عنوان الموضوع : حريم لحقوا علييه بليز شهاده بنتي
مقدم من طرف منتديات الضمير العربي
السلام عليكم
اشحالكم يا خواتي عساااكم بخير
الصراااحه اليوم انجلطت من ابله العربي مالت مدرسه بنتي
المهم بخبركم السالفه
بنتي الحين الصف الثاني
وماشاء الله عليها والله يحفظها يا رب من الصف الاول تتطلع المركز الاول في صفوف
والحين هيه اللصف الثاني
طبعا بنتي متحدثه اللغه العربيه وتكتب اي شي تعرف تكتبه وتعرف تقرا وما شاء الله المشاريع اللي نسويها
وطبعا كل ما اروح اسال عليها بنتج اشطر وحده في الصف وممتازه وستواها ممتاز
والحمدالله هي في كل المواد شاطره وكله درجات كامله
المهم اليوم يت بنتي تصيح تقولي ماما الشهاده
ويوم شفت الشهااده
بنتي كل درجاتها كامله كلهن A
بس اللي فجعني في اللغه العربيه
معطيه بنتي c
تخيلوا .. وقالت حق بنات الصف لا تخلون اهلكم يتصلون علييه لانه ما برد على اي حد
ولا والقهر بنتي كل الاوراق اللي تمتحن فيهن درجات كامله او عنده غلطه والاملاء درجات كامله
الصرااحه جلطتني
بالله عليكم الحين كل المواد A ودرجات كامله
واخر شي بالعربي اونه معطي بنتي c
وعلى فكره انا اللي ادرس بنتي وبعد مخلتلها مدرسه لغه عربيه طالعه المركز الثاني على مستوى العين والمركز 3 على مستوى مجلس ابوظبي
انا قلت باجر بروح المدرسه عند المديره وبخليها تجوف لي حل
والله انجلطت
وانا اعرف مستوى بنتي والبنت الحين ووايد عندي متضاايجه وتقولي ماما ليش جيه انا اعرف اكتب واعرف اقرا واعرف كل شي
ولدرجه اسوي املاء حق بنتي من قصص كبيره وطويله او من مجلات علشان تتعلم
الصرااحه قهرتني اونه مدرسه نموذجيه ما يدخلون غير الشطار امحق مدرسه
ولا والقهر تقولي كل ما ارووح البنت ووايد ممتازه ولدرجه مخلتنها في قروب علشان هيه شاطره
قولوا لي لو انتوا مكاني شو بتسون هااااا
والله منقهره
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
والله لاسير لها وراويها شهاده البنت واقولها شوفي كلهم ما عطينها A اشمعنى انتي وانا اعرف مستوى بنتي
والله لاغسلها غسال
__________________________________________________ __________
>>>> الرد الثاني :
سيري اختي للمدرسة وتفاهمي وياها
اليوم جارتي تخبرني علا بنتها ماشاء الله تطلع كل سنة الاولى بالمدرسة وهالسنة جابت الشهاده كلها 98 و99
الا الاسلامية 91 ولما سألو مدرسة الاسلامية قالت درجة بنتكم عندي 100 بس مربية الفصل نقلت الدرجة غلط
تخيلي البنت والله تبكي ولا سكتت لانها متعوده تطلع الاولى ماشاء الله فاللحين بسيرو باكر يتفاهمو مع المربية الله يهديها
فيمكن نقلو الدرجات لبنتك ربي يحفظها بالغلط سيري لهم وان شاء الله خير
__________________________________________________ __________
>>>> الرد الثالث :
المشاركة الأصلية كتبت بواسطة روز باريس
والله لاسير لها وراويها شهاده البنت واقولها شوفي كلهم ما عطينها A اشمعنى انتي وانا اعرف مستوى بنتي
والله لاغسلها غسال
ان شاء الله باجر بسير
ولا بعد يوم نتصل ما ترد علينا تخيلي
والله فيني غصه
ولين الحينه مالي خلق حق اي شي
اتريا بس باجر ايي
والله قهر
تسلمين عنوني لا هنتي
والله يوفقج يا رب
__________________________________________________ __________
>>>> الرد الرابع :
سيري اختي للمدرسة وتفاهمي وياها
اليوم جارتي تخبرني علا بنتها ماشاء الله تطلع كل سنة الاولى بالمدرسة وهالسنة جابت الشهاده كلها 98 و99
الا الاسلامية 91 ولما سألو مدرسة الاسلامية قالت درجة بنتكم عندي 100 بس مربية الفصل نقلت الدرجة غلط
تخيلي البنت والله تبكي ولا سكتت لانها متعوده تطلع الاولى ماشاء الله فاللحين بسيرو باكر يتفاهمو مع المربية الله يهديها
فيمكن نقلو الدرجات لبنتك ربي يحفظها بالغلط سيري لهم وان شاء الله خير
بس والله قهر
بالله عليج لازم يتاكدون قبل لا يطرشون الشهايد حق الاهل
وانا بروحي كنت متروعه على نسبتي لاني اجدم على الثانويه العامه والحمدالله يبت نسبه
وان شاء الله باجر بسير
والله ما يحسوون في شعور العيال يوم يجوفون جيه دراجتهم يتحطمون
لا هنتي فديتج
وتسلمين على المرور الطيب
حبيبتي
تحياتي
لج
__________________________________________________ __________
>>>> الرد الخامس :
وانا بعد بموت قهر من استاذ اللغه العربيه مادري بلاهم مدرسين هالمادة
ما قول غير الله يعينا ويعين هاليهال على هالمدرسين
طبعا البعض منهم
رد مع اقتباس
