عنوان الموضوع : ساعدوني ماشي وقت التدريس الاماراتي
مقدم من طرف منتديات الضمير العربي

حطيت موضوعي فمكان غلط والحين حطيته هنيه ولتمنى ماينحذف وتساعدوني

سلام عليكم بنات منتديات الضمير العربي... عندي شي ابا اسويه ومابقول عنه عندي مشكله لا بالعكس شي حلو ويونس هههههه طولتها وهي قصيرة امممم بدخل بالموضوع واتمنى والله تفعلون خير فيني
بنات بعد اسبوع بسافر ودورت الاماكن اللي بنروح لها لها بس بشكل مب مرتب لاني ماعرف ادور وايد فالنت وماعرف انظم فاتمنى تساعدوني وتعطوني جدول عن السفرع وانا بكتب وين وكم يوموبدعيلها والله من كل قببي اللي تسوي لي من خبرتكم فالسفر او من اللي قريتوه او سمعتوا عنه... ادرييمكن بتقولولي دشي العرب المسافرون وكل شي موجود دخلته وقريت بس اباحد يسوي لي جدول واتمنى ماتبخلون علي.... يعني وين المطلعم الحلوة او اماكن ركوب الخيل او شلالات وبحيرات وتليفريك وكوفيات وحدائق.... رحلتي كالتالي انا وريلي واربع اطفال
باريس 4 ليالي
فرانكفورت 1 ليلة
بادن بادن 3 ليالي
جنيف 3 ليالي
انترلاكن 3 ليالي
ميونيخ 1 ليله
وبتكوون عندنا سياره فالسفره ماعدا باريس
اترياااااكم دخيييلكم ماشي قت اسبوع بس وماعندي حداساله

في الانتظار

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
باريس 4 ليالي

بما انه وياج يهال افضل حل من وجهة نظري انج تيلسين

يوم في باريس
3 أيام في مدينة يوروديزني
(لانه اليهال ما بيلحقون يشبعون منها
وخاصة انه هالشهر بعدهم يمشون على النظام الشتوي
يعني الحديقة تسكر 8 المسا)

أو على الاقل

يومين في باريس
ويومين يوروديزني

او اذا كان جدولكم 4 ايام في باريس نفسها
فما شي حل غير انكم تسيرون بالقطار لللحديقة
من محطة القطارات اللي في الشانزيليزيه

(وتوفيرا للوقت اشتروا تذاكر الحديقة من محل ديزني ستور اللي في الشانزيليزيه
عشان تتجنبون الطوابير الطويلة عند الحديقة)

في باريس تقدرون تركبون The Big Bus
بياخذكم في جولة لمشاهدة أشهر الاماكن السياحية
اذا حبيتوا تنزلون عند كل موقع ..عادي انزلوا وصوروا
وكل ربع ساعة بيمر عليكم الباص وبياخذكم لتكملة الجولة !

في الشانزيليزيه اشهر مطعم ستيك اسمه
Le Retais De L'entrecote
(ملاحظة : ممكن توقفون في طابور لين ايي دوركم)

وطبعا لازم تسيرين محلات غاليري لافاييت

وفي ماركة فرنسية للاحذية الجلدية روووووعه للمشي اسمها Arche

وطبعا برج ايفيل
الحي اللاتيني

من اشهر الاماكن اللي بتكون على جدول زيارتج .

أما يوروديزني فبتلقين كل المعلومات اللي تهمج في هالتقارير :

https://forum.uaewomen.net/showthread...965&highlight=
https://forum.uaewomen.net/showthread...969&highlight=
https://forum.uaewomen.net/showthread...973&highlight=

__________________________________________________ __________

>>>> الرد الثاني :
فرانكفورت

مدينة صناعية ما حبيتها !!
رتمها سريع لانها مدينة صناعية ومملة

اقتراحي :

خلال هاليوم ترومون تزورون مدينة صغيرة وهادية اسمها Wiesbaden
تتميز بشوارعها الجديمة والسيارات ما يدخلونها

فيها منابع مياه حارة
ومطاعم صغيرة على الطراز القديم
حديقة للبط
وفيها مطعم ايراني اكله يجنن اظني اسمه ألف ليلة وليلة

اذا فكرتوا في هالليلة بدال فرانكفورت تسكنون في فيزبادن
فاقتراحي هو فندق Nassauer Hof

__________________________________________________ __________

>>>> الرد الثالث :
Baden Baden

كانت على جدول رحلتنا واتكنسلت في اخر لحظة !!

على العموم بانصحج نصيحة ..
في تطبيق اسمه Foursquare تقدرين تدخلينه من اي هاتف ذكي
وتكتبين اسم المدينة اللي انتي فيها
بتطلع لج على طول اقرب الفنادق والمطاعم والاماكن السياحية

مثال :
انا دخلت البرنامج وكتبت لج بادن بادن شوفي النتائج اللي طلعت لي :
https://foursquare.com/explore?mode=...n%2C%20Germany

__________________________________________________ __________

>>>> الرد الرابع :
جنيف

مدينة ما فيها زود غير السوق وعداله بحيرة جنيف

بتلقين معلومات عنها في تقريري هذا (ان شا الله بس الصور ما اختفن )
https://forum.uaewomen.net/showthread...879&highlight=


اقتراحي :
خلوا جنيف المركز ! يعني اسكنوا فيها وكل يوم سيروا زوروا مدينة قريبة وارجعوا المسا مثل :

1 مدينة مونترو
https://forum.uaewomen.net/showthread...811&highlight=

2 مدينة ايفوار Yvoire
مدينة تاريخية حواليها سور حجري ضخم ما تدخلها السيارات
https://forum.uaewomen.net/showthread...372&highlight=

3 مدينة Annecy (فينيسيا الفرنسية)
مدينة فرنسية على الحدود الفرنسية السويسرة رائعة واليهال بيحبونها
تقدرون تسيرون لها بالسيارة خلال نص ساعة
او بالعبارة من جنيف خلال ساعة تشوفون خلالها مشاهد من البحيرة

__________________________________________________ __________

>>>> الرد الخامس :
انترلاكن

مدينة جبلية سياحية رائعه وفيها فعاليات سياحية
لكن احس 3 ايام وايد عليها !!


ميونخ

مدينة يحبونها العرب ما اعرف ليش !!
مملة جدا واذا كنتوا بتيلسون فيها يوم واحد
فشي طبيعي بتسيرون ساحة المارينبلاتز
اللي كلها محلات ومطاعم

وان شا الله ما اكون قصرت وياج

ورحلة سعيدة مقدما