عنوان الموضوع : استفسار بخصوص تعميم هروب الخدم لمشاكل المنزل
مقدم من طرف منتديات الضمير العربي
السلام عليكم ورحمه الله وبركاته
خواتي عندي استفسار عن تعميم الهروب
كانت عندي فلبينيه كملت سنتين وعقب قالت تبا ترجع تشتغل عندنا
وتمت تترجاني نجدد جوازها ونسوي لها اقامه يديده
مشينا على كلامها وسوينالها اقامه يديده ووديناها سفاره بلادها عسب تجديد الجواز وسوينالها بطاقه الهويه وتذكره سيره ورجعه
قالت بتم هناك شهرين وبترجع ونحن صدقناها
سافرت تاريخ 15 _10 وتاريخ الرجعه 15_12
قبل موعد رجعتها اتصلت فيها وما ترد علي ومرات تسكر بويهي الزطيه
سار اتصلت لبشكاره ربيعتي وقالت لها قولي لهم ما بيي وبسير اشتغل مكان ثاني ولا يتصلون فيني
الله لا يوفقها ان شاء الله .خسرنا عليها فوق ال5000 عسب ترجع .غير العطيه والهدايا الي اشتريتها حقها والبيزات الي عطيناها
بس طلعت ما تخاف ربها ونكرت المعروف
ريلي سار الجوازات وسوالها تعميم هروب وقالوا له هالتعميم بيحرمها من دخول اي دوله
وعقب قالوا له الدوله الي عندها نفس نظام بصمه العين الي بالامارات بس
الحين انا ابا اتاكد هل صدق هالتعميم بيحرمها من دخول البلاد وكل دول الخليج الي عندها نظام بصمه العين
النظام القبلي كان حرمان دخول الدوله مده 6 شهور وعقب تروم ادش
بس الحين بالجوازات يقولون حرمان نهائي
الي تشتغل باداره الجنسيه والاقامه او تعرف حد من اهلها يشتغل هناك ياليت تفيدني
بصراحه ها اقل شي نسويه لهاا .عشان تحس بغلطها الي ما تخاف ربها
ان شاء الله يكون صدق هالحرمان .خلها تخيس ببلادها
اتريا ردودكم بفارغ الصبر خواتي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
موفقه الغاليه.. اختج @مبدعه@
__________________________________________________ __________
>>>> الرد الثاني :
لا حول و لا قوة الا بالله
__________________________________________________ __________
>>>> الرد الثالث :
__________________________________________________ __________
>>>> الرد الرابع :
شخصيا بنظري المسامح كريم
ودعي الخلق للخالق 
بتعبين صحتج أختي إذا تميتي وراها تبغين تنتقمين منها !
صدقيني التسامحج راحـة لج أكثر ما يكون لها
وقبل هذا وداك أجر في ميزان حسناتج بإذن الله
والسموحـة على المداخلـة أحس بالغتي بالموضوع
يمكن هي فعلا ما ارتاحت عندكم مب مهمـة الهدايا كثر الراحـة النفسيــة ..
__________________________________________________ __________
>>>> الرد الخامس :
الي ما ترتاح ما تطلب تجديد الله المستعان حجج غريبه بس دوم المواطن هو الشين شي معروف البعض بيدافع بالنسبه لصاحبة الموضوع اولا لو حتى نظام بصمة العين مستخدم بدول ثانيه اعتقد انه الريسيفر غير ولا الدول كلها من الشغاله اتحط عيونها بالامارات تستقبل فحص العين عندها الريال شكله والله اعلم يستهبل روحوا عند غيره انا اقولج صارت عند وحده من قرايبنا وخبروها لازم تتريا ست شهور بس اعتقد انه هالشي من قبل اتاكدي احسن بس موضوع الحرمان الابدي هذا تأليف من عنده
رد مع اقتباس
