عنوان الموضوع : محتارة بين خدامتين ساعوني بلييييييييييز
مقدم من طرف منتديات الضمير العربي

خواتي انا محتارة بين خدامتين فلبينيات وحدة ربيعة خدامة اختي فيرست تايم وشاطرة بالانجليزي بس مب جامعية وها شرطي علشان تساعدني بدراسة العيال وهي خبرتها بالفلبين خدامة وطباخة وقالتي انا بشتغلج بالتنظيف وكل شي وشاطرة بالطبخ بس حسيتها متخوفة من التدريس لانه قالت حق خدامة اختي مب لين هناك ادرس بس قالتلي انا بدرسلج عيالج بس المشكلة انه عمرها 48 سنة
أما الخدامة الثانية عمرها 26 بس من مكتب وبعد فيرست تايم بس هي كاتبة بالطلب انها خريجة جامعة و مدرسة 100% وتساعد بالتنظيف وكل شي بس طبخ لا وانا ما يهمني الطبخ اهم شي عندي الدراسة اخاف اييب العودة وماتروم على الشغل وتشرد واخاف اييب الصغيرة وتدورلها على بوي فرند او شغل يناسب مؤهلاتها محتارة ما عرف شو اختاار ساعدوني

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ما عندي فكرة ان شاء الله بنات يفيدونج

__________________________________________________ __________

>>>> الرد الثاني :
والله انا مثلج احتار بين الفلبينية الصغيرة والعودة
بس العودة يمكن اضمن واحن على اليهال وماتفكر في البوي فرند
تفكر تطرش الفلوس لعيالها وتعرف انها مب مرغوبة تشتغل في اماكن برا
بس ماعليج يمكن مايبين عليها العمر وتراهن كديدات في بلادهن مب شراتنا


الصغيرة بتكون انشط في الشغل وتدرس اليهال بس مشكلة دام انها شرطت
ماتبى تطبخ يعني انتي باجر مابتظهرين مكان عيادة ولا مستشفى ...الخ
العصر ماتبينها تسوي لج فطاير خفايف اي شي
العشا وهو اسهل شي
مشكلة اللي يتشرطن ويمكن لانها صغيرة تفكر تدور وظيفة احسن تناسب الشهادة

شوفي هالكلام اللي كتبته كله احتمالات
والبشكارة حظ ونصيب وانا حظي دوم زفت اللهم لك الحمد

استخيري وتوكلي

__________________________________________________ __________

>>>> الرد الثالث :
استخيري وما بتيج وحدة كاملة

__________________________________________________ __________

>>>> الرد الرابع :
خذي الثانيه والفلبينيات لازم من البدايه تشرطين عليهن لا تفجين لها الخيط والمخيط

__________________________________________________ __________

>>>> الرد الخامس :
الثاانيه00لكن استخيري

موفقه حبوبة