عنوان الموضوع : التعامل مع الضيوف .... اشغال يدوية
مقدم من طرف منتديات الضمير العربي
يا مرحبــأ وسهلا ..
هلا والله .. هالموضوع فيه فائده ان شاء الله للجميع ... للمعرسات اليدد.. والمقبيلين عالزواج ..
والعوانس .. والبنوتات ...
بدخل ف صلب الموضوع : كثير منا لا يعرف كيفية التعامل مع الضيوف .. وكيف يقولون بيت فلان ما شاء الله ع بناتهم .. يوم ايونهم ضيوف ما يقصرون .. وكييفية طرق التقديم الفوالة .. وطرق المحادثه معهم .. والجمل والاسلوب ؟؟؟
المطلوب : يا صاحبات الذوق الرفيع والخبره و صاحبات المنازل ........ افيدونا ... ^^
بالاخير : اطلب من الله ان تدعولنا ف الغيب ... و ترفعوا هالموضوع بكلمة حسنه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مووضووع مهم ....
__________________________________________________ __________
>>>> الرد الثاني :
فوووووووووووق
__________________________________________________ __________
>>>> الرد الثالث :
للرفع
بعد انا اريد اتعلم
__________________________________________________ __________
>>>> الرد الرابع :
بسم الله
ببتدي بنفسي نحن قبل مايونا الضيوف الفواله تكون زاهبه من فواكه بانواعها والرطب والقهوه والشاي والخ00
من ايون الضيوف اول شي انضيفهم بالعصير البارد انبرد عليهم عقب القهوره والفواكه والرطب 00
عقب الفطايروالقيمات والخنفروش مع االشاي والنسكافيه والحليب بالزنجبيل 00
اخر شي الحلا ويكون نوعين او نوع مع اي سكريم مزين ببسكوت ويفر ومرشوش بفليك
وسلامتكن ننتظر البقيه
الضيوف لازم تاكلون وتشربون معاهم عسب مايحسون بانهم غرب ومب كلكن اتقومن اتضيفن لا 2يقومن ووحده تضيف مع الخدم
الصحون لااااااااااااازم اتكون طقم كامل مب كل شي نوع 00 لازم يكون كلينكس وشوك وملاعق مب كل شوي نطت وحده تيب الغرض الناقص 00 لازم اتيسولفون وتفرفشون ضيوفكم مب اذا هم ساكتين انتم بعد اتمون ساكتين
الضيافه لازم اتكون بذوق وترتيب راقي يرضي ضيوفكم
هذا الي عندي ونطبقه ياريت نتعلم من الحريم السنعات اكثر واكثر
__________________________________________________ __________
>>>> الرد الخامس :
باختصار :طبعا من آداب الاسلام .. الواحد يسلم بتحية الاسلام الصحيحة ويقول :
السلام عليكم ورحمة الله وبركاته = 30 حسنةوبعدها يقول : يا مرحبا بكم .. نورتوا .. إلخ .
ويسأل عن أحوالهم .. وان شاء الله بخير .. إلخ .
وبعدما يقعدون بشوي .. طبعاً : الجاي والقهوة والفواكه يكون محطوط ومغلف ونظيف بطريقة حلوة .. وجاهزة قبل لا يدخلون علينا ..
بس أول ما اييون نتريا خمس دقايق وعقب نقدم لهم تشكيلة من العصاير الطازجة .. والباردة .. ومشكلة مسوينها في البيت انظف وأحسن ..
مب شرط القلاص يكون وااااااااايد كبير ولا انه واااايد صغير ... عيب نشوفه .. يكون وسط
مع مفرش حلو في الصينية ويعطيه فخامة
وبعدها نضيفهم بالفواله .. يا اما نقصقص لهم .. ( ندلعهم
واذا كان الوقت على العصر يايين او المغرب . نكون حاطين .. مشكلات من : بيتزا - فطاير بالجبنة = زعتر - وغيره .
أما اذا كان وقت العشا .. الفطاير وهالسوالف نحطه بوقت العشا احسن .
--
وبخصوص السوالف .. لازم نعرف طبع الاشخاص اللي جدامنا كيف . في ناس ما يحبون الكلام الزايد
العيوز مب مب مثل الياهل .. مب مثل الشابة ... الخ ..
ونبتعد عن الحش والنميمة وما شابه ذلك
طبعاً في ناس عادي عندهم وهالشي حرام ما يجوز أبد ..
وسامحونا طولنا ولكن حبيت افيدكم ولو بشي بسيط ودعوتكم ..
رد مع اقتباس
