عنوان الموضوع : ساعدوني ....وبدعيلها ....؟؟ تعليم الامارات
مقدم من طرف منتديات الضمير العربي
السلام عليكم ورحمة الله وبركاته .....
ان شاء الله ناويه اقدم امتحان الايلس ع شهر 12 في قنصليه الي في بووظبي ...
بدوون ما آخذ دوره او تدرييب لامتحان ....فعشان جي اباكم تسااعدوووني ..شو بييبووون في الامتحان بضبط ....وخاصه الرايتنق ....وكلمووووني عن امتحان بشكل عام ...شو بيييبووون ...كم ساعه ..؟؟؟؟ و.....للخ ................
ومتى اقدم على الامتحان لازم من وقت ..ولا عادي ...انا امتحاني في شهر 12 ........؟؟؟؟؟؟؟؟؟؟؟؟؟؟؟؟؟؟
بلييييز ردوا علي ...مالي غيركم ...
؟؟؟؟؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
امتحااااااااااااااااان الايلتس لازم تتدربين عليه قبل لا تقدمينه لأن يحتاج ممارسة..
وحسب ماأذكر... فالامتحان يتكون من أربع أجزاء.. قراءة وكتابة واستماع وتحدث...
1) أولا: الاستماع.. مواضيع منوعة يجب الاستماع لها وإجابة الأسئلة المتعلقة بها أثناء الاستماع..
2) ثانيا: القراءة.. 3 قطع تتبعها أسئلة منوعة (اختيار من متعدد، تسلسل، ملئ فراغات، الخ)
3) ثالثا: الكتابة.. موضوعين.. الأول يكون عادة وصف بيانات موضحة في رسم تخطيطي أو جدول..
والموضوع الثاني عبارة عن مناقشة قضية معينة.. كالتدخين، أو حوادث السيارات، أو غير ذلك..
4) رابعا: المحادثة.. وتبدأ بالحديث عن تفاصيل تتعلق بالممتحن (كالاسم والعمر والهوايات والخطط المستقبلية وغيرها) .. وتنتهي بالحديث عن قضايا عامة (اجتماعية عادة)..
بس أنا أنصحج انج اتدشين بعض المواقع الي تقدم أسئلة ونماذج للامتحان... وتتدربين عدل قبل لا اتقدمين.. لأن الامتحان مب سهل...
وبالتوفيييييييييييق ان شاء الله...
__________________________________________________ __________
>>>> الرد الثاني :
نسيت أخبرج انج لازم اتسجلين حق الامتحان من وقت (يفضل شهر 11 عالأقل)..
لأن عادة العدد والمقاعد تكون محدودة حق كل امتحان..
__________________________________________________ __________
>>>> الرد الثالث :
هلا الغالي
انا كنت في تاريخ 6 / 10 / 2007 ممتحنه وامس خذت النتيجه والحمدلله ناجحه فيه ^_^
شوفي حبيبتي
الإمتحان ينقسم 4 اقسام
1- الإستماع : هذا القسم مخصص لج فيه 30 دقيقه مقسم إلى 4 اقسام كل قسم فيه 10 اسئله عبراه عن فراغات انتي تعبينها
عقب ماتخلصين هذا القسم يعطونج 10 دقايق عشان تنقلين الإجابه للورقه
ال10 دقايق محسوبه ضمن ال30 دقيقه
2- الريدنج : وهذا القسم مخصص لج فيه 60 دقيقه هذا القسم فيه 3 موضوعات كل موضوع لج فيه 20 دقيقه وكل موضوع فيه 12 او 13 سؤال ( الأسئله متنوعه ولها اشكال اظني 9 نماذج للأسئله ) بس انتبهي مالج وقت تنقلين الأسئله سيده كتبي الأسئله على الورقه طبعا التعليمات بيعطونج اياها في الصف
3 - الرايتنج : هذا القسم مخصص لج فيه 60 دقيقه 20 دقيقه للقسم الأول اللي هو يكون فيه جدول بياني او رسومات يطلبون منج انج تلخصينه في كلام في حدود 150 كلمه ( طبعا راح يشوفون طريقة تلخيصج والكلمات اللي تستعملينها والدرجات اللي فيه قليله مقارنه مع القسم الثاني ) هم راح يقولولج هذا الكلام انج ركزي اكثر شي على الثاني لان درجاته اكثر ...القسم الثاني تكتبين موضوع من اختيارهم ( الموضوع اللي ياني كان عن المباني والشركات اللي تخلي من شركتها لوحه فنيه ) يتكون من 250 كلمه ومخصص لج الوقت فيه 40 دقيقه هم راح ينبهونج على الوقت ان الحين وقت جذا خلص وقت جذا
الحين لين هنا انتي خلصتي الإمتحان وراح يستلمون منج الأوراق ....على حسب حجزج بييج الإمتحان الأخير اللي هو
4- اللسننج " راح يخلونج في حجره يمكن يكون فيها ريال او حرمه راح يتكلمون معاج ....الكلام راح يكون مقسم إلى 3 اقسام 1- شو اسمج وهواياتج من وين انتي 2- شو احلى مكان تحبينه شو تبين تكونين في المستقبل شو حلى كتاب تحبينه وعلى فكره هذا السؤال سالوني اياه وعلى فكره راح يقولج تكلمي في 2 دقيقتين لازم ترمسين وماتوقفين لين هو مايقولج ...والجزء الثالث موضوع عام يخص البلاد او يخصج انتي
وهذا القسم فقط راح ياخذ منج 15 دقيقه او اقل
والغالي اذا ماحجزتي لازم تحجزين من الحين انا عن نفسي حاجزه من شهر 7 وكنت الأخيره بعد وآخر مكان
واذا عن القلامه والمساحات لاتبين وياج لانهم هم اللي يوفرون لج ....هذا عند جامعة ولونغونغ انا مادري في بوظبي شو سالفتهم انتي حطي في شنطج احتياط .....( تراه الجواب يكون بقلم الرصاص فقط )
اذا الأنجليزي مالج اوكي وزين مايحتاي الصراحه تاخذين دورات سيري اي مكتبه بتلقين كتب نماذج وتعليم الأيلتس راح يفيدونج وايد
لكن اذا كنتي مب زينه او شاكه في عمرج خذي الدوره
ولاتخافين الإمتحان سهل وحلو ومافيه شي اسهل من التوفل بعد بس لازم في شيء يخرب عليج انا في امتحاني الكل كان مضايق من الريدنج كان وايد صعب
بس ان شاء الله راح يكون سهل عليكم موفقه ان شاء الله
واي سؤال الغالي انا حاظره
__________________________________________________ __________
>>>> الرد الرابع :
شوو سالفه الامتحان وين يمتحنونه وحق شو؟؟
__________________________________________________ __________
رد مع اقتباس
