عنوان الموضوع : بذور الكتان لتنزيل الوزن سلامة الحمل
مقدم من طرف منتديات الضمير العربي

هلا خواتي بغيت اعرف منكن شو فايدة بذور الكتان وكيف تستخدم لإنقاص الوزن؟؟؟ وين القاها؟؟؟حد سامع عنها؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا شريتها من حرمه تبيع اعشاب فالمعرض .. صراحه استخدمتها واستغفر الله مامنها غير لوعة الكبد

لانقصت وزني ولاهم يحزنون .. قريت انها مفيده مع ريجيم عذاري ..

طعمها مثل التراب بالضبط ... و يوم تحطينها في الماي تصير هلاميه

شرات الملوخيه .. وشكلها مثل التراب.. يوم تذوب في الماي ..

هي شكلها مثل حب السمسم بس لونها بني غامق ..

__________________________________________________ __________

>>>> الرد الثاني :
اللي اعرفه الشي الهلامي زين للامساك كنت اعاني من الامساك وعطاني الدكتور الالياف fiber مثل البودرة الخشنة ومن تخطينه بالماي او العصير يستوي هلامي بس فادني والفايد الله عشان الامساك . يمكن بذور الكتان زينة للامساك وتنظم عملية الهضم مثل الالياف؟؟؟؟؟؟؟؟؟؟؟

__________________________________________________ __________

>>>> الرد الثالث :
اختي بذرة الكتان موجوده بالجمعيه وبكارفور عند لبهارات
اما بالنسبة لصحة القول انها تنزل الوزن فانا ما ادري

__________________________________________________ __________

>>>> الرد الرابع :
up
up
up

__________________________________________________ __________

>>>> الرد الخامس :
عيوني .. اذا بتستخدمينها لتخفيف الوزن .. لازم تطحنينها وعقب تحطينها في ماي مغلي وتتركينه يصير دافي وتشربينه ع الريق ..

يلاجربي شهر كامل وخبرينا بالنتايج ..