عنوان الموضوع : احلى الصدف من شعر الخليج
مقدم من طرف منتديات الضمير العربي
لو الصدف تنشرى والله لا شريها
واعطيك انا كل صدفه لاجل تلقاني
وامسك انا كل صدفه لا جل احاكيها
واقول خلي اللقاء في الوقت الافلاني
احلى الصدف صدفة شفتك انا فيها
من يوم شفتك وانا في عالم ثاني
الله يسامحك في روحي معنيها
من يوم شفتك وانا روحي تحداني
ماانسا ابتسامه من شفاتك تثنيها
ومانسا عيون نظرها ماتعداني
ترميني سهوم عينك وانت راميها
وتصيب قلبي وقلبي كنه الجاني
انت الذي جاني وتهمتك يكفيها
انك شرعت بقطع قلبي وشرياني
القلب من سبتك عيني يناديها
ويقول ماشفتي الي حطم اركاني
والعين ردت بدمعه في معانيها
شوق وترجي لشوفك كيف ماكاني
كل الصدف ضايعه ياوين الاقيها
حسبي على صدفة خلتني اعاني
الي باقوله ياقلب ان مر طاريها
اصبر وخلك صبور والعمر فاني
وان درت انا الارض قاصيها ودانيها
ماضني القى شبيهه بين الاوطاني
من اختياري
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صح السان قايلها و تسلم يمين ناقلها
يعطيك العافيه
__________________________________________________ __________
>>>> الرد الثاني :
صح بدنك مزون شمر ومشكوره الله يعطيك الف عافيه على طلتك الغاليه
تحياتي لك
__________________________________________________ __________
>>>> الرد الثالث :
الله يسامحك في روحي معنيها
من يوم شفتك وانا روحي تحداني
ماانسا ابتسامه من شفاتك تثنيها
ومانسا عيون نظرها ماتعداني
ترميني سهوم عينك وانت راميها
وتصيب قلبي وقلبي كنه الجاني
تسلم الأنامل ويعطيك الله العافية كلمات رائعه تدل على مشاعر جميله وحساسة ورقيقة منتظر جديد مشاركاتك
__________________________________________________ __________
>>>> الرد الرابع :
صح لسان الشاعر
أبيات جميلة
يسلمووو على الطرح
الله يعطيك الف عافية
تحيتي لكم
__________________________________________________ __________
>>>> الرد الخامس :
تسلم اخوي امرءالقيس على مرورك الطيب الله يعطيك الف عافيه
رد مع اقتباس
