السلام عليكم ورحمة الله وبركاته
اخباركن حبيبات قلبي - الصراحة انا مبتعده عن النت (فترة نقاااهة)
بس لاني احبكن رديت وحدرت عسب احذركن من مورده الخدم
ام حامد
حبيبات قلبي .. في موضوع كتبه قبل انشدكن عنها ... شوفن البروفايل ماليه بتلاقن الموضوع ..
الزبدة: انيه حولت لها 3000 درهم من شهر 10 ولين الحينه لايابت لي خدامه ولا ردت لي فلوسي
طرشت لها مسجااااات غير الاتصالات عسب تردههن لان اوريدي قدمت ع خدامة ثانيه من مكتب ثاني ودفعت نص الفلوس
كلمت المكتب الي عطتني منه فاتورة اسمه النواصرية في العين طلع واحد عربي بدون ذكر جنسيته وكفيلة مواطن
واثر السالفة لعبة امبينهم الاثنين هي لا تشتغل عند مكتب النواصرية ولا شي .. هي ماخذه كمن ابلكيشن ولانهها فلبينية اصلا تعرف مكاتب في الفلبين وتخليهم يسوون للها دسكاونت فديتكن
وبعدين اي خدامة تخلص معاملتها (يعطيها العربي الي في مكتب النواصرية ) عمووووولة - فهمتن حبيبات قلبي
المهم يوم كلمته فهمني الموضوع وكان خاااااااااايف لانه يشتغل وياها بالباطن
يعني بيروح فعين امها لو درت به الشرطة ... وقال لريلي شو ماترجع الفلوس غصبنا عنا فالجزمه ع راسها ولو ماردت الفلوس انا بردها لكم
طبعا مش حبا فينا ولكن خوفا من الشرطة ومن كفيلة المواطن
تحذرو منها بنات والشي الحلو فيه اني ماعطي حد اي فلوس الا ماخذ عنه ايصال ... واحينه مايرومون يرمسونيه لان ايصاليه بيدخلهم في سين وجيم ياريت تاخذون حذركن ييالغاليات وييبن من مكاتب احسن والله
انا انخدعت فيها قالت بيب الخدامة خلال اسبوعين قلت احسن عن المكاتب الي ياخخذون شهووور لكن في النهاية انا الي كلتها خخ
مع السلامة ودعواتكم ليه - لان برد اكمل فترة نقاهتي