عنوان الموضوع : يا ساتر من ثاني يوم قامت ترقص اشغال سهلة
مقدم من طرف منتديات الضمير العربي

مرحبا خواتي العزيزات

وربي ان راسي افتر عليه وتعبت منهن

القصه ومافيهااا خدامتي الفلبينيه سافرت عند اهلهااا شهرين
يلست مدة شهر بدون خدامه لحد ما ريلي قال لي بييب لج اثيوبيه مؤقت
لحد ما تييلج خدامتج قلت اوكي

اول مره ياب لي اثيوبيه لاول مره تشتغل ومب عارفه ليش مرجعينها المكتب
كثر ما اقول غبيه شويه تميت اسبوع اعلم فيها وبالاخر طلع كله على قولة اخواننا
المصريين على فشوش قلت لريلي رجعهاا المكتب والا بسببها براجع دكتور اعصاب
لان صدق صدق غبيه المهم رجعها واتصل بي قال في وحده ثانيه من جنسيتها موجوده
بس كبيره بالسن حول 35 سنه قلت ماعليه اكيد عندها خبره واستانست هههه
وياليتني مب مستانسه اول يوم يت قلت تعبانه سيري رقدي ومن الصبح ع الساعه 10
تعالي عسب اعلمج الشغل ويت وعلمتهاا وحسيتها عقت الميانه معايه
قلت ماعليه بشوف اخرتها لو مصختها بوقفها عند حدهااا
ثاني يوم سرت اتسبح على الظهر والا اسمع صوت اغاني والا الاخت حاطه اغنيه
اثيوبيه في مبايلها ومشغلتنها وهااااااات يا رقص بالمطبخ
قلت لها بلالالالالالاج هبله هي انتي شو هااا قالت ماما انا فرحانه

فرحانه اووونه قلت وويع يلا بندي .. عقب قالت لي ماما ابا كرت مبايل اتصل بلاد
كسرت خاطري وخذت لهاا وعلى العصر جت تقول ماما عيالي ما رمستهم
قلت ويعني شووو ؟ قالت ابا كرت قلت لهاا ما شي كرت
المهم يوم الثالث اترياهاا للساعه 11 الظهر وماجت اتصل بهاا مغلق
سرت حجرتهاا والا الاخت يا حليلها ترقد بستيان وهاف وبسابع نومه تقولون منسدحه
او تاخذ قيلوله على شط اسكندريه صارخت بهاا وقلت شو ها مب عيب ترقدين جي هذا وانتي حرمه
كبيره ماعاد اشوفج ترقدين مفصخه المهم سايره الاخت ومخبره ريلي عن السالفه
وجا ريلي يضحك يقول لي هذي هبله يايه تخبرني جيف راقده قلت له الحين
توديها المكتب ماباهااا وربي اتحمل الشغل والتعب بس هالجنسيه مووووووووول ماباها
لاعت جبدي منهم .. انتو شرايكم باللي سويته صح والا لا ؟

يعطيكم العافيه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مالومج مول انا لو مكانج بذبحه
كم مره اشردن عني
بس تبت مستحيل ايب اثيوبيه مب ناقصه اراجع مستشفيات بسببهن

__________________________________________________ __________

>>>> الرد الثاني :
الله يعينج يا اختي ... رغم انه ما عندي خدامة بس هاي الجنسية سويت عليها اكس .... لأني اتعقدت من الخدامات في بيت ابوية واخوية .... وكلهن اثيوبيات ... وعليهن سوالف بايخة الصراحة ....

__________________________________________________ __________

>>>> الرد الثالث :

__________________________________________________ __________

>>>> الرد الرابع :
هههههههههههههه

اختي يايبه وحده من كم يوم من المكتب

اللي قاهرني تتشرط

اونه مابزخ عيال ماعرف قلنا اوكي

قالت بيت كبير اريد خدامه ثانيه ويايه مع انه ماشي شغل البيت كلهم كبار مايوصخون

ولا زيدي راتبي 800 ههههه

يبناها يوم اليوم الثاني قالت مابا تمت تتحرطم مابي اشتغل ماعرف شو

قلتلهاا ليش يايه سيري بلادج ابرك والله

__________________________________________________ __________

>>>> الرد الخامس :
أنا عن نفسي ما أحب الأثيوبيااااات تلوع جبدي منهن