عنوان الموضوع : أسبوع اللغة العربية تعليم الامارات
مقدم من طرف منتديات الضمير العربي

:22 (6): :22 (6): :22 (6): ساعدوني بغيت أفكار عشان نفعل أسبوع اللغة العربية مثل نشرات أو إذاعات أو أي شيئ يخطر ع بالكم:22 (6): :22 (6): :22 (6):




:1 (78): :1 (78): :1 (78):

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ليش ما تسوين مسابقات في الاذاعة تخلين البنات يتنشطون وطبعا الاسئلة بتكون في اللغة العربية

ممكن بعد انج توزعين من احينة ورقة فيها اسئلة على الطالبات وتحطين صندوق او علبة تنحط فيها الاجابات وقبل يوم اللغة العربية تشوفون الاجوبة الصحيحة وباليوم الثاني بالاذاعة توزعون جوايز على البنات اللي فازو بالمسابقة شو رايج؟؟؟؟

__________________________________________________ __________

>>>> الرد الثاني :
شوفي حبيبتي
في هذا الأسبوع الكل لازم يتكلم باللغة العربية الفصحى سواء بين الطالبات وبعضهم أو معلمات المواد الثانية والإداريات بعد ، ولازم يكون في مراقبات بين الطالبات واللي تتكلم بالعامية اتحاكمونها ..
يعني اتسوون تمثيلية في أول يوم وتكون التمثيلية عبارة عن وحده اتكلمت بغير لغتنا وبعدين يودونها المحكمة والحكم يكون على الجميع انه اللي بتتكلم العامية خلال أسبوع اللغة العربية يحكم عليها بعدة أحكام تختارونها . وإذا ماتبون محكمه عادي بس كنوع من التغيير الكل لازم يتكلم باللغة العربية الفصحى عشان بالفعل يحسون انه هالأسبوع غير .

وممكن اتسون مسابقة بحيرة الكلمات والحروف في الطابور أو الفسحة ويكون عند مثل البحيرة .. ممكن تيبين الأحواض البلاستيك النايلون اللي ينفخونهم بالمنفاخ بس مايكون صغير وايد .. وتملينه ماي وتيبين سنارات اللي يبعون وياهم سمك بلاستيك ويكون ف طرفها مغناطيس أو أوراق تطبعين عليهم سمك وتكتبين عليهم كل القواعد مثل حرون الجر والأسماء والأفعال الناسخه وحروف النصب .... إلخ واتغلفينهم تغليف حراري وعلى حسب السؤال مره تقوليلهم اصطادوا حروف الجر ومره الأسماء ومره الأفعال ... إلخ .. وبعد بيكون من بين الأسماك كلمات ثانية عشان اتكثرين من السمك قد ماتقدرين ويكون السمك ملون .

أو اتسوين حديقة الحروف والكلمات وتطبعين الحروف والأسماء والأفعال .... إلخ .. على ورود بحيث يكون كل حرف أو اسم على ورده ويكون لها ساق وتغلفينها تغليف حراري وتحطين عود خشب في ساق الورده وتلصقينه بالمسدس الشمع وتطلبين من الطالبات يسوون حديقة الحروف الناسخة مثلا أو حديقة الأفعال .. يا إما يحطون في الرمل بحيث اتقسمين الأرض إلى أحواض أو تسبين أحواض الزرع البلاستيك واتحطين بوه داخل بحيث يثبتون الأعواد الخشب اللي ملزق عليهم الورد في البوه أو الفلين
انشالله أكون أفدتج

__________________________________________________ __________

>>>> الرد الثالث :
~::~

مرحبا عزيزتي الأسبوع الماضي انتهينا من تفعيل أسبوع اللغة العربية :

سأقدم لكـ المقترحات الآتية علكـ تستفيدين منها أنت وباقي الأخوات :-

1- افتتاح الأسبوع بطريقة إبداعية مبتكرة

2- تفعيل دور الإذاعة المدرسية

3- عمل عرض مسرحي يخص لغة الضاد

4- التحدث باللغة العربية الفصحى ( إلزامي للهيئة الإدارية والتعليمية والطالبات )

5- إصدار مجلة خاصة بلغة الضاد

6- عمل مسابقات أدبية في مجال نظم الشعر والخاطرة والمقال ..

7- عمل حفلة سمر تحوي ألعابا فكرية

8- تقديم محاضرة أو ندوة تتكلم عن أهمية اللغة العربية

9- عمل ورشة عمل لتعليم العروض ونظم الشعر

10- تقديم أصبوحة شعرية للطالبات والمعلمات

أتمنى أن يكون أسبوع اللغة العربية ناجحا ...

وبالتوفيق

~::~

__________________________________________________ __________

>>>> الرد الرابع :
https://www.7***.com/up/upb8/7***_1049561875.rar

هذي مطويه اتمنى تستفيدي منها

__________________________________________________ __________

>>>> الرد الخامس :
مشكورة حور الغيد