عنوان الموضوع : شو الحل يعني تعليم الامارات
مقدم من طرف منتديات الضمير العربي
السلام عليكم انا كتبت هالموضوع في القسم التربوي و ما حصلت اي رد قلت بكتبه هنيه لعلي احصل حل السلام عليكم انا عندي ولدين بسم الله عليهم في كيجي ون عمرهم 3 سنوات و تسع شهور واحد منهم متقبل و أموره طيبة اما الثاني اول اسبوع كان يصارخ و يصيح و ثاني اسبوع بعد نفس الشي الا انه اليوم الحمدلله ما صاح لكن خلال الاسبوع الثاني استوي جداً عنيف يضرب اليهال و يضرب المعلمة و يشتمهم و يعقق المكعبات علي اليهال و يكسر اللي في الصف و ما يسمع كلام الأبله و ما يطيع ييلس في الحلقة مع انه في البيت مب جذه أبدا و المصيبة المعلمة انا جداً متضايجة منها تقولي انا ما اقدر اتحمل ولدج بدال ما تساعدني و سرت كلمت المديرة و كانت المدرسة موجودة و ما وصلنا لحل و ما طاعوا ينقلون ولدي شعبة ثانية عند معلمة تقدر تتصرف وياه و المدرسه أبدا مب متفيجة مع ان هذي شغلتها و تأخذ راتب علي هالشي انا بديت اليوم اعطي أخته و اخوه هدية لأنهم شطار في المدرسة و هو لا وو مفكرة استمر في هالشي لين ما يعتدل حاله اذا عندكم شي ثاني ممكن اسويه ساعدوني
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شوفي اختي لا تزعلين ..
المعلمة في النهاية بشر انتي امة ما بتتحملينه
كيف معلمة مطلوب منها تجابل 20 طالب ويمكن اكثر؟
بعد الطلاب الثانين لهم حق؟ صح ولا له؟
اما عن ولدج ..
فاحسن شيء طلعينه من المدرسة وتحطينه حضانة ..يمكن يتحسن وضعه..
لان بعض الطلاب ما يتقبلون المرحلة اللي هم فيها يتقبلون مراحل اصغر
خصوصا انه الحين اصلا يدخلون العيال في سن صغيرة واايد..
وما احس ان موضوع العقاب بينفعه لانه بيحس بتمييز وتفرقة..وانه منبوذ!!
يكفي هو الوضع اللي يحسه في الصف..؟!
و الله أعلم !
__________________________________________________ __________
>>>> الرد الثاني :
اولا شكرًا علي الرد اختي عيالي كانوا في حضانة من قبل و مب حل اني أضيع عليه سنه كاملة السموحة ما اقدر أخذ برايج و الخلاف في الرأي لا يفسد للود قضية
__________________________________________________ __________
>>>> الرد الثالث :
الله يعين الأمهات
انا ما عندي خبره بس بقوله رأي ويمكن يفيدج
قولي له اذا اليوم كنت مؤدب فالمدرسة انا بوديك العصر الألعاب ,, ووديه عشان يصدق وكل مره عطيه مكافاه
عطيه اكل وحلويات حق المدرسة او اخذيله أغراض للمدرسه تكون حلووه
__________________________________________________ __________
>>>> الرد الرابع :
__________________________________________________ __________
>>>> الرد الخامس :
انا ويا اختي مالكو حايه =) ،، رديه الحضانه لين ما يستوي عمره 4 وردي دخليه لو مب كي جي 1 ع الاقل 2 وبيكون ويا اخوه والمعلمه ما غلطت صدقها هي كيف بتتحمل ياهل عنيف ولو استخدمت وياه اسلوب العقاب انتي ما بترضينها ع ولدج ! او ع الاقل خليه يغيب اسبوع ورمسيهم عن حالة ولدج وانج تبينه يتقبل الروضه ودوم الصبح وعيه وخليه يشوف اخوه وهو يتلبس وتودينه الروضه وقوليله اخوك بيلعب ويا ربعه وانته بتيلس بروحك وهو شوي شوي يمكن يتحمس انه يسير ويا اخوه
رد مع اقتباس
