عنوان الموضوع : شو اسوي لطالباتي بمناسبة العام الجديد؟؟ تعليم الامارات
مقدم من طرف منتديات الضمير العربي
السلام عليكم ورحمة الله وبركاته
عندي طالبات في المرحلة الثانويه .
ومحتاره كيف ابدأ العام الدراسي اليديد وياهن ..
ابا اسوي توزيعات حلوة ومب مكلفه لانه انا ادرس 3 فصول ..
واذا ماصارت التوزيعات اريد اسوي شي للمدرسه نفسها اممم اي شي يبين الاحتفال بالعوده للمدارس ..
فكرت اسوي بروشور بس خل نكون واقعيين لان البنات اصلا ما بلتفتون لها ولا حتى بيقرونها وبيكون مصيرها الزباله وانتوا بكرامه ..
فكروا وياي بلييز..
ولكم الاجر بإذن الله..
ا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
امممممممم ليش ماتسوين بوربوينت حق البنات تتكلمين فيه عن السنه اليديدة مثلا .. أو اول حصة تخلينها circle time .. تيلسين فيها ويا البنات ع الارض في اخر الصف وتتكلمون فيها عن الاجازة وشو سويتوا.. منها البنات يتعرفن ع بعض وانتي تاخذين انطباع عن كل وحدة..
اما البروشور حلوة فكرته لو كانت حق المعلمات .. شو رايج؟
__________________________________________________ __________
>>>> الرد الثاني :
قدمي لكل وحده بطاقه صغيره مكتوب فيها
:- انثري غبار السنه الماضية وابدأي من جديد
وفيها ملزقه حلاوه
هذي فكرتي
__________________________________________________ __________
>>>> الرد الثالث :
المشاركة الأصلية كتبت بواسطة ميثة
امممممممم ليش ماتسوين بوربوينت حق البنات تتكلمين فيه عن السنه اليديدة مثلا .. أو اول حصة تخلينها circle time .. تيلسين فيها ويا البنات ع الارض في اخر الصف وتتكلمون فيها عن الاجازة وشو سويتوا.. منها البنات يتعرفن ع بعض وانتي تاخذين انطباع عن كل وحدة..
اما البروشور حلوة فكرته لو كانت حق المعلمات .. شو رايج؟
فديتج ميثا
هو طبيعي اول حصه او بعد ثاني حصه ما بعطيهم شي وبنيلس ندردش ..
بخصوص البور بوينت فكرته حلوة بس افرضي غرفة المصادر ماكانت جاهزة اول يوم ؟؟
بيتاخر عرضي وبعدين بيكون وراي منهج لازم ابدا فيه ..
اشكرج الغلا واتمنى لو تساعديني بافكار ازيد ..
__________________________________________________ __________
>>>> الرد الرابع :
قدمي لكل وحده بطاقه صغيره مكتوب فيها
:- انثري غبار السنه الماضية وابدأي من جديد
وفيها ملزقه حلاوه
هذي فكرتي
وايد روعه العباره ..
فكرت اسوي لهم هالبطاقه ومعلقه فيها ميداليه تنحط فالمفاتيح
بس يوم حسبت شفت انه بيكلفني وايد ..
انتظر افكارج المبدعه الغلا
__________________________________________________ __________
>>>> الرد الخامس :
معلمتي :
أنا في المدرسة و في حفلة الاستقبال كانت توزيعاتهم حلوة وبسيطة وما مكلفة كانوا مسوين حفلة صغيرة و كان مدخل المدرسة كراتين مغلفة بغلاف هدايا و كانوا محطيين تقريبا سلتين كبار من الحلاوة أبو نص ..... والتوزيعات كانت عبارة عن علب كلينكس صغيرة و أسعارها رخيصة وايد و ملصقين عليها عبارات تهنئة بالعام الدراسي اليديد ............. إن شاء الله إني قدرت أساعدج ...
رد مع اقتباس
