عنوان الموضوع : بنتي كيجي 2 للطلاب
مقدم من طرف منتديات الضمير العربي
مرحبــآ شحالكم ..؟؟؟
والله شو بقولكم ... بنتي عمرها 4 ونص وهالسنه مدخلتنها الروضه .. سيده دخلوها مستجده كيجي 2 واحينه من اسبوع يطرشون ارواق يبوني اعلمها االاياات وهي وحليها ماتعرف رمست المدرسه قالتلي والله هي وياها بنات بعد مستجدات وفعادي ..
احينه افكر ايبلها مدرسه الها ..؟؟ بس محتاره .. حد يعرف مدرسة لكيجي وتاسس صف اول في امقيوين ..
انا مب مقصره وياها احللها واحفظها بس بعد هي ماتعرف تزخ القلم .. يالليت حد يساعدي ..وربي بيسر أموورها .. دخيلكن خواتي لا تبخلن عليه ساعدوووني ...
والسمووحه منكم ...
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
حبيبتي المفروض قبل ما سير المدرسة تعلمينها عالعموم دائماً اقري السور عليها تلقائيا هي بتحفظ السور *
__________________________________________________ __________
>>>> الرد الثاني :
عادي اختي بس يبغى لها طولت
بال نفس المشكلة مروا فيها امهات في الروضة
الي تدرس فيه بنتي و قالوا لي انهم
حطوا لها مدرسات ( لانهن يشتغلهن بس لو
انتي في البيت و ما تشتغلين درسيها )
انا بنتي بروحي ادرسها الصراحة
و انا احفظها و دوم قبل لا ترقد
اقري وياها الآيات تلقائيا بتشوفيها حفظت
و في وقت الفراغ عطيها أوراق خليها تلخبط
و تسوي الي تبغاه
عادي و بتتعود مع مرور الوقت
خلال أسبوعين انا بنتي تعرف الحين تكتب اسمها
بالانجليزي بس بالعربي لا
فيبت لها سبورة و القلم و اخليها شوي شوي
تتعود و انتي تدرين ان العربي اعصب من الانجليزي
و في الإجازة دخلوها مركز لتحفيظ القران
__________________________________________________ __________
>>>> الرد الثالث :
مشكورات خواتي ع المروور ..
لا انا مب مقصره وياها اعلمها .. مشكورة اختيه مس بنك وان شالله بسوي بالي تقولينه ..
تسلموووون
__________________________________________________ __________
>>>> الرد الرابع :
انا نفس المشكله على طول دخلو بنتي كيجي 2
وكل شي صعب عليها
__________________________________________________ __________
>>>> الرد الخامس :
بصرااااحة المفروض البنية 4 سنوات و شوي تكون كيجي 2
مدرستها اص و إلا حكومي ؟؟؟
مثل ما قالن الاخوات عطيها اقلام و خلها تبدع و إشتري لها ألوان و خلها تلون على كيفها .
بالنسبة للسور و حتى و انتي فالسيارة مثلا حفظيها .
أحس عيالي يوم أسوق يحبون أغني لهم مثلا أو أقرأ عليهم قرآن المهم ما يخلوني في حالي ههههه
بس إكتشفت انهم تعلمو بعض الأمور فعلا و اللي هي كانت بس ضحك ...!!
شوي شوي عليها و ما عليج هي بتاخذ من المدرسة بعد اكثر و أكثر بس إنتي لا تحطين موضوع المدرسة من ألحينه
يعني ما يسوى عليج تييبين مدرسة حق طفلة في الكيجي 2 ؟؟؟
العبي دورج كأم و مدرسة و مربية حق بنتج و بتستفيد منج أكثر حبيبتي
رد مع اقتباس
