عنوان الموضوع : ساعدوني خواتي في تنظيم وقتي وأخلص شغل البيت بسرعه اشغال سهلة
مقدم من طرف منتديات الضمير العربي
السلام عليكم ورحمة الله وبركاته
كيف حالكن خواتي
أنا إن شاء الله ناويه بعد ما إتخلص شغالتي ما أجيب شغاله ثانية أريد أعتمد على نفسي في شغل البيت
يالي عندها خبرة وما عندها شغاله كيف تنظم وقتها وتخلص شغل البيت بسرعه
مثلا تغسيل الملابس مرتين في الاسبوع بعد تغسيل الملابس هل تنصحوني أشتري كواية بخار لكي الملابس لأنه صراحه الكوي وايد ياخذ وقت
الشي الثاني كيف أشيل البقع العنيده من ملابس إعيالي أريد طريقة سهله وسريعه
أكره شي عندي تغسيل المواعين من كثر ما أغسل بتقشر إيدي شو الحل؟
وبالنسبة لمسح السيراميك وغيررررررررره وغيرررررررره
بغيت طرق سهله وسريعه بليز
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
استغفر الله العظيم وأتوب إليه
__________________________________________________ __________
>>>> الرد الثاني :
وضحي هل انتي صحتج زينة
بيتج صغير كبير
في اطفال
__________________________________________________ __________
>>>> الرد الثالث :
الغاليه يعتمد على بيتج وعدد العايله
انا يوم كنت بدون بشكاره كنت منظمه وقتي بس كان شي متعب
بسبب حساسيتي من الغبار كنت اطرررر يوميا انظف الصاله والغرفه الرئيسيه
شوفي عزيزتي بقولج بطريقة اخت ريلي في بيتها لأن بيتها اصغر عن بيتي وانا ماعرف كيف بيتج صغير ولا كبير !!
المهم هي يوم الاحد تبدا تنظف غرفتها وغرفة عيالها بالكااااااااااامل + تغسل الثياب
يوم الاثنين تنظف حمامها وحمام عيالها + تنظف صالتها بالكامل
يوم الثلاثاء تكوي الملابس اللي غسلتها يوم الاحد كلللللللها
يوم الاربعاء تخم بشكل بسيط الغرف كلها والصاله
يوم الخميس تغسل الملابس كلها
يوم الجمعه اجازه
يوم السبت تكوي الملابس كلها
عني انا كنت يوم كيف بدون خدامه
يوم اغسل الملابس وثاني يوم اكوي وثالث يوم اغسل ورابع يوم اكوي وجي يعني
ومرات اطرررر اني اغسل واكوي فنفس اليوم
الغرفه الرئيسيه والصاله يوميا خم وتنظيف الرخام + غرفة الكوي
الحمام كنت انظفه بالكمل مرتين بالاسبوع
المدخل والدري كنت كل يومين انظفه مره
المطبخ يوميا امسح الارضيه والطاواله ام الرخام
لكن كتنظيف كامل كنت كل اسبوعين مره اطلع الصحون والمواعين وانظف داخل بالكامل
الغرف الثانيه مع حماماتها كنت انظفها مرتين فالاسبوع
الحمام للغرفه الرئيسيه كرمتوا المرحاض يوم اللي ما اغسل الحمام كامل انظفه من داخل بالهاربك وامسحه بالكامل بوايب الديتول
الارضيه رخام او سيراميك انظفها بالديتول بو ريحه
والحمامات بالديتول والداك وصابون سائل افرك فرك فالحمام ههههههههه
__________________________________________________ __________
>>>> الرد الرابع :
عزيزتي لبسي قفازات اذا تخافين على ايديج من الجفاف والتشققات
واهتمي بالكريييييييييييم دووووووووم بعد كل ماتغسلين ايدج دووم تمي بكريييم
__________________________________________________ __________
>>>> الرد الخامس :
مشكورات خواتي ما قصرتن
أنا بيت صغير وإن شاء الله برتب وقتي وأخلص
رد مع اقتباس
