عنوان الموضوع : بغيتكن في خدمة؟؟ تعالن شوي
مقدم من طرف منتديات الضمير العربي

السلام عليكم ،،
شحاالكم الغاليااات،، إن شاء الله تكونن بخير
بدخل ف الموضوع ع طول ،، الله يسلمكن انا من فترة يعني من كذا شهر لاحظت أنه في دود صغير أحمر ف حمامنا يعني أول مرة أجوفه ، طويل وضعيف ولونه أحمر، يعني شكله يروع بصراحه،
قلت يمكن الشغاله ما تنظف الحمام أوكي ، بس من سافرت قمت أنظف الحمام بروحي أفركه زين من كل مكان ، وأحط ديتول في كل الاتجاهات ، ولكن للأسف رد الدود الاحمر يطلع وأحصله في كذا مكان في الحمام،،
بصراحه أنا وايد منأرفه من الموضوع وخايفة ، وبديت أوسوس
أقول يمكن حد مسوي لينا سحر لا قدر الله أو يمكن مستضرين ، لأني اول مرة اجوف هالدود ما كذا شفته ف حياتي،،
حبيت أسأل حد مر في هالتجربه؟؟،حد طلع ليه هالدود في حمامه؟؟
فيه مبيد يقضي على هالدود؟؟
يا ريت تسااعدووني؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
نظفي بكلوركس الكلوركس يخنقنا فما بالج بالحشرات


ربي يعينج اختي
الكافور معروف للتخلص من الحشرات

في في كارفور كافور يجي على شكل كرات ملونه زي كرة التنس
حطي منها في الحمام
و زعيها في البيت كله
سبحان الله ولا بتشوفي اي حشره من بعدها

الكافور يستخدموه في الشنط الجديده و الاحذيه
و عند غسل الاموات
لانه يمنع الرطوبه بالتالي ما بتلاقي ولا حشره


انا بيتي كله كافور و لله الحمد ما عندي اي حشره

__________________________________________________ __________

>>>> الرد الثاني :

المشاركة الأصلية كتبت بواسطة يمنات
نظفي بكلوركس الكلوركس يخنقنا فما بالج بالحشرات


ربي يعينج اختي
الكافور معروف للتخلص من الحشرات

في في كارفور كافور يجي على شكل كرات ملونه زي كرة التنس
حطي منها في الحمام
و زعيها في البيت كله
سبحان الله ولا بتشوفي اي حشره من بعدها

الكافور يستخدموه في الشنط الجديده و الاحذيه
و عند غسل الاموات
لانه يمنع الرطوبه بالتالي ما بتلاقي ولا حشره


انا بيتي كله كافور و لله الحمد ما عندي اي حشره




مشكوورة أختي يمنات على الرد
بس أحس الكافور ريحته قويه شوي

__________________________________________________ __________

>>>> الرد الثالث :
احيد يوم كنا صغر بيت امي القديم كان يطلع عندنا دود من فتحات المجاري كرمج الله

الحل ييبي شركات مال الحشرات بيحطون دوا يمكن يخوزون

__________________________________________________ __________

>>>> الرد الرابع :

المشاركة الأصلية كتبت بواسطة لمعة خرز
احيد يوم كنا صغر بيت امي القديم كان يطلع عندنا دود من فتحات المجاري كرمج الله

الحل ييبي شركات مال الحشرات بيحطون دوا يمكن يخوزون



مشكوورة لمعه خرز،،شكلنا بنسوي جي

__________________________________________________ __________

>>>> الرد الخامس :
الكلوركس افضل حل..

انا بلوتي اعظم.. بيتي ما تدخله الشمس.. ومع البرد
الرطوبة والعفن في جدران بيتي وخزاين ملابسنا
قربت انجن.. كل شوي حملة تنظيفيه لهالمصيبه..
ساعدوني شو الحل؟؟