عنوان الموضوع : قال بن سالم شعر جميل
مقدم من طرف منتديات الضمير العربي
قال ابن سالم بدأ في راس ماباني
رجم طويل يحود اللاش من دونه
ساعة بديته وشب القلب نيراني
والعين هلت غزيرالدمع محزونه
واليا وطيت المنازل دار جداني
دار العريعربهاالشيبان مدفونه
حلت طليله وحلة عين بستاني
هي كلها ملكنا وهلي يذكرونه
وأمهيض الجاش مني بعد عرباني
صبرت غصب وكن النفس مرهونه
ياطارشي قم وارتحل فوق سيداني
وارد جديد على شفي يجيبونه
سواقه اللي بسيره مايجي واني
مايغدي الوصف لاجود دركسونه
يمشي من بلادنا لابان فجراني
منصاك ربع لمكتوبي يفلونه
سلم عليهم عدد ماهلت امزاني
واعداد ماحج بيت الله يزورونه
الاد خالد واسمهم للعرب باني
هذا جوابي وكل الناس يدرونه
يفرح بهم من نصاهم بالوطن عاني
والباب دايم مبطل مايصكونه
ذباحة الحيل للظيفان كرماني
سلم لهم من قديم مايخلونه
الاد خالد ابن قيس وعدناني
مكتوب في كل تاريخ يفلونه
حريبهم ماينام الليل سهراني
من ذلته في كرى نومه يهجدونه
من قصرشام يحده حله اعماني
ديرة بني خالد والمدح يشرونه
من لابة تجعل الارواح نيشاني
والعمر في حل ماجوبه يبيعونه
والختم صلوعدد ماهلت امزاني
على النبي الهاشمي ياللي تعرفونه
ولكم مني اطيب تحياتي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صح لسانك يالهاجري وتسلم يمناك
تحياتي لك ويعطيك العافيه
__________________________________________________ __________
>>>> الرد الثاني :
نام الغلام وفي الصباح
تسلم لك الايادى كلمات جميله شكرا
وننتظر الجديد
__________________________________________________ __________
>>>> الرد الثالث :
سلمت يمناك يالهاجري
والقصيدة هذي للشاعر عبدالله بن سالم العويض الخالدي رحمة الله عليه
قالها عند مروره بمدينة اجداده العريعر (طليلة)عام 1957م
(بين كل من المراح والعيون) بمحافظة الاحساء حاليا
عند رؤيته لبقايا اطلال اجداده وقبيلته
وشتاتهم وبعده عنهم و فراقهم ..
__________________________________________________ __________
>>>> الرد الرابع :
تعيش يدك اخوي الهاجري على النقل الرائع
تقبل مروري اخوك لحن المفااارق
__________________________________________________ __________
>>>> الرد الخامس :
رد مع اقتباس
