عنوان الموضوع : خلقت في الدنيا وأنـا ما معـي شـي .. قصيدة رائعة
مقدم من طرف منتديات الضمير العربي
من أجمل ما قرأت في الشعر
سجه مـع الهاجـوس طبيعـة لـي
طبيعـة بمـوت ماجـزت عنهـا
أشكي على الخلاق وارفع لـه إيـدي
لاكثـرت الأفـكـار يـفـك منـهـا
أما الكرم قد فـاز بـه حاتـم الطـي
حتى الفرس من شان ضيفه طعنهـا
خلوني أكرم في حياتـي وأنـا حـي
ولامت مـدري جثتـي مـن دفنهـا
خلقت في الدنيا وأنـا ما معـي شـي
وبروح منهـا مامعـي شـي منهـا
مسكين ياللي تحسب الواجـد شـوي
والعافيـه لـو تنشـري وش ثمنهـا
يا جاهـل الدنيـا تراهـا كمـا الفـي
يا مخبل اللـي فـي حياتـه ومنهـا
إن ناحرت لك قامت تـروح وتجـي
مثل الذلـول اللـي طويـل رسنهـا
وإن أدبـرت خلتـك طايـح ومرمـي
وكم واحـد لـه حاجـة ماضمنهـا
لابد ما نرحـل عـن المـزح والغـي
ونسكن بيـوت قبلنـا مـن سكنهـا
النفس مثل الغصن عايش على الـري
ولولاه كـل النـاس عافـت وطنهـا
يالله عسى الحسنات تقضي على السي
لاقربـوا للنفـس ذرعــة كفنـهـا
للشاعر /
مبارك بن فايز البخيت آل محمد السبيعي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
قصيدة قمة الروعة
وذوق راقي يالغلا
لك ودي
__________________________________________________ __________
>>>> الرد الثاني :
طرح رااائع واكتر من رااائع
اشكرك غاليتي
ودي واحتراامي..
__________________________________________________ __________
>>>> الرد الثالث :
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
