عنوان الموضوع : ياناشدة بلاش نشده واقاويل قصيدة خليجي
مقدم من طرف منتديات الضمير العربي
أعجبت بهذه القصيده وهى للشاعر مرزوق العتيبى
وأرجو ان تنال اعحابكم
ياناشدة بلاش نشده واقاويل=عابر سبيل وباكر الصبح ماشي
ماجيت سايح يالرموش المظاليل =ولاجيت ادورفي بلدكم معاشي
لوانهامعكم تطيب التعاليل = يااهل الطرب والفرفشه والتماشي
ولا جيت في راسي ضرم للفناجيل =يا اهل الدلال اللي تجيب المغاشي
انا اقهوتي مكرمات المعاميل = يوم اقهوتكم في قزاز الغراشي
والبن لامنه نجض وارتهى الهيل =هذيك والله نشوتي وانتعاشي
في مجلس ما ضم رعديد واخبيل = ولاضم لاش ولاحتفى فيه واشي
ولا تمركابه خطاة المهابيل = اللي تشابه فالحياة المواشي
تاكل وتشرب من حساب الا زاويل =ولاتهوش ولا ترد الهواشي
اوادم في ضف اوادم معاويل= تسرح وتضوي للعلف والعراشي
لا والله الا مجلس يعدل الميل = ويضم حلوين النبا والنقاشي
حديثهم كنه عبير الا كاليل =وعن الكرم ما يعرفون التحاشي
والقل لا صار الثرى مدهم سيل = والسيل مخزون المزون النواشي
والذل لاضام القلوب المعاليل= فزعاتهم من كبرياءالنجاشي
فالصامله فيهم قساوة مغاليل = للمزح يا بنيه و جيه بشاشي
للصاحب احلى من حليب المباهيل= وامر من طعم الشري للغشاشي
وياناشده ماني خواجه وموديل = ولا افندي واتصنع واخاشي
لبست بدله واسكن بوسط هوتيل= وغريب والبس لبسكم يالرياشي
جيت بلزوم وللزوم الرياجيل= وان سهل الله ونقضى ما بقاشي
حجزت للعودة على اول تساهيل= في ليل والا مع طلوع الغباشي
ولاني على الفرقانديم المواويل= فرقاكم اعيادي وتنهيض جاشي
did you get it, okيافاتنه حيل =قالت نعم وانا لبست اندهاشي
يا عربيه ليه من غير تمثيل = على السطر مالك وما ل الحواشي
لسانك افصح مايكون وشهاليل = والغيم ثغرك والكلام الرشاشي
وثمانك الذبل رحيق المناحيل=وشفاهك الجمره واش بنا مابناشي
والنور وجهك كن في فالوجه قنديل= يانور صار الزين حولك فراشي
والليل مجدولك وانا غربتي ليل= والريح يتمنى حريرك وطاشي
ماله شبيه الا الكحيله من الخيل = حزة اطراد وفوقها القرم شاشي
والجيد ما يحتاج عقد وسلاسيل= يحتاج ما شالله عليه البواشي
بوشية تحماه من نظرة الويل = ومن فزة القلب الحسود الدفاشي
والردف ذكرني نفود وغراميل = والخصر نساني تقول امتلاشي
يامنتعش ليه الهدب فاتر الحيل = يا مرتب اربكت الخفوق الهشاشي
وش جابك لدار انحلال وبهاذيل = ما هيب لك يا الخيزران النشاشي
وانا هنا لي كم مع كم ماميل= وميلتني غصب عليه بلاشي
وقالت وحضن الدمع كف ومناديل= والكحل سال طالع الحزن غاشي
جابتني اقدار الزمان التهاويل= وعنف النظام اللي به الشر فاشي
انا ضحية غطرسة حكم تضليل = كلي مواجع وين ابلقاه شاشي
تصور اني كنت في اول ابريل=بليلة زفافي واز دهر في قماشي
الصاله الوردة والصبايا الهلا هيل==ناسي عريسي والحياوارتعاشي
واحلامي البيضاء وبغداد واربيل=ونسيم دجله والهوى وانكماشي
ونظرات عينه والليل المقابيل=واحساس صعب اعبره يامداشي
وفجاة تغير لون مجرى التفاصيل= ولمحت وجه الموت والموت عاشي
صوت الرصاص يبعثر الناس تقتيل=ماكنه الاشرهة في بقاشي
ياليتها كذبه من ابريل = ف ابريل لكنها كانت حقيقه ياماشي
وتقبلو تحيات اخوكم
صنديد
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اخي صنديد
يعطيك العاافيه
قصيدة رائعه و نقل ارووع
صح السان شاعرها
وتسلم يمينك
لاعدمنااك
__________________________________________________ __________
>>>> الرد الثاني :
مشكوووووووررررررر أخوي على النقل الرائع
ربي يسلمك
ابشر ترى قلبي نوى اليوم ينساك....ودع هواك بمنتهت سود الايام
وعشنا حياة العز من بعد فرقاك....... انثر شقاك بدرب غيري والاوهام
يماتحملت الغرابيل وياك.........يما علينا بالخطاء سقت الادنام
الى متى اصبر واتجاهل خطاياك.......وتخطي وقلبي من خطاياك منضام
ابعد وخل الوقت بالذل ياطاك...........مثلك ولويصفي لك الوقت مادام
رح للذي غرك وقفاء وخلاك...........وسهر مثل ماسهرت عيوني العام
واليوم سافرعن خفوقن قد عطاك....صافي حنانه واعتبر حبك احلام
__________________________________________________ __________
>>>> الرد الثالث :
الله يعطيك العافيه
على النقل الاكثر من رائع
لكي مني كل الاحترام والتقدير
__________________________________________________ __________
>>>> الرد الرابع :
صح السان الشاعر
وسلمت يدينك اخوي الغالي
الصنديد على هذا الذووق الرائع
بالفعل انت رائع وذوقك راقي
كل الحب يالغالي
__________________________________________________ __________
>>>> الرد الخامس :
اختي مزون
اختي دمع القلم
اخوي رحال
اخوي الاصيل
مروركم يشرفني
وصحت ابدانكم
وتقبلو تحيات اخوكم
صنديد
رد مع اقتباس
