عنوان الموضوع : داومت وأخيرا بسسس!!! اعمال يدوية
مقدم من طرف منتديات الضمير العربي
صبـــــــــــــــــــاح الخيـــــــــــــــــر
الحمدالله وأخيرا بعد 6 سنوات وأنا أدور شغل أشتغلت صارلي شهر طبعا مع رفض زوجي ف البدايه
بنااااات وااااااايد متضااايقه لانه دوامي وقته طويل من 8 الين 5 بس انا لاني ماخذ بريك الغدا ف اطلع 4 أول شي هم كانوا رافضين هالشي بس لاني بينتلهم وجهه نظري قبل لا أوقع العقد ووافقوا ,,,,
ثاني شي وهو اللي مضايقني اكثر المعاش واااايد قليل بالنسبه لمواطنه 8 ونص بسسس +2017 ف السنه تذاكر
المشكله انه المكان اللي اشتغل فيه 98% وافدين اجانب من فلبينين وهم الفئه الاكبر وهنود وبريطانين اردنين على سورين و مغربين وانا ثاني مواطنه أشتغل ف هالمكان هالمكان تابع لااكبرشركات عقار في الامارات وعالميا واللي قاهرني انه فيه هنود يستلمون 52 الف و 25 و30 واقل واحد 10
أنا مب متضايقه لانهم ياخذون معاشات خياليه لانهم عندهم خبره طووويله وانا هذي اول مره اشتغل فيها
للعلم هالمكان خااااص
انا وافقت بهالعرض لاني متاكده أنه ف العين مافيه شواغر الا بواسطه وانا ماعندي وابا خبره بحوال ارص على عمري سنه
هم واعديني بزياده بس قالولي لاتتوقعين هذي الزياده الكبيره ,,,والحين هم في خطه لتوظيف مواطنين صراحه قهر كلهم اجانب
بس عرفت السبب احنا مانرضي الا ب معاش محرز على قولته اخوانا الشامين وطبعا نحن نستاهل لانه نحن هل الدار بس بعد مفروض مانعطيهم فرصه يحتلون كل شي مفروض نرضى ونثبت انفسنا ف القطاع الخاص
الزبده يوم اتذكر المعاااش اتضايج بتقولون عيل ليش رضيتي بقولكم اشغل وقتي واكسب خبره بدل مب راقده طول النهار
وهلي مب كلهم بعضهم يقولون حرام الشغل مايسوى طلعتج من بيتج
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مرحبا حبيبتي ... انا اقترح عليج تكملين سنه و تاخذين خبرة و نفس الوقت تقدمين اماكن ثانيه
لا تنسين اذا اشتغلتي وياهم , اللغه بتصير احسن عندج من المحادثه و الكتابه , و حاولي تاخذين من خبرتهم
__________________________________________________ __________
>>>> الرد الثاني :
اكيد اولا واخيرا القناعة
كملي سنتين ثلاث وفي نفس الوقت دوري مكان ثاني وبعدين دام انج ثاني مواطنة تريي الخير ان شاء الله الخير ياي واثبتي نفسج وبعدها طالبي بحقوقج والموفق الله
واولا واخيرا الرزق بيدين الله
__________________________________________________ __________
>>>> الرد الثالث :
مشكورات اخواتي على ردودكن
أنا بعد قلت نفس الشي اللغه عندي بتتقوى والحمدالله خلال شهر حسيت بفرق من ناحية المحادثه والثقه والله كريم
__________________________________________________ __________
>>>> الرد الرابع :
انا مع الاخوات انك تكملي اولا تشغلي نفسك قعدت البيت وحشه اوي تاني حاجه انك تاخدي خبره عشان لو قدمتي باي مكان او تثبتي نفسك بشغلك صدقيني حيزيدو المرتب وربنا يوفقك
__________________________________________________ __________
>>>> الرد الخامس :
وانتي داومين قدمي ف أماكن ثانية وطرشي الـ CV
و تعلمي من كل اللي حولج، و انتبهي لكل شخص كيف يتصرف او يحل مشكله او يكلم كاستمـــر
خذي خبره عالأقل سنه واذا حصلتي اطلعي حتى لو وعدج ف الزيادة لا تاخذين الا شي مثبت برساله رسمية الكلام ببلاش تراه
ما حصلتي انتي بتتعلمين اكثر وبتكون الخبرة زادت
ربي يوفقج ^_^
رد مع اقتباس
