عنوان الموضوع : شعر عراقي على وزن زهيري هذا وزن عراقي اقرو او ان شالله يعجبكم خليجي
مقدم من طرف منتديات الضمير العربي
بسم الله الرحمن الرحين
جايبلكم اليوم اشعار عراقيه شعبيه ان شالله تعجبكم
بقلمي هذا الشعر او ابيات شعريه تلفض او تنقري على المواويل
...
سألوا تعرف الفرح لا جاوبت معرفه
وسالوا تعرف الحزن اى جاوبت معرفه
من حيث شاعر صرت وادري الشعر معرفه
ومختص فقط بالحزن غير الحزن مكتبه
واسبابه عندي جرح ما سد ابد مكتبه
وشكبان منه الألم يمكن واظن مكتبه
وديوان دمعي انطبع دار النشر معرفه
......
تخزرني خزره غضب ترفع علي حاجبك
وباالله ارد اسئلك عني منو حاجبك
انبده وياك بوفه موطامع وحاجبك
ياصاح انا اعتبر حبك الي ملك
تلعب عليه لعب مايوم كلبي ملك
وفوك البشر ياترف صرت بجمالك ملك
مادام صرت الملك خليني انا حاجبك
...
يا صاحب ابدنيتك كلي شحصل وشجره
وحبل الموده منهو الي كطعه وشجره
كلمن رمى صاحبه بنار الهجر وشجره
وحط بركبته حبل بس ياحبل من مسد
وانفتح باب الغضب وماظن بعد من مسد
لو يبقى هيج الحجي وراس الحجي من مسد
مايبقى عايش بشر فوك الأرض وشجره
.............. هذا الزهيري على الوطن ............
احسب جروح الوطن لاتحسب اجروحك
لاتنطفي كل الحطب بالشرف وج روحك
ونراد كاس الوطن يسجيك فج راحك
حبل الوطن من ينكسر شدة
لابد يصيبك عسر گبل الوصل شدة
حايط ضلوعك على ساس الوطن شدة
او جرح العراق ان نزف لاتبخل ابروحك
.............وهذا للشاعر العراقي الكبير عريان سيد خلف .......
يادمعة العين سارت على الخدود وجرت
ومثلي على الناس ماصارت مصيبة وجرت
والنار ياصاحبي شبت بالدليل وجرت
اطول يد النذل انا اكصرت يدي
وجرح هذا الكلب يا هالربع يدي
ليش ماتراعون حك للمصطفى يدي
معلوم مذنب انا لكن ماطغيت وجرت
.....................
واهل الشرك والحقد هذا الامر لافته
لتخاف احجي الصدك دك عالصدر لافته
يلماتكول الصدك ابتعد عني وولي
واضح ومثل الشمس هالامر الكم وألي
وانشدت اهل العكل ياهو بمكانه ولي
ردو عليه علي وغيره ابد لافتى
.............
اعرف حقيقة علي واتمعن بواقعه
جم معجزه ومعجزه تشهد اله وواقعه
ان جان ربنه اذكره بالدهر والواقعه
جا ليش ياهالبشر لشخص الولي تقارعه
من عنده اخذ العلم لاترمي عالقارعه
اقسم بكل الرسل والنبأ والقارعه
بس حبه يشفع لنه لو حلت الواقعه
بقلمي
ان شالله تعجبكم
تحياتي للجميع
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مشكور اخوي ويعطيك الف عافيه
__________________________________________________ __________
>>>> الرد الثاني :
الله يعافيك اخوي الغالي
تحياتي الك
__________________________________________________ __________
>>>> الرد الثالث :
أبيات جميلة
يسلمووو على الطرح
الله يعطيك الف عافيه
تحيتي لكم
__________________________________________________ __________
>>>> الرد الرابع :
الله يعافيج اعيوني بنت
تحياتي الج
__________________________________________________ __________
>>>> الرد الخامس :
الاخ حمودي الموسوي
اخترت بحر من الزهيريات
معانيها كبيره جدا....
سلمت على ما أغصت به
واخترت تلك المعاني...
كأنها الدر الصافي..والجوهر النقي
سلمت على هذا النقل المميز وتقبل مروري بود
اخيك الصقر الجائع 29
رد مع اقتباس
