عنوان الموضوع : نقاش عن كارفور ... نفيد و نستفيد ...اقربوا ههههه شغل يدوي
مقدم من طرف منتديات الضمير العربي

[CENTER]
بسم الله الرحمن الرحيم


مســـــــــــــاء الخير حريمات و بنوتات ...
حبيت أتناقش معاكم اليوم و في نفس الوقت نفيد و نستفيد عن يمكن أكثر مكان الناس تتبضع منه اللي هو (( كــــــارفــــــور))
الحين أريد كل وحده فيكم تحك راسها عدل و تتذكر كل شي حلو و عجبها من كارفور و تسدحه هني
و بعد تتذكر أي شي سيء ندمتِ عليه و شو سلبياته

ببدأ بنفسي ..همممممم
أنا من عشاق العناية بالجسم و البشرة و الشعر و طبعا لا بد من الاعتناء ببطني هههههه تراني ذواقه في الأكل

الأشياء اللي عجبتني و بالفعل لاحظت ان لها مفعول :
1-Loreal revital lift Toner



جدا حلو و لطيف و خذيت بعد face milk

يخلي البشرة مشدوده و ينظفها بعمق خصوصا لو كنتِ حاطة ميك أب .

2- أحسن مقشر بشرة جربته لين الحين حتى أحسن عن اللي في bodyshop هو Apricot scrub من Hollywood style و هذه صورته



اللي يعجبني فيه وجود حبيبات من مختلف الأحجام للتقشير و بعدين مليااااااااان غير عن بعض المنتجات اللي تلاحظين انهم يكثرون من الكريم و شوية حبيبات تقشير يعني عملية غش تجاري !!

3- زيت الشعر فيولا , بس اللي لونه أسود , للأسف ما حصلت صورته بس يكون لونه أسود
يعطي الشعر طراوه و يسود لونه مع الاستمراريه



4- غسول المنطقة الحميمة أعتقد معظمكم يعرفه بس أنا حبيت اللي بخلاصة الصبار ريحته حلوه و يخلي المكان ريحته منعشة Aloe carefree intimate wash
وهذه صورته




5- من أنواع الشور جل اللي أحبهم و احب ريحتهم لأنها قوية من شركة Cottage و أنا أخذت اللي بنكهة الكاراميل و هذه صورته



ريحته روعة وهذا بالنسبة للأشخاص اللي يحبون ريحة الكاراميل و الفانيليا بالجسم هههههه
بس بعد أحب الفواكه .
وفي شور جل منعش يعني اممممم تحسين بنشاط خصوصا لما أستخدمه الصبح أطلع من البيت بنشاط ههههه واسمه Adidas fitness shower gel for women
وهذه صورته



عجبني ان فيه حبيبات تعمل عمل المساج أثناء التدليك و ريحته مثل ما قلت منعشة .

في تكملة تحت



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
6- من المنتجات القليلة اللي عجبتني لحماية الشعر من حرارة السشوار و ريحته جميلة , يعطي الشعر لمعة و ريحة و أهم شي مافي شعرات صغيرة تناقز هني و هناك بعد السشوار , أنا شخصيا بعد السشوار يوم أربط شعري يستوي شكلي شمس ههههه في شعرات يناقزون نفس أشعة الشمس و اسمه Tresmme Heat protective spray, وصورته تحت




طريقته ينحط على الشعر وهو مبلول و تسشوريه , لكن أنبه ما ينفع تسويه اذا تستخدمين السيراميك أو الفير , ممكن السشوار اولا و بعدين كم من ضربه فير اذا تحبين .

اممممممممم حاليا هذا اللي اذكره بخصوص العناية بالشعر و البشرة و أتمنى أعرف شو الأشياء اللي جربتوها و عجبتكم و اذا ممكن صور أكون شاكره , عشان نفيد بعض

بالنسبة للي يحبوا يجربوا أشياء جديده من قسم الأكل ههههههههههه مثلي
1- حبيت جبنة فيلادلفيا low fat بالأعشاب و الثوم



أحب آكلها مع توست أسمر و أعبيه طماطم و خس
و أحط عليه شرايح فلفل jalapeno مخلله Pickled jalapeno pepper وموجود في كارفور قسم الزيتون



2- صلصة لسندويتشات التونه حلوة جدا , خصوصا اذا قطعتي بصل صغار صغار و تحطيه في وعاء عميق و تصفي التونه من الماي أو الزيت و تصبيها على البصل و اخلطي بعدين ضيفي ملعقتين صلصة و اخلطي ,و سلامتكم سهل صح بس الساندويتش يطلع رهيب و في نفس الوقت سريع و مناسب للرحلات


3- خاطرك ب برجر طعمه نفس اللي تاكليه برا بس الفرق انه بيتي و أضمن , أنا حبيت Americana Breaded chicken burger و عليه طبقة رقيقه من البقسمات
نحنا في البيت نمسح ال Pan بشوي زيت زيتون و نحط البرجر عليه و نغطيه , نخليه يستوي على نار هادئة يعني لا تقليه ب طريقة Deep frying ماعليه في شوي مصطلحات ما اتقنت ترجمتها هههههههه موجود بكارفور بنفس ها الشكل



طبعا و الأفضل ان الواحد ياخذ لحمة مفرومة من الملحمة و تقرصينها في البيت و لو عندج شواية ..يا سلاااااااام أحلى برجر مشوي و بيتي 100%
4- صوص خاص بالأكل البحري Seafood sauce حبيتها مع Fish Fingers هي من النوع اللي شوي حلو على لاذع بس لا تحطونها على أي أكل بحري حار لأنها تذوب تصير نفس الزيت هههههه , و لا تكثرون منها عشان ما تمتنون




5- اللي يحبون cereals نفس الكورن فليكس و خلافه , في نوع من داخل فيه شوكوليت رهيب و هذه صورة مقربة شوفوا الحبات داخلهم شوكوليت و الحلو انه مهما يطول في الحليب أبدا الشوكولا ما تسيح برا الحبه !!
وهو من منتجات كارفور
أنا شخصيا أكله بروحه نفس المكسرات ههههه طعمه لذيذ




الباكج يشبه اللي في الرابط بس الصورة غير لأنه الحبوب شكلها مربع و منفوخ شوي

6- ألذ أنواع البسكويت و هذه تشتريها و انتي مغمضه بس حاسبي على وزنك هذه الأنواع
Bahlsen buiscuits بكل نكهاته و أول نوع هو المفضل عندي , مقرمش و نصه مغطى بالشوكوليت و مهما تاكلي ما تشبعي منه





همممممممممم لو اتذكرت شي ثاني برجع و بكتبه

بس أهــــــــــــــــــم شي وطلبي الوحيد منكم أنكم تدعولي الله يحقق اللي في بالي و الله يطول في عمر الوالد و الوالد ياااااااااااا رب

شدو الهمه و اتحفونا باللي يعجبكم و اللي ما يعجبكم من كارفور ....في انتظاركم
الله يحفظكم و يحفظ لكم كل عزيز و غالي ياااااااا رب
[/CENTER

__________________________________________________ __________

>>>> الرد الثاني :
حلوووووووو
الله يحقق الي في باالج ويحفظ لج والديج

__________________________________________________ __________

>>>> الرد الثالث :
امم الموضوع حلو بس اشمعنى كارفور ^_^ مب الجميعه

__________________________________________________ __________

>>>> الرد الرابع :

المشاركة الأصلية كتبت بواسطة برق لمع
امم الموضوع حلو بس اشمعنى كارفور ^_^ مب الجميعه



ههههه ضحكتيني أختي برق لمع ..ممم ما أدري نحن ما نسير الجمعيه أحسها صغيره و مب كل شي فيها , و معظم الناس يتبضعون من كارفور بس أكيد لا غنى عن الجمعيه في بعض الأحيان , لكن المؤونة الشهريه لازم تكون من كارفور مب كارفور المارينا ,أبدا ما حبيته صغير و مب مرتب نفس الثاني ههههه , مشكوره عالمرور برق لمع

__________________________________________________ __________

>>>> الرد الخامس :
مفيد والله ^^


يزاج الله خير وحقق لج الي فبالج

وصراحة هالمنتوجات نسبـة كبيرة منهم تكون في اللولو بعد ^^


( فرع الوحدة مول )


بخصوص تريسمي السبراي ,, أنا استعمل الي لونه بربل وفعلا مشراي من كرفور ,, حلو


وبعد أستعمل هذا للي شعرها جاف ><



وهو عبارة عن كريم للشعر قبل السيشوار يحمي من الحرارة


حلو بس يزيت الشعر

للي شعرها جاف بس ^^

بس أنا شخصيا صراحـة المؤونـة وأغراض البيت في أغلب الأحيان تكون من الجمعيـة التعاونية

تشجيعـا للمشاريع المحلية

والسموحـة