عنوان الموضوع : شو التخصصات اللي تناسب التدريس الاماراتي
مقدم من طرف منتديات الضمير العربي

السلام عليكم ورحمة الله وبركاته
ما ادري الموضوع هني مكانه او لا المهم
انا اخر سنة ثانويه ومحتاره شو ادش فالجامعه المفروض يكون عندي خطط مستقبليه مثل ما يقولون
بس يعني بقولكم مثلا اهلي من النوع اللي ما يحبون الاختلاط يعني ممنوع فوق جي يبون وظيفته محترمه
يعني اغلب خواتي والعائلة معلمات ! وانا مستحيل لو اتم فالبيت ولا الاقي شي مستحيل ارد لشي اسمه مدرسه
عطوني تخصصات حلوه تناسب لاني ما اعرف انا اجتماعيه واحب بصراحه علم النفس بس ما بيخلوني
غير جي فكرت صيدله بس ما ادري حسيته مب حلو واحس مب لايق اصلا وبعد ما بيخلوني
ابا تخصص وياليت تذكرون معلومات عنه وجي وكيف المواد بس بعيد عن الهندسه وطقتها والحسابات وفيزياء وكيمياء لاني اكرهن
ابا اتخلص من المدرسه وما اباهن يلاحقني هههه !

بإنتظاركم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
في بعض الوظايف فيها قسم للنساء فقط مثل البنوك

والتخصصات عندج بزنس و IT

__________________________________________________ __________

>>>> الرد الثاني :
الغالية لازم تاخذي فكرة عن كل التخصصات حتى لو نبذة سريعة
و فالجامعة بتحصلي توصيف لكل تخصص

و حزتها بتقدري تقرري شو الانسب لج
صعب نشور عليج لانه بالنهاية الشي اللي انتي تميلي له و اللي تحس بتقدري تعطي فيه

__________________________________________________ __________

>>>> الرد الثالث :

المشاركة الأصلية كتبت بواسطة لمسة سحريـة
الغالية لازم تاخذي فكرة عن كل التخصصات حتى لو نبذة سريعة
و فالجامعة بتحصلي توصيف لكل تخصص

و حزتها بتقدري تقرري شو الانسب لج
صعب نشور عليج لانه بالنهاية الشي اللي انتي تميلي له و اللي تحس بتقدري تعطي فيه




__________________________________________________ __________

>>>> الرد الرابع :
اختي شوفي IT او Csc علوم الكمبيوتر وبعد المحاسبه او الاقتصاد وبعد عندك تخصصات الطبيه مثلا علوم طبيه مااعرف اذا التخصص موجود يعني تشتغلين في المختبرات الطبيه او مثلا لو في طب اسنان بس تخصص خمس سنوات ويمكن سنه امتياز وعمل محترم اتصور الطب يعني لو تفتحين عيادة نسائيه

وفي عندك الترجمة او اللغات بس مااعرف بضبظ وين تشتغلين بس حلو بعد

وفي عندك هندسة الديكور مااعرف اذا التخصص موجود في جامعة الامارات بس حلو التخصص للحريم

__________________________________________________ __________

>>>> الرد الخامس :
اختي اذا انتي علمي ليش تدخلين التربية

اذا نسبتج حلوة دشي طب او طب اسنان بس تخصصي عقب نسائي بس فالجامعة ترحون المستشفى وكله مختلط

الواحد يفكر بتخصص مافيه وايد اقبال عليه علشان الوظيفه تكون موجوده لين تتخرجين

لاتقولين مافي رياضيات ومواد علميه هالشي حتى فتخصصات الادبي

بزنس مثلا لازم فيه رياضيات ومواد حسابيه بس لادشين بزنس واي تي وايد ناس مب محصله وظيفه للحين واغلبهم لازم اماكن مختلطة

صيدلة ممكن في المستشفيات الحكومية مثلا بس لازم مختلط اغلبهم تحصلين صيدلية النساء صوب والرجال صوب

اذا تحبين الهندسه ممكن هندسة ديكور وتصميم

الحين مطلوب هندسه نووية بس اكيد مختلط

اللي داشين فعايلتكم تربية هالشي من زمان اكيد ..فاتوقع اهلج اذا اقنعتيهم باسلوبج ممكن يقبلون التخصص اللي تختارينه

بس اختي حتى التربية ولي الامر يراجع المدرسه يعني صار الاختلاط في كل مكان. اهم شي اللي حاشمه عمرها وين ماكان

وبالتوفيق فدراستج