عنوان الموضوع : ساعدوني في اختيار سياره اشغال سهلة
مقدم من طرف منتديات الضمير العربي

السلام عليكم ورحمة الله وبركاته


امممم مثل ما يقولون الموضوع باين من عنوانه

انا ما باقي لي ع الليسن الا امتحان الشارع وبييكون بعد اسبوعين وان شاء الله اذا نجحت فييه راح اخذ لي


بس المشكله ليين الحين بعدني محتاره شو اخذ والاهل معطني الحريه المطلقه في اختيار السياره


انا عمري 19 والسياره رح اورح وارد بها من الجامعه فما اباها تكون كبيره يعني صالون تمشي الحال



انا محتاره ما بين اللكزس والانفنتي بس حابه اللكزس اكثر

اما الميزتنيه اللي انا حاطتنها ما بين 100000 ( مية الف ) 140000(اميه وارعين الف )


امممممم مب مشكله اذا كانت مستعمله

وصح انا سمعت انه الوكالات تبيع سيارات مستعمله استعمال خفيف مال سنة 2017 صح ولا لا






انا الحين حاطه في بالي لكزس ES350 شو رايكم فيها ويشو تنصحوني




فمان الله

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حبووووبه انصحج في البداايه تاخذين سيارة رخيصه مثل الكامري والهوندا وسوزوكي وسويفت
لإن لازم تتعودين عالشوارع واذا حسييتي عمررج متمكنه خذي سيأااره غاليه
يعني لا سمح الله سوييتي حاادث بعيد الشر عنج قلبج مابيعورج عالسياااره أذاا كانت غااااليه

أنا نصحتج وانتي برااحتج حبوووبه والله يوفقج

__________________________________________________ __________

>>>> الرد الثاني :
مرحبا حبيبتي ... بس الانفينيتي أكثر من 140 ألف وحتى لكزس غاليه ,,, تقريبا في هاي القيمه عليج بالاودي
أتجنن وبناتيه واااااايد ... أنا عندي الانفينيتي ال Ex وااايد حلوه ومرتاحه فيها وعمليه جدا لا هيه كبيره ولا صغيره عليه ,,, مين يشهد للعروسه
وإنتي وأختيارج حبي

__________________________________________________ __________

>>>> الرد الثالث :
طبعا اللكزس احسن من الانفنتي لانها من شركة تويوتا
والانفنتي من نيسان
وتيوتا الاقوى واتكد اكثر
وفعلا فالمعارض او حتى الوكالات يبيعون سيارات مستعملة استعمال خفيف

بس كنصيحة مدام الميزانية 100 الف اخذي هودندا أكورد من الوكالة ويديدة احسن بوايد
سعرها تقريبا في حدود الميزانية وقوية ومكدة وبنوتية بعد
مهما كان احسن من المستعملة

__________________________________________________ __________

>>>> الرد الرابع :



قال الله تعالى:فى سورة الأنبياء


وَذَا النُّونِ إِذْ ذَهَبَ مُغَاضِبًا فَظَنَّ أَنْ لَنْ نَقْدِرَ عَلَيْهِ فَنَادَى فِي الظُّلُمَاتِ

أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ ﴿87﴾ فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ


ربي يوفقج اختي




__________________________________________________ __________

>>>> الرد الخامس :
صلي استخارة و تشاوري و الله يوفقج