عنوان الموضوع : بغيت مساعدتكم وخبراتكم في أوروبا التدريس الاماراتي
مقدم من طرف منتديات الضمير العربي

السلام عليكم
شحالكم بنات
بغيت خبرتكم في أوروبا حاطه في بالي ألمانيا و فرنسا بالتحديد ديزني لاند وممكن أضيف سويسرا او النمسا او اي دولة بين ألمانيا وفرنسا والمدة 10 ايام ومعاي بيبي ابي أماكن ما يتبعوا فيها البيئي و ابي أماكن حلوة وأبي اعرف جم المسافة بالسيارة بين المناطق و أحلى الفنادق... ومقرره أسافر شهر 6

ساعدوني في خبر آتكم وآراءكم هذي اول زيارة لأوروبا وأول سفره اذا الله يسر

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ان شاء الله البنات يفيدونج

رحله موفقه ان شاء الله ^^

__________________________________________________ __________

>>>> الرد الثاني :
وعليكم السلام والرحمة أختي

طرشت لج رسالة فيها خطين للسير تختارين منهم ،
واللي يعيبج بكمل وياج في التفاصيل

__________________________________________________ __________

>>>> الرد الثالث :
حبيبتي انا سافرت العام
رحلتي بالسيارة كانت المانيا يومين والنمسا 3 ايام وايطاليا يومين وسويسرا 4 ايام وفرنسا 3 من ميونخ لزيلامسي 3 ساعات من زيلامسي لفينسيا 5 ساعات ومن فينسييا لميلانو 2 ومن ميلانو لانترلاكن في سويسرا اقل من 3 ساعات وبعدين لجنيف ساعتين ومن جنيف لباريس 5 ساعاتت
حبيبتي هاذا موقع يحبسلج الامااكن والمسافة بالوقت والكيلو بالسيار بين مناطق اوربا اختاري المدينتين ويعطيج المسافة والوقت

ومعتممدد
https://www.viamichelin.com/
بالنسبه للبيبي
كان معاي بنت 3 ونص وبيبي 5 شهور اهم شي كرسي السيارة والافضل تشلينهم من الامارات وياج ارخص واضمن وفورا من المطار تستلمين السيارة وتركبين الكراسي
طبعا كل مكان رحته مع اطفالي طلعت قمم ثلجية في النمسا بس يكون مراحل خبروني اطلع لنص لان الاخيرة ممكن ينخفض فيها الاكسجين
اهم شي تاخدين معاج ادول تحامل وقطرات تاخدين كريم حفاظ تاخذين مرهم حساسيه وحق اللثة لو البيبي في عمر تسنين وميزان حرارة وخذيلهم اكل يحبونه نفس الكب كيك والتصبيرة احتياط

طبعا في كل بلد فيه مطاعم عربية في زيلامسي فيه دكان عربي كللل شي عنده طبعا لازم تروحين ياسويسرا يازيلامسي لان هي الطبيعة الخلابة وانصح باانترلاكن في سويسرا جنة الله في الارض اجمل بلاد الدنيا بعد مازرتها عفت باريس وحسيتها مقرفة ووسخه
لانها كانت بعد سويسرا اما ديزني لاند ندمت اني رحتها بس كسبت الصور فيها زحممممممممممممممة مع انه عملنا حسابنا مايكون ويكند عند اللعبه تنطرين ساعتين واكثر مافيها مطاعم ابدااا اعملي حسابج تشلين اكل وياج فيها مطعم واحد وهوت دوق وفيه كافيهات ملينا وتعبنا تمينا ساعتين وردينا


واي سوال انا في الخدمة اسىليني بالي تبين ولو تبين عندي احداثيات للكل الاماكن السياحية


ولاتنسين اهم شي النفقييشن تاخدينه وياج ومع النفقيشين انتي بامااااااااان

__________________________________________________ __________

>>>> الرد الرابع :

المشاركة الأصلية كتبت بواسطة عيوون احمد
حبيبتي انا سافرت العام
رحلتي بالسيارة كانت المانيا يومين والنمسا 3 ايام وايطاليا يومين وسويسرا 4 ايام وفرنسا 3 من ميونخ لزيلامسي 3 ساعات من زيلامسي لفينسيا 5 ساعات ومن فينسييا لميلانو 2 ومن ميلانو لانترلاكن في سويسرا اقل من 3 ساعات وبعدين لجنيف ساعتين ومن جنيف لباريس 5 ساعاتت
حبيبتي هاذا موقع يحبسلج الامااكن والمسافة بالوقت والكيلو بالسيار بين مناطق اوربا اختاري المدينتين ويعطيج المسافة والوقت

ومعتممدد
https://www.viamichelin.com/
بالنسبه للبيبي
كان معاي بنت 3 ونص وبيبي 5 شهور اهم شي كرسي السيارة والافضل تشلينهم من الامارات وياج ارخص واضمن وفورا من المطار تستلمين السيارة وتركبين الكراسي
طبعا كل مكان رحته مع اطفالي طلعت قمم ثلجية في النمسا بس يكون مراحل خبروني اطلع لنص لان الاخيرة ممكن ينخفض فيها الاكسجين
اهم شي تاخدين معاج ادول تحامل وقطرات تاخدين كريم حفاظ تاخذين مرهم حساسيه وحق اللثة لو البيبي في عمر تسنين وميزان حرارة وخذيلهم اكل يحبونه نفس الكب كيك والتصبيرة احتياط

طبعا في كل بلد فيه مطاعم عربية في زيلامسي فيه دكان عربي كللل شي عنده طبعا لازم تروحين ياسويسرا يازيلامسي لان هي الطبيعة الخلابة وانصح باانترلاكن في سويسرا جنة الله في الارض اجمل بلاد الدنيا بعد مازرتها عفت باريس وحسيتها مقرفة ووسخه
لانها كانت بعد سويسرا اما ديزني لاند ندمت اني رحتها بس كسبت الصور فيها زحممممممممممممممة مع انه عملنا حسابنا مايكون ويكند عند اللعبه تنطرين ساعتين واكثر مافيها مطاعم ابدااا اعملي حسابج تشلين اكل وياج فيها مطعم واحد وهوت دوق وفيه كافيهات ملينا وتعبنا تمينا ساعتين وردينا


واي سوال انا في الخدمة اسىليني بالي تبين ولو تبين عندي احداثيات للكل الاماكن السياحية


ولاتنسين اهم شي النفقييشن تاخدينه وياج ومع النفقيشين انتي بامااااااااان




شكرا على موقع فياميشيلين ..استفدت من هالمعلومة

بخصوص ديزني ..اذا سرتوا في الصيف فالزحمة متوقعه
لكن ديزني فيها وايد مطاعم داخلها وفي الفيلج بعد !!

__________________________________________________ __________

>>>> الرد الخامس :
حبيبتي ....الاخت حصه كان عندها نفس أسالتج تقريبا ورديت عليها على هذا الرابط
https://forum.uaewomen.net/showthread.php?t=1190794

ان شا الله تلقين الرد المناسب

واذا في اسئلة معينة تبين تعرفينها اسئلي لأنه اسئلتج عامة نوعا ما

استقري على الدول اللي تبين تزورينها عشان نجاوب بالتحديد