم الوكيل فيهم

اتق شر من احسنت اليه

__________________________________________________ __________

>>>> الرد الرابع :

المشاركة الأصلية كتبت بواسطة ام راشـد
انا عن نفسي سيده بكنسلها لانه اذا من اولها طبوب وسحور يعني هاي ما خافت من ربها بتخاف مني
هاي ما اخليها في بيتي دقيقه




__________________________________________________ __________

>>>> الرد الخامس :
حسبي الله عليهم
اكرههم كره العمى بس والله مضطرين عليهم !!