عنوان الموضوع : عينك بعيني حطها لاتكلمت هذا عقابك اني لاشفتك اذوب / بقلمي .. انثى الخيال
مقدم من طرف منتديات الضمير العربي

روايتي الثانية:

عينك بعيني حطها لاتكلمت .. هذا عقابك اني انا لاشفتك أذوب


عينگ بعينيـــ حطها لاتكلمتـــ
هذا عقابك اني لاشفتك أذوب
تراني في حبك بهيامي تعلمت
اني احب دربك من بينــ الدروب
واني أموت بـــ فرحتك لا تبسمت
وأعاقب البرد مـــع حـــرك يــشــوب

......

هذي هي ليلتها السودا
اللي لابسة فيها فستانها الأبيض المليان لؤلؤ ومحليها ابتسامتها الصناعية وتمشي بداك الكعب اللي ماتدري شلون ماطاحت به وتمشي في ذيك القاعة اللي الكل يطالعها فيها وهي سيدة هذا الحفل
اللي ماله اي طعم بالنسبة لها هو مجرد يوم وبينتهي وهي في بيت غير ماراح تكون على ذمة أحد غيره هو
لهدرجة يبيعونها
حاسة بألم وحقد وكره عاللي يصير لها ما تتصور كيف عمها فكر يزوجها غصب بعد موت ابوها تبي تصرخ وتبكي بس مافي فايدة هل راح تصير عانس زي اول .. هل بترجع لحياتها الطبيعية .. لا
...
جلست على الكرسي بحزن ترسم ابتسامة خفيفة مزيفة
جا الكل يبارك لها ويبارك له

وأخيرا وصلت لذيك الشقة
دخلت وهي تتأملها
كانت الارضية سيراميك على شكل خشب مفروشة فوقها السجادة البيج بالخطوط البنية الضعيفة مع الكراسي البيج اللي تزينها الزخارف البنية وعلى الجدار المصبوغة بالبيج تلفزيون بلازا كبير شوي والطاولة الزجاجية الشفافة اللي فالنص تعطي جمال لذيك الصالة
أسماء بنفسها:من جد حلوة
دخلت لذيك الغرفة وخافت لما شافت السرير بتجلس وياه هنا وتنام هنا
كانت بتتراجع بس تماسكت

أعرفكم عليها
أسماء جميلة شفايفها وردية وعيونها بنية انفها حدة السيف شعرها اسود لي نص ضهرها بشرتها بيضا عمرها 19 مرحة

عبدالعزيز جميييل يطيح الطير من السما احيانا بارد واحيانا عصبي يعني متقلب المزاج عمره 25 لكنه فنفس الوقت طيب القلب واذا عصب مايشوف شي قدامه

...

راحت الحمام تبدل ولبست بجامة ساترة
أكمامها طويلة
اما اللي اشتروه البنات عطته أختها الكبيرة لانها تحب الكشخة ومابتقول لاحد
طلعت من الحمام وجلست على الكرسي
عبدالعزيز ببرود:مابتنامين
أسماء بدون نفس:مافيني نوم
عبدالعزيز تعمد يتكلم بهمس مسموع:توفرين
أسماء بهمس:أصلا وجهك يجيب المرض اجل كيف بتصير النومة وياك
عبدالعزيز:نعم
أسماء:ولاشي ولاشي سلامتك نام
عبدالعزيز انسدح مسفهها
أسماء قامت
عبدالعزيز باستغراب:وين رايحة
أسماء بحقد:اشرب ماي
عبدالعزيز:طيب روحي
أسماء راحت وبتحلطم:على أساس باخذ إذنك لابروح وعععع هذا اللي ناقص
شربت ماي وجلست على الكرسي وبدون ماتحس نامت
قامت من النوم وهي على السرير:وش جيبني هنا
عبدالعزيز:ليه نمتي على الكرسي
أسماء:بس لأني دخت وبدون ماحس نمت ولا صرت انت رئيس النوم وانا مدري
عبدالعزيز:لابس انتي قلتي بشرب ماي ماقلتي بنام
أسماء:مالك دخل
عبدالعزيز:يالله جهزي أغراضك وشنطتك
أسماء بفهاوة وهي تتثاوب:لبيه اقصصصد ليه
عبدالعزيز:بلا غباء كل زوجين لازم يروحون لشهر الشعسل تبعهم
أسماء:لا وبعدين انا ماشفت اهلي وسيدة مني و الطريق
عبد العزيز:ومن قال اننا مابنشوفهم
اسماء ببراءة:انا ابي اختار وين نروح
عبد العزيز بطفش:ويين
اسماء ببراءة:بيتنا
عبدالعزيز:بتقومين ولا شلون
أسماء بعناد:لا
عبدالعزيز حملها ونزلها:يالله قدامي بدلي
أسماء:بنفس عنادها
عبدالعزيز:اسمعي يابنت ان ما سمعتي الكلمة بتشوفين شي مايعجبك
أسماء بتأفف:افففففف طيب
عبدالعزيز:عروس وكنها عجوز
أسماء بحقد:بالأول صير معرس ... وهربت للحمام
عبدالعزيز بصراخ:اراويك
أسماء:انا ماقلت شي يعصب وجع محترقة حمصتك
عبدالعزيز وهو يجلس:احترميني انا زوجك
اسماء بسخرية:ونعم الزوج
عبد العزيز:وغصب عن خشمك
لبست لبس عبارة عن بلوزة حفر باللون الوردي الغامق عليها رسومات بللون الرمادي الفاتح وفوقهم جاكيت رمادي خفيف وبنطلون جينز اسود وحطت لها ميك اب خفيف عبارة عن مسكرا وبلاشر وردي مع روج وردي وحطت من عطرها المفضل فورايفور ديور
.......
طلعت من الحمام واخذت عبيتها من الشماعة
عبد العزيز:لاااااا كان تاخرتي زوود يا ست اسماء
اسماء:وجعع ما اخذت الا خمس دقايق
عبد العزيز:واحنا مانبي نتاخر
اسماء:وليكون انا تاخرت الخمس دقايق هذي اللي انت تتكلم عنها انت تروح وتغسل اسنانك وتكمل فيهم بعد وجعع
عبدالعزيز:هذي وجع مو موجودة بقاموسي .. ان ما احترمتي نفسك مرة ثانية بتشوفين شي مايعجبك ابد
اسماء:اقول لايكثر .. ولبست شيلتها ةتلثمت ونزلت .. سلمت على مرت عمها وطلعت
.............
ركبو سيارتهم وطبعا عبد العزيز يتسبب
عبد العزيز:مرة ثانية لما اكون معك لا تقلين ادبك
اسماء:نععم ومن انت اصلا
عبد العزيز رد بثقة:زوجك
اسماء:لاتنسى ان عمي جبرني عليك .. اصلا وجودك فحياتي والعدم واحد
عبد العزيز بكذب:وانا مجبور علييك مثللك
اسماء:مدامك مجبور علي مثلي ليه هاللف والدوران الحل بين أياديك
عبد العزيز:ان جبتي سيرة الطلاق لا والله بتشوفين شي مايعجبك
اسمء بهمس:مالت بس لاتجيبين سيرة الطلاق مفكر متزوجين عن حب مالت بس
عبد العزيز:اييش
اسماء:ولاشي
...............................
وصلو لبيت ابوها وشفت عمامها الاثنين موجودين
هيثم و سعيد

هيثم:عمره 21طيب ويحب الكل لكن اذا عصب مايشوف شي قدامه .. عيونه بنيه وبشرته برونزية ومررة نحييف لكن اللي يشوفه يخقق
سعيد:ضالم وهمه مصالحه عصبببي حييل وكلمته تمشي عالكل عمره 40 ومتزوج .. والمصيبة العضمى انه مسكن زوجته في بيت مو بيته وعاادي عاايش الجو
رؤى:زوجة سعيد طيوبة وحبوبة وتكرهزوجها لحد العمى ورغم كل ذالك مجبورة علييه وهي اصغغر منه بعشرين سنة عمرها 20 وماجابت منه عيال رغم محاولاته انه يلمسها بس ما نجح
نيرمين:ثالث اكبر خت جميييلة بشرتها بيضا وعيونها بنية شعرها لنص ضهرها بس مو نااعم لذاك الحد عمرها 18
وتين:عمرها 17 جمييلة بشرتها حنطية شووي بس جمالها يغطي كل شي عيونها عسلية وشفايفها وردية شعرها لاخر ضهرها وناعم نحيفة بس مو ذاك الزود
ونين وتولين:تؤأم عمرهم 16 يتشابهون بس فيه فرق بينهم
ونين:هادئة نوعا ما شعرها لنص ضهرها عيونها عسلية فاتحة وشفايفها وردية تحب الهدوء منطوية نوعا ما
تولين:هببببببلة ودايم تتكلم ماتسكت بس هي اقرب وحدة لخواتها واجمل وحدة فيهم عيونها بنية وشفايفها وردية شعرها لاخر ضهرها ومررررة نحيفة بشرتها بيضا تاكل تاكل ماتمتن
.....................
اسماء سلمت عليهم
رؤى ببكي:بتوحشيني
اسماء ضمتها:وانتي اكثر
تولين:اسمااء احبك لاتتركيني
سعيد:ععساها روحة بلا ردة
تولين بهمس سموع:وياااك قل امينن
سعيد ما سمعها:اييش قلتي
تولين:اناااا .. يش قلت انا ماقلت شي
عبد العزيز كتم ضحكته لانه سمعها
ونين:احمدي ربك ماسمعك
تولين بنفس الهمس:قلعة تقلعه من هالدنيا .. استغفر اله بس
......
اسماء وعبدالعزيز راحو وبعدها البنات راحو لمدرستخم الخاصة

في ذيك المدرسة الخاصة للمتوسط والثانوي
جلست تولين لحالها بملل
بصف ثالث متوسط
جت جنبها بمرح:كيفك
تولين:مو زينة
وتين:لاااااا ليه
تولين:وتين روحي صفك انقلعي عني
وتين:توتوتو مايصير كذا عيبب
تولين:اففففف حتى في الفسحة الواحد مايرتاح
وقامت
حست أنها صدمت باحد
فيصل:وجججع مادري ليه بعض البنات يتعمدون يفعلون هالاشياء
تولين ابتسمت بسخرية:انا من بين كل الناس مابفكر فيك لأنك واحد شايف حالك ولان البنات هنا ميتين عليك بس بين نضرات البنات انت بنضري ولاشي .. مغرور وشايف حالك يييييع ورغم كل ذا تتفاخر بفلوس أبوك وكأنك تاعب على شي بس يلا شوف الدلال الزايد وين يوصل
ابتعدت عنه وهو بقمة العصبية والصدمة هذي قده وقالت ذا الكلام لو كانت اكبر منه شبيصير
فيصل:من جد قلة أدب
محمد:ها فيصل شفيك
فيصل بنرفزة:ولاشي
محمد:اعرف ان فيك شي
فيصل:شفت ذي البنت
محمد شهق:كان عرفت انك معجب فيها
فيصل ضربه على راسه:مو كذا ياغبي هي ... وقاله كل السالفة .. انا فيصل ولد أبوي تجي ذي وتهينني
محمد:لها الحق جاي لها رافع خشمك تقول اعرف حركاتكم ترى ذي البنت كانت تدرس معي ماتحب اللي شايفين عمرهم أبد وانت أصلا مالك حق تعصب رافع الخشم وتقول اعرف حركاتكم ماتبيها تعصب أصلا ذي من البداية ماتبغى تجي هنا وتبغى تطلع عشان كذا على اقل حركة تعصب
فيصل:تحس كذا
وحس ان اثنين ضاربينه على راسه:أكيد يافاهم
فيصل:وجع يوجعك انت وياه .. الا انت شعليك
فارس:علي ثياب بعد شعلي
فيصل:هاهاها سامج
فارس:سامج ولاسخيف
فيصل:انا قايم عنك يامجنون
فارس:مجنون بهواك
فيصل:من جد مجنون

..

يارا:تولين تولين آآآآه يا تولين شوفي فيصل جميييييل
تولين:وييييع
تارا:من جدك انتي
وتين:انا مع اختي ويع ويع ويع
تولين:مصدق حاله وشايف نفسه الكل بالكل وهو مايقدر يخترع ذرة صغيرة من اللي قدامك
وتين:ورغم كل ذا البنات ميتين عليه
الهنوف:من جد واللي قاهرني اكثر رغم انه الحين المفروض بأول متوسط راسب رافعينه ثالث على أساس انه شاطر
تولين:تخيلي إحنا نتعب ونسوي وهو حاط رجل على رجل وينجح هذا مو عدل
تارا:بالعكس فيصل يذوووب
وتين:ترى من جد هو يذوووب
الهنوف:لا ابد
تولين:مايذوب ولاشي أصلا هو عادي
ونين:وثانيا تشوفينه ميت عشان وحدة صدم فييه الاولاد كلهم كذا
الهنوف:وانتي الصادقة
نيرين:سدو هالسلفة وجعتني اذني
ونين:طيب كفاية حش و يلا قول عن .... قاطعها صوت الجرس صوت الجرس
تولين:يالله الهنوف تعالي الصف
ونين:وانااا مافييه لاعزيمة
تولين بضحك:يلا تعاللي انتي الثانية
دخلو الصف
التعريف
الهنوف:اجتماعية وهببلة وداااايم تتكلم جميييلة بشرتها حنطية وعيونها بنية وشعرها طوييييل لاخر ضهرها 16 سنة زي تولين تحب الاكل تاكل تاكل ماتمتن
تارا ويارا:تؤام يموتون على شي اسمه موضة .. أزياء .. كشخة .. وسوالف البنات .. جمييلات عيونهم عسلية شعرهم لي تتحت رقبتهم اول ثنوي 15

فيصل:شايف حاله بفلوس أبوه ومغرور جميييييل بشرته برونزية وعيونه بنية انفه حاد حدة السيف ثالث متوسط 16

محمد:صديق فيصل الروح بالروح وطيب ومايحب يغلط في حق احد ثالث متوسط 16

فارس:طيب ومرح يحب يمزح ويعمل مقالب بالأولي والتالي اول ثنوي 17

..

:هييييه انتي هنا اسمعي حبيبتي فيصل لي لاتقربين صوبه فاهمة

تولين:من حلاة فيصل شكل القمل اللي في راسه عاداكم وصرتو مثله ييييع
الهنوف:أنتو ليه تتسببون .. تولين مخبية عني شي
تولين:هو مو مهم مجرد هواش بيني وبينه
الهنوف:وهذا الهواش بيتحول لكارثة بين البنات
تولين:خل يولون انا ماسويت شي
قاطعهم دخول استاذ الرياضيات
الأستاذ:يلا اجلسو نشرح الدرس .. من يحل لي ذي المسألة
الكل منزل يده وبدا ينام وتولين والهنوف وفيصل رافعين يدهم
فيصل عناد فيها رافع يده يدري الأستاذ مابيقومهم
الأستاذ:غير تولين والهنوف
تولين بصوت عالي شوي:أستاذ أستاذ 150
الكل رفع يده
تولين طالعت فيصل ببتسامة
فيصل بسخرية:شايف حالك يافيصل وهي تبتسم لك خطها على قائمة المعجبين
الاستاذ:يالله فيصل قوم
فيصل ببتسامة وهو يقوم:150
الاستاذ:غللللط
الكل نزل يده
تولين طالعت فيصل بسخرية وقالت ببتسامة وهمس مسموع:ياحرام لعبو في اللي ماينلعب. عليه هههههههههههه
الاستاذ:تولين جاوبي
تولين:1235
الاستاذ:صح صفقو لها
الهنوف بهمس:الكل حاقد عليك
تولين:محد قال لهم يرفعون يدهم وهم مايعرفون الاجابة ولييه يثقون بجوابي
ونين وهي تضحك:هبللة

...
ركبو طيارتهم المتوجهه لباريس واسماء خايفة حيل
عبد العزيز سكر جواله بس اسماء ماعندها جوال
عبد العزيز:اربطي حزمك
اسماء بغباء:اي حزام ؟؟
عبد العزيز:ياهبلة حزام الامان
اسماء ببراءة:ما اعرف
عبد العزيز:لانك غبية مدري لييه اللله بلشني بك
اسماء كتمت دمعتها وردت بقهر:والله عاد انا ماجبرتك نك تجيبني لهنا انت اللي جبتني صب عن خشمي واصلا انا ولا مرة ركبت طيارة اووك فلا تحاسبني لو سمحت
عبد العزيز ربط حزامها وبعد مدة طارت الطيارة واسماء تمسكت بعبد العزيز بخووف
عبد العزيز ناضرها وابتسم
اما اسماء حست على نفسها وتركت يده
...

في الليل الساعة 8:00

يعيشون بكآبة بهذا البيت
طول وقتهم غسيل وشغل وتعب
يمشون على ذيك الأيادي بدون رحمة


(تولين .. وتين .. نيرمين..ونين)

نيرمين:آآآآه تعبت
وتين:وانا نفس الشي
ونين:لوبيدي اخذت سعيدوه الخايس وقطعته لاشلاء صغيرة وطبخته على العشا
تولين بمرح:بالعكس التنضيف متعة
نيرمين:انتي مجنونة تعب + تعب + تعب .. كرف x كرف x كرف .. مع هالكافر عمك
ونين:وعايش جوه وكأن البيت بيت ابوه وهو مادفع ولا فلس
وتين:ورغم كل ذا شايف حاله أصلا حتى البيت مو بيته وجالس يتحكم
تولين:ذا بيتنا ومن واجبنا ننضفه
نيرمين:مو كذا بطريقة مفرطة
ونيين:وععععععع ولو زين يحس انه شيبة ويطلق هالمسكينة
نيرمين:كريييه
تولين بحنان:طيب اجلسو وانا بنضف عنكم
الثنتين ضموها:فدييييتك
تونين:لا يابنات تولين بتتعب حتى لو انكم تعبانات حتى هي تعلانة
تولين:بس
نيرمين:لا ياتولين صح كلام ونين حتى لو انتي بتتعبين وفالنهاية الشل شغلنا احنا
وتين:يلا يابنات كل وحدة تكمل شغله
الثلاث:حاضر ابلة
بعد ماكملو ركبو البنات لفوق
جمعوا الأغراض و الوصخ .. القاير اللي يدخن فيه عمهم >> شيحس فيه لما يتنفس مايشم ريحة خيااس وووع
تولين:بنات تعالو
الثنتين:وش ناوية فيه
تولين:.......

انتهى البارت
توقعاتكم
وش ناوية فيه تولين ؟؟
فيصل لمن يقرب؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تم تعديل اشياء فالرواية وتحسينها

كاتبتكم .. انثى الخيالــ

__________________________________________________ __________

>>>> الرد الثاني :
ما ششششاء الله
ابداااااااع
تسسسلم دياااتك
ومنظرينكككككك
يعطيكي ألف عافيه

__________________________________________________ __________

>>>> الرد الثالث :
يعطيك العافية استمري !!

__________________________________________________ __________

>>>> الرد الرابع :
المشاركة الأصلية كتبت بواسطة انثى الخيال منقول من منتدى .....
تم تعديل اشياء فالرواية وتحسينها
كاتبتكم .. انثى الخيالــ





مو مكتملة في المنتدى الثاني بعد

__________________________________________________ __________

>>>> الرد الخامس :
لاني انا الكاتبة نفسها
بس هنا تغيرت للافضل