عنوان الموضوع : حضانة ****** حسبنا الله و نعم الوكيل تعليم الامارات
مقدم من طرف منتديات الضمير العربي

قصتي مع حضانة حضانة** ***** حسبنا الله و نعم الوكيل فيهم ....
رحت اسجل ولدي عندهم من 4 شهور تقريبا ، و قلتلهم ان ولدي متأخر في الكلام هو أحينه عمره سنتين و ثلاث شهور ، الدكاترة قالوا احتمال ضعيف يكون عنده طيف توحد بس ما نقدر نأكد هالشي الا عجب ما يكمل 3 سنين ، المهم قالتلي المديرة إحنا ما بناخذه الين ما تجيبين معاه ( شادو تيشر ) يعني مدرسة خاصة تلازمه طول الوقت ، قلتلها حاضر ،، و تميت طول فترة الصيف و انا أدور ما حصلت الين اخر شي حصلت مكتب يجيب مدرسين من الفلبين على راتب 2500 في الشهر هذا غير تكاليف المكتب اللي توصل 10 آلاف درهم ، قلت مؤ مشكله فدا راس ولدي ،،، المهم المدرسة يبالها شهر الين توصل ، خبرت ألحضانه و قلتلهم أحينه الولد بيداوم في المدرسة و يا الناني مالته الين توصل المدرسة ،، عجب ما راح المدرسة بيومين اتصلت فيني المديرة ( هندية متجنسة بريطاني ) أتكلمني بكل قلة ذوق و اتصارخ علي قسم بالله و أتقولي اصلا إحنا اللي لازم انقابل المدرسة مش انتي و لا تجيبين ولدك المدرسة مرة ثانية مع ان الولد مسكين ما سوى شي و كان ساكت معظم الوقت و لا أذى احد ، أحينه التسجيل في الحضانات سكر و هم مب طايعين يردولنا كل المصاريف اللي دفعناها حقهم اللي توصل 10 آلاف ،،، شو الحل

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
من حقك اطالبي بالفلوس او يروح الولد غصب عنهم بس يومين واخدوا 10 آلاف شو هالنصب هاد قدمي فيها شكوى طالبي بفلوسك وبما انك طلبتيلو مدرسة من برا ليش بتودي الحضانة ما بتقدر أظل معو بالبيت؟

في حضانة بالشارقة اختي سجلت ابنها فيها اسمها بيبن بارك بالقادسية اذا انتي بالشارقة شوفيها

__________________________________________________ __________

>>>> الرد الثاني :
up up up

__________________________________________________ __________

>>>> الرد الثالث :
حسبي الله الفلوس من حقج ما يصير يسوون شذي

__________________________________________________ __________

>>>> الرد الرابع :
الله معك

__________________________________________________ __________

>>>> الرد الخامس :
أختي الكريمه،،
إن شاء الله ولدج بخير ما فيه شيء معظم الأطفال في هالسن عندهم صعوبه في الكلام وغير ذلك ،، دورج إنج انتي تعلميه وتحاولين معاه وبإذن الله تعالى بيتعلم بدون الحضانه ،،،
والله يحفظ ولدج من كل شر،،،