عنوان الموضوع : الله يعلم شو صار لي مسلمة الامارات
مقدم من طرف منتديات الضمير العربي
بخبركم سالفتي الي صارت لي امس كالعادة أسهر لين الفير وأنام لين العصر
الساعه 4:00 نشيت جفت الساعه قلت برقد خمس دقائق فجأة نشيت تلفوني كان جدامي ابي اجوف الساعه حركت ايدي ابي امسك الفون لقيت ايدي دخلت بلفون وما اروم امسكه اقول شو السالفة ارد امسك الفون اجوف انه ايدي تعبر خلال الفون أحاول وتعصر وامسك أعصابي اقول شو يصير الاحض عدل الا وايديه الاثنين اجوفهم جدامي عيل اكيد احلم انش وأقول انا ما احلم نشيت الا ولقيت نفسي عالسرير خفت قلت شو صاير أحاول أتكلم أنادي ريلي ما اقدر ماشي صوت ولا اقدر احرك شفايفي حتى بس كأني اكلم روحي أدور بالحجره خايفه انا مت وقلبي يدق بسرعه وقاعده اقول ابيه انا ما مت انا هني والله ما مت اخاف ريلي اي ويجوف جسمي ويقول أني مت ويسيرون يدفنونيً لأاءً مستحيل أموت ارجع ع الشبريه ارد أحاول امسك الفون أحاول وأحاول مافي فايده بدئت اقول وين ملاك الموت بسم الله ما اقدر اجوفه اخاف ما صليت لا الظهر ولا العصر شو اقول لربي لألا انا اكيد ما مت اقرا المعوذات وأحاول امسك الفون لااااااء انا ما احلم انا صدق اقص ع عمري الحين مافي شي ينفعني انا بس روح احين بيون بيشلوني وبيغسلوني وبتم بالقبر روحي وقلبي وخايفه موت ياريت لو بس ارد اصلي الظهر والعصر ياليت لو صليتهم ع الاقل اخاف اكيد احلم بس لاء هكي انا ناشه يلست ع الطرف افكر احين ملاك الموت بي ارد ع السرير وأدور اقول ابيه شو اسوي ارد أحاول امسك الفون اقنع نفسي أني ما مت بس لا حياة لمن تنادي ابيه يعني جي الاموات يكونون موجودين بس محد يسمعهم تميت ساعه كامله انا ع هالحال فجأة سمعت انه حد دخل البيت نشيت ومسكت الفون بين ايدي انا انا اناعايشه ما صدقت انش اجوف احرك الفراش هي احركه مسكت الفون لقيت الساعه 5:00 صارخت أناديهم اقولهم أني مت بس رجعت وانا أصيح اخاف ومو مصدقه أني رجعت ما صدقوني قالو حلم بس محد بيصدقني بس اعرف انه ها إنذار لاني كنت
ف الحمل ااخر صلواتي وايد غير قبل انش الفير واصلي قيام الليل والحمد الله أنه ربي رد لي روحي بعد ما آماتني واليه النشور صدق يوم اي الموت فجأة هل أني مت ورجعت ولا كان حلم ربي الي يعرف بس الحمد الله أني عايشه عشان اصلح أغلاطي صدق الانسان ضعيف وكل نفس ذائقة الموت فليل بعد ما رمت أنام أصيح صليت قيام وقريت قران بس صدق حسيت براحه ماحسيتها من قبل والله الا الصلاة لاتهملونها انا كتبت قصتي عشان تصحون وما تهملون صلواتكم ومو بس الصلاة دامنا عايشين خنيمع حسنات للاخره والله صدق الدنيا ولاشي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يالله خوفتيني الا الصلاة عماد الدين والسهر مو زين مرررررررره تتوهمين اشياء مو حقيقيه انااا عانيت من السهر بس الحمدالله صرت اناااام بدري واقوم في الصباح احلى شي والله قومت الصباح
__________________________________________________ __________
>>>> الرد الثاني :
__________________________________________________ __________
>>>> الرد الثالث :
المشاركة الأصلية كتبت بواسطة مندوبة جدة
يالله خوفتيني الا الصلاة عماد الدين والسهر مو زين مرررررررره تتوهمين اشياء مو حقيقيه انااا عانيت من السهر بس الحمدالله صرت اناااام بدري واقوم في الصباح احلى شي والله قومت الصباح
الحمدالله
__________________________________________________ __________
>>>> الرد الرابع :
المشاركة الأصلية كتبت بواسطة تخفي هيامك
سبحان الله و الحمدالله
الحمدالله
__________________________________________________ __________
>>>> الرد الخامس :
الحمدالله اللي صارلج اشوفه شي زين لانه مثل صفعه توعي الراقد و تنبه
والله يهدينا جميعا
رد مع اقتباس
