عنوان الموضوع : أرجوك تحظر زواجي من شعر الخليج
مقدم من طرف منتديات الضمير العربي



كذا بسهوله مثل ما نشرب المي
جتني تقول أرجوك تحظر زواجي
ماكن بيني وبين هالبنت أي شي
ولا كنها اللي دايم بإحتياجي
قلت بصراحة ظنتي شاربه شي
وإلا تبين ألبس للأحزان تاجي
وشفت الحقيقة ترسم أحزانها لي
دمعة فراق يحتظنها إنزعاجي
وكرت الفرح جمرا كوى أصابعي كي
وأحرق فرح عمري وعكر مزاجي
وأظلم سمايه وإنخطف مني الظي
والجو عقب الصفو أصبح عجاجي
ولا عاد اشوف بدنيتي غيرها هي
وموج من الأحزان بالشوق هاجي
قالت على هونك على خافقي شوي
يكفي كفايه لا تزيد احتجاجي
هذا قدرنا وإنكتب وانطوى طي
اصبر وتال الصبر فيه إنفراجي
وتعال وادعني تعال إحظن ايدي
تعال عطني بالمحبه علاجي
لا . لا تزيد الطين يا صاحبي مي
وخل ابتهاجك هو شعار إبتهاجي
قلت اعذريني مال ليل الحزن زي
إلا سواد فيه موت ازدواجي
روحي عسى من خطط العرس للغي
وعقله يصيبه بالحياه إرتجاجي
يقضي حياته ميت خافقه حي
ولو لف كل الكون ماله علاجي


معاني الشووووق






للشآعر / محمد آلحلوآن

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
أبيات مؤثرة للغاية
وأعتقد أنها النهاية الحتمية لأي حب ماقبل الزواج
وياليتنا نقرأها بقلوبنا لا بألسنتنا
ويعطيك العافية

__________________________________________________ __________

>>>> الرد الثاني :
الأخ الغالي (( دعاني الشوووق ))

مهما كتبت من جمل ..
ومهما عبرت بشعرا أو بنثرا ..
لا ..لن أصل إلى قمة حرفك الراقي ..
لا ..لن أصل إلى تلك الكلمات
الندية الغالية ..
فقد سعد الفؤاد بهذا التعبير ..
وسعد الفؤاد بهذا الإهداء المتواضع منك..

تقبل إعجابي بروعة أحاسيسك المرهفة..

دمت بود

__________________________________________________ __________

>>>> الرد الثالث :
كلماات في غاية الروعه

اشكرك اخوي على هالكمات الخارجه من القلب واتمنى ان تصل الى القب ايضا

اشكرك اخوي الغالي ~®~§~¤«`•.¸¸• دعاني الشوق •.¸¸.•`»¤~§~®~

مع تمنياتي لك بالتوفيق

بنتظار جديدك يا الغالي

اخوك

ريان الشرقيه

__________________________________________________ __________

>>>> الرد الرابع :
كلمات في منتهى الروعة ..

وعبير تنثره علينا ايه المبدع

دعاني الشووووق

تسلم يمنك على حروفك المميزة

والاهداء لشخص مميز ورائع

الله يعطيك العافية

تحياتي لك

__________________________________________________ __________

>>>> الرد الخامس :
اخوي

دعاني الشوق

صح لسانك على نقل تلك الرائعه للشاعر

المعروف

محمد الحلوان


تحاتي

فيصل الساهر