عنوان الموضوع : سالفة جرحي قصيدة رائعة
مقدم من طرف منتديات الضمير العربي
من اول سالفة جرحي وهذا الحال طاف الحول
تعبت ابحث عن حلول تخفف من عنا حالي
من اول سالفة جرحي وانا عن عالمي معزول
ولاحي درى باللي من المحبوب يجرا لي
بعد ماغاب عن عيني وخلاني كذا معلول
وش اللي صار يتركني بدون اسباب بلحالي
وش الحيلة وانا اللي دايم بالي معه مشغول
خياله مايفارقني طوال الوقت في بالي
انا المفتون في حبه ملك قلبي بعرض وطول
وانا اللي كنت اظن انه على هالحب يبقى لي
توهقت بغرامه لين شلت الخفوق حمول
لاني ماهقيت انه يكون اسباب غربالي
الا ياليت ماحبيت وسقت الحال للمجهول
والا ياليتني ماجيت في دربه ولاجالي
عسى ماهي نهاياتي اكون العاشق المقتول
ضحية حب من هانت عليه يموت له غالي
على الله يامعذبني الاقي للخلاص حلول
وتقضي سالفة جرحي معك يامتلف حالي
منقووله
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صح لسان الشاعر
قصيدة جميلة
كلمات رائعة ومؤثرة
يسلموووو على الطرح
الله يعطيج الف عافية
تحيتي لكم
__________________________________________________ __________
>>>> الرد الثاني :
الله يعافيك بنت زايد شاكرة لكي مرورك الطيب
__________________________________________________ __________
>>>> الرد الثالث :
صح لسان الشاعر ومشاء الله على النقله الجميله من الاخت اميرة روحيتسلملي روحك
مع تحيات: نواف دت كوم
__________________________________________________ __________
>>>> الرد الرابع :
مشكوره اميرة على النقل المميز الله يعطيك العافيه
__________________________________________________ __________
>>>> الرد الخامس :
انا المفتون في حبه ملك قلبي بعرض وطول
وانا اللي كنت اظن انه على هالحب يبقى لي
توهقت بغرامه لين شلت الخفوق حمول
لاني ماهقيت انه يكون اسباب غربالي
،
،
قصيدة رائعه
اختيارك رائع دائمآ اميرة
يعطيك العافيه
كوني بخير
رد مع اقتباس
