عنوان الموضوع : قومي نامي لي متى ... وانتي تقري كلامي - احمد الصانع خليجي
مقدم من طرف منتديات الضمير العربي



قومي نامي
لي متى تقري كلامي ؟؟


ماتعبتي من السهر ؟
يالله
قدامي



وإلا لأ


ما أبي قدامي
أبيك تتغطي بجفني
و بعيوني تنامي


كل شي فيني يهمك
أدري
ودك كل لحظه آكون يمك
يإللي إسمك
غير عن كل الأسامي


تاخذين القلب مني و تاخذيني
وإنت فيني
شلون لو ودي ألمك ؟؟
قومي نامي
إسمعيني ...
مايطوفك شي لا نمتي بعيني



من متى ؟ وعيوني عنك صايمه
من متى ؟ وإنت تبين و ما تجيني


يا حمامة بيت فيني ... حايمه
أفقدك دايم وأدري تفقديني


صرت أحس إنك مشاعر دايمه
مهما غبتي ب المسافه ؟؟ تسكنيني


لو تجين أجوائي ؟؟ صارت غايمه
تجمعين إحساسي فيك و تمطريني


إحلمي بالحب طفله هايمه
و إن صحيتي ؟؟ تسبحي بدموع عيني


موتي فيني دام عشتي ضايمه
وعيشي عمرك يا حياة القلب فيني


يالله نامي لك عيوني عايمه
إنعمت عن شوف غيرك صدقيني


راح أغمض طول منتي نايمه
و السهر موضوع بين العين و بيني


يا صباح الخير و إنت قايمه
هو صباحك ليه يفرق ؟؟ علميني


يا بعد قلبي . و كل من لايمه .
تصبحين بخير و أكثر تعشقيني



النوم ميت عليك و ماخذا ديه
و أحلامك ليا سهرتي تكون ولهانه


وجهك مثل عيد و البسمات عيديه
فديت نظرة عيونك و إنت نعسانه


أقول عاديه لكن منتي عاديه
ملآك نازل علي في صورة إنسانه


نامي وتشوفين أحلى أحلام ورديه
النوم سلطان و إنت بنت سلطانه







جديد الشاعر آحمد الصانع

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اه لي متى
اوف دنيا كلها جروح ومايدري الانسان وين يروح

يسلمو بصراحه شدني العنوان والاشعار احلى واحلى يعطيك العافيه اختي

__________________________________________________ __________

>>>> الرد الثاني :
اختيار جميل
ونقل اجمل
يعطيك العافيه

__________________________________________________ __________

>>>> الرد الثالث :
يعطيك العااااااااااااااااااافيه

اختيارك روووعه

__________________________________________________ __________

>>>> الرد الرابع :
كلمات خرجت عن العادي شاعر يتضح تميزة وانفرادة عن الغير
الكحلاوية... ~
اختيارك كان موفق ,,,
ارق التحايااا

__________________________________________________ __________

>>>> الرد الخامس :
THANKX على المروووووووووووور