عنوان الموضوع : قصائد العليوي من شعر الخليج
مقدم من طرف منتديات الضمير العربي

مجموعة قصائد للشاعر عبدالله العليوي رحمه الله



ياليتني ماشفت زولك ولا جيـت
دربك ولا شافت عيوني عيونـك
ليتي معك بالمعرفة مـا تماديـت
ليت الظروف وسود الأيام دونـك
من قبل أشوفك ليتني عنك صديت
قبل تمكـن بالضمايـر طعونـك
الوقت ما جالي على مـا تمنيـت
خلن بحالي ما ترجيـت عونـك
يا زين من طول المشاوير مليـت
يا مشغل قلب شقا فيـك هونـك
وين أنت أنا لك تالي الليل ناديت
حتى السهر ماله حـلاة بدونـك

.............................. ............

مما راق لي

محاولة نسيـان حبـك وطاريـك
أكبر خطاء فكرت به في حياتـي
حبك سطابي حطني بين أياديـك
صار إندفاعي لك من أبرز صفاتي
ابيع كل الناس يازيـن وأشريـك
وشوف في نظرة عيونك غناتـي
ليت الهموم تصيب قلبي وتخطيك
ما اقول قلي من يسوي سواتـي
يزداد حبـي لـك بزايـد تغليـك
حسيت إني فيـك حققـت ذاتـي

.............................. .
لا تزيد الجرح ماقصـر زمانـي
شايل بالقلب أحـزان السنيـن
لاتزيد الجـرح مافينـي كفانـي
لا تصير اليوم مع وقتي معيـن
ياحياة الروح ربي بـك بلانـي
بالحشاء لك جرح يالغالي مكيـن
في زمان فات يالغالـي ترانـي
أخفي الأحزان والعبـرة تبيـن
مندفع لك جيت شوقي لك حداني
جيت أبي نظرات عطفك والحنين
عمري اللي ظاع باحلام وأماني
شوفتي لك يوم والفرقا سنيـن
.............................. ...........

الصيف قرب وا عذابي من الصيف
يبي يروح الزين ماعـاد ينشـاف
لا غاب عن عيني حسين التواصيف
عز الله إني للشقاء صرت ميـلاف
العام جرحي داخل القلـب ماشيـف
واليوم أخاف جروح فرقاه تنشـاف
قلبي معه والدرب يمـه صواديـف
ليته بجنبي كان ما عنـدي خـلاف
ياصيف ... لا تبعد قلوب مواليـف
ارفق ترى قلبي على جال ميهـاف
في بحر حبه مـا تفيـد المجاديـف
انشهد ان الـدار لا غـاب تنعـاف

.............................. ........
ذكرتني حبك وأنا أقول ناسيـه
جرحت جرحك يوم قرب يطيبي
في شوفتك شديت قلبي لماضيه
يوم أنت عني ساعة ماتغيبـي
يا للي تلوم القلب بفراق غاليه
ليتك بدنيا الحب تأخذ نصيبـي
تمشي بدرب ما تحسب تواليه
ماتدري إنك بالنهاية صويبـي
تذكر حبيب راح تبكي لياليـه
دار الزمان وكل شمس تغيبـي
بيديه قلبي يا عرب كيف أخليه
من حبه الظالم تعـذر طبيبـي
.............................. ........

خايف عليك ومنك بالحيـل خايـف
عزي لقلبي يجمع الحـب والخـوف
خليت قلبي والشقـاء بـك ولايـف
قلبي عمى وش عاد لو عيني تشوف
عمري قضى ماقلت لك واحسايـف
عندي نهايه درب الاشواق معروف
جرحت قلبي يـا عديـم الوصايـف
ماظن تشرح ما بقلبي لـك حـروف
قلبي لغيـرك لـو تغليـت عايـف
حبك ملك قلبـي ونسانـي الخـوف

.............................. ......

ما بقى بي حيل للجرح الجديد
جرحك اللي فات توه مابـرا
صارت الأيام مثلـك ياعنيـد
عن جروح القلب قلبك مادرا
من خطاك العام حاول تستفيد
وادفن الذكرى القديمة بالثرا
يوم قلبي عنك مايبعد بعيـد
وأنت قلبك بالهوى باع وشرا
ليت من ينساك في حب جديد
ليت حبك ما على بالي طـرا
..............................

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يعطيك الف عافية على النقل الذوووق يالبارق
ننتظر جديدك بكل شوووق
تحياتي

__________________________________________________ __________

>>>> الرد الثاني :
الشاعر عبدالله بن عبدالعزيز العليوي رحمة الله عليه
من شعراء المتميزين المعروفين
وسبق ان وضعت له ديوان في قسم الدواوين
بارك الله فيك على طرحك الراقي المذهل

__________________________________________________ __________

>>>> الرد الثالث :
عوافي ع الطرح

__________________________________________________ __________

>>>> الرد الرابع :
المشاركة الأصلية كتبت بواسطة أوراق الخريف يعطيك الف عافية على النقل الذوووق يالبارق
ننتظر جديدك بكل شوووق
تحياتي




مشكوره على المرور

__________________________________________________ __________

>>>> الرد الخامس :
المشاركة الأصلية كتبت بواسطة طير القوافي
الشاعر عبدالله بن عبدالعزيز العليوي رحمة الله عليه
من شعراء المتميزين المعروفين
وسبق ان وضعت له ديوان في قسم الدواوين
بارك الله فيك على طرحك الراقي المذهل




مشكور يالغالي