عنوان الموضوع : من تجـاربكم ,, شو الاشياء إلي لازم اعرفها في الريال قبل ما نتزوج عالم الامومة
مقدم من طرف منتديات الضمير العربي

السلام عليكم ورحمه الله وبركاته


شحـــــــــــالكم ,, إن شاء الله تمممممممممممام


بغيت أعـرف منكـم ,, في فتره الملجـه ,, شو الأشيـاء إلي المفروض اعرفهـأ في الريال قبل الزواج ,,

عطوني تجاربكـم ,, مثلا شي كنتوا تتمنون تعرفينها عن ريلج قبل الزواج

و طبعا نتفاهم على السكن والعيال والشغـل ,, الخ ,, عارفه كل هالشغلات ,, بس عطوني أشياء ثانيه مهمه ,, يمكن اكون قافلـه عنها

علمـا بأن ,, الأهـل قاموا بالواجب واسألوا عن الريال ,, سمعته أوك ويصلي ,,,,, الخ

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يصلي وخايف ربه .. ما يسهر لتالي الليل وعزب وشيشه .. بار بوالديه ... مب مغازلجي .. ولاعصبي...بيت بروحج الا ان كان وحيدهم .. وبس حبوبه..

__________________________________________________ __________

>>>> الرد الثاني :
أهم شي بعد الزواج لأن فترة الملجه ما تظهر العيوب ولا الطبايع و الصفات الحقيقيه سواء منه أو منج
لكن الأهم بعد الزواج
حاليا سيري مكتبة جرير بتلاقين كتاب إسمه الرجال من المريخ والنساء من الزهره يعلمج تفهمين نفسية الرجل إشتريه وإقرأيه زين ولخصي النقاط المهمه وإقهميها زين
وطبعا الأهم السمع والطاعه له بما يرضي الله والتودد له والإبتسامه بوجهه وغيرها الكثير هذا المختصر

__________________________________________________ __________

>>>> الرد الثالث :

المشاركة الأصلية كتبت بواسطة احب السفر
يصلي وخايف ربه .. ما يسهر لتالي الليل وعزب وشيشه .. بار بوالديه ... مب مغازلجي .. ولاعصبي...بيت بروحج الا ان كان وحيدهم .. وبس حبوبه..



ولازم يكون متفاهم وياج

__________________________________________________ __________

>>>> الرد الرابع :
عصبي او لا

يصلي او لا

نظامه في يومه كيف؟...يسهر يرقد من وقت...

شو الامور اللي يكرهها واللي مايحبها..خاصة في الحريم

رومانسي ولا لا عشان ماتبنين قصور في الاحلام

__________________________________________________ __________

>>>> الرد الخامس :
يصلي
زين مع اهله وطبعا اولهم امه وابوه
يخلص اشغاله بنفسه ولا معتمد على اهله في كل شي
كريم
ليش قرر يتزوج .. يعني هو يبغي يتزوج أو امه تبغيه يتزوج؟؟!! طبعا لازم يكون هو بنفسه أخذ قرار الزواج..
لازم تعرفين شو تجهيزاته للزواج .. يعني هل أمن لك سكن سواء مستقل او مع اهله بشرط يكون مريح لك .. هل يستطيع ان يصرف عليك ؟؟

وان شاء الله التوفيق من الله ...